مَتَّى 6:10 - كِتاب العَهد الجَّديد مِن الكِتاب المُقَدَّس

¹⁰ خَلّي مَلَكوتَك بِجي. خَلّي إرادَتَك تَكون في الدُّنيا زي ما تَكون إرادَتَك في السَّما.

مَتَّى 6:10 Referans Kwoze

عِبرانيين 10:36

إنتو تَحتاجو لِلصَّبر، حَتّى إذا عَمَلتو إرادَة الله، بِتَقبَلو الوَعد.

يُوحَنَّا 4:34

يَسُوع قال ليهُم: ”الأكل بِتاعي هو أن أعمِل إرادَة الرَّسَّلني، و أكَمِّل عَمَلو.

مَتَّى 26:42

و مَشى مَرَّه تانيَه و صَلّى و قال: ”يا أبوي، إذا ما في طَرِيقَه تانيَه، إلّا أقبَل الشّي التَّقيل دا، أنا رَضيان بِالإنتَ عاوِز تَجيب عَلي.“

مَتَّى 12:50

عَشان البيَعمِل إرادَة أبوي الفي السَّما، هو أخوّي، و أُختي، و أُمّي.“

١ تَسَالُونِيكِي 5:18

أشكُرو في كُلّو شي، عَلَشان دي إرادَة الله فِشانكُم في المَسيح يَسُوع.

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

يُوحَنَّا 6:40

عَشان دي إرادَة أبوي، كُل البِشوف الإبن و بِآمِنو بيهو، تَكون ليهو الحَياة الأبَديَّه. و أنا بَقَوِّمو في اليوم الأخير.“

كُولُوسِّي 1:9

بِالسَّبَب دا، نِحنا مِن اليوم لَمّا سِمِعنا عَنكُم، ما وَقَفنا نَصَلّي فِشانكُم. و نَسأل عَشان إنتو تَكونو مَليانين بِمَعرِفَة إرادَة الله في كُلّو حِكمَه و فَهم روحي.

أفَسُس 6:6

ما تَخدِموهُم لَمّا هُم يَعاينو ليكُم بَس عَشان تَعمِلوهُم مَبسوطين مِنَّكُم. لَكِن زي خَدّامين المَسيح، أعمِلو إرادَة الله مِن القَلب.

مَتَّى 7:21

مُش كُلّو واحِد البقول لَي: يا رَب، يا رَب، بِدخُل مَلَكوت السَّما، لَكِن بَس هو البيَعمِل زي ما عاوِز أبوي الفي السَّما.

١ بُطْرُس 2:15

عَشان إرادَة الله هي أن تَسَكِّتو جَهَل النّاس الغُشّام بِأعمالكُم الطَّيبَه.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

مَتَّى 3:2

و يَقول: ”توبو، فِشان مَلَكوت السَّما قَريب.“

لُوقَا 22:42

و قال: ”يا أبوي، إذا إنتَ رَضيان، شيل كُبّايَة الضّيق دي مِنّي. لَكِن ما إرادَتي، لَكِن إرادَتَك تَتِم.“

يُوحَنَّا 7:17

إذا واحِد رَضيان يَعمِل إرادَة الله، هو ماشي يَعرِف التَّعليم دا، إذا هو مِن الله، ولّا أنا بَتكَلَّم بيهو مِن نَفسي.

رؤيا 19:6

و بَعدين سِمِعتَ زي صوت ناس كُتار، و زي صوت مويَه كَتيرَه و زي صوت رُعود شَديدَه، البِقولو: ”هَلِّلويا! عَشان الرَّب إلَهنا القادِر عَلى كُلّو شي يَمحَق.

١ تَسَالُونِيكِي 4:3

عَشان إرادَة الله هي قَداسَتكم أن تَكونو بَعيدين مِن الزِّنا.

أعمال الرُّسُل 21:14

و لَمّا أبى يَسمَعنا، سَكَتنا و قُلنا: ”خَلّي إرادَة الرَّب تَكون.“

أعمال الرُّسُل 13:22

و لَمّا الله شال مِنَّهُم شَاوُل، رَفَع دَاوُد مَلِك ليهُم، و شِهِد ليهو و قال: لِقيت دَاوُد وَلَد يَسَّى، راجِل حَسَب قَلبي، و هو بيَعمِل كُلّو إرادَتي.

مَتَّى 4:17

مِن الوَكِت داك يَسُوع إبتَدا يَبَشِّر، و يَقول: ”توبو، علشان مَلَكوت السَّما قَريب.“

رؤيا 12:10

و سِمِعتَ صوت عالي في السَّما يَقول: ”هَسَّع جا الخَلاص و القُدرَه و مَلَكوت إلَهنا و سُلطَة مَسيحو. عَلَشان المُشتَكي عَلى أخوانّا إترَمى، هو البِشتَكي عَليهُم نَهار و ليل قِدّام إلَهنا.

١ بُطْرُس 4:2

عَشان ما يَعيش الوَكِت الباقي في الجِّسِم لِشَهوات النّاس، لَكِن لِإرادَة الله.

عِبرانيين 10:7

في الوَكِت دا، أنا قُلتَ: ’شوف! أنا جيت زي ما مَكتوب عَنّي في الكِتاب عَشان أعمِل إرادَتَك، يا الله.“

لُوقَا 19:38

و قالو: ”مُبارَك المَلِك الجّاي بِإسم الرَّب. سَلام في السَّما و مَجد في المَحَل العالي.“

مَرْقُس 3:35

هو البيَعمِل إرادَة الله، هو أخوّي، و أُختي، و أُمّي.“

مَتَّى 16:28

الحَق أقول ليكُم، بَعَد مِن النّاس الواقفين هِنا ما بِموتو لِغايَة ما بِشوفو إبن الإنسان يَجي في مَلَكوتو.“

مَرْقُس 11:10

مُبارَكَه مَملَكَة أبونا دَاوُد الجّايَه! أُوصَنّا في العالي!“

رؤيا 11:15

و المَلاك السّابِع نَفَخ في البوق، و كان في أصوات عاليَه في السَّما يَقولو: ”مَملَكَة الدُّنيا بِقَت مَملَكَه لِرَبَّنا و لِمَسيحو. و هو بِيَحكُم لِلأبَد!“

رؤيا 20:4

و بَعدين شُفتَ كَراسي و ديل القاعِدين فوقُم، و أدّاهُم السُّلطَه عَشان يَحكُمو. و شُفتَ كَمان نُفوس النّاس الرّوسينُم كانو مَقطوعين فِشان شَهادَة يَسُوع و فِشان كِلمَة الله. و هُم ما عَبَدو الوَحَش ولّا صَنَمو، و ما قِبِلو عَلامتو عَلى جَبهاتُم ولّا عَلى إيدينُم. و هُم عاشو تاني مَرَّه و مَلَكو مَعَ المَسيح ألف سَنَه.

عِبرانيين 1:14

مُش كُلُّهُم أرواح البِخدِمو، مَرَسَّلين لِلخِدمَه فِشانُم الماشين يورَثو الخَلاص؟

كُولُوسِّي 1:13

عَشان هو شالنا مِن سُلطَة الضُّلُمَّه، و جابنا لِمَلَكوت إبن مَحَبَّتو،

لُوقَا 19:11

و وَكِت هُم كانو يَسمَعو، يَسُوع إستَمَرَّ و قال ليهُم مَثَل، عَشان هو كان قَريب مِن أُورُشَلِيم، و هُم كانو يَفتَكِرو إنّو مَلَكوت الله بِظهَر طَوّالي.

أعمال الرُّسُل 22:14

و هو قال: ’إلَه أبَهاتنا إختارَك عَشان تَعرِف إرادتو و تَشوف البار و تَسمَعو يتكَلَّم بِصوتو.