مَتَّى 5:11 - كِتاب العَهد الجَّديد مِن الكِتاب المُقَدَّس

¹¹ مُبارَكين إنتو لَمّا يَشتِموكُم و يَطرُدوكُم و يَقولو كُلّو كِلمَه بَطّالَه عَليكُم عَشانّي بِالكِضِب.

مَتَّى 5:11 Referans Kwoze

١ بُطْرُس 4:14

إن شَتَموكُم عَشان خاطِر إسم المَسيح، إنتو مُبارَكين، عَشان روح المَجد، روح الله، قاعِد عَليكُم.

لُوقَا 21:17

و كُل النّاس بِكرَهوكُم فِشان إسمي.

مَرْقُس 13:13

و النّاس كُلّو بِكرَهوكُم عَشان خاطِر إسمي. لَكِن اليِتحَمَّل لِغايَة الآخِر بِيَخلَص.

مَتَّى 24:9

بَعدين هُم بِسَلِّموكُم لِلضّيق و بِكتُلوكُم. و كُلّو ناس الدُّنيا بِيَكرَهوكُم عَشان إسمي.

لُوقَا 6:22

مُبارَكين لَمّا النّاس بِكرَهوكُم، و ما بِقعُدو مَعاكُم و بِشتِموكُم، و بِطَلِّعو عَليكُم إسم بَطّال عَشان إبن الإنسان.

١ بُطْرُس 2:23

لَمّا شَتَموهو، هو ما رَدَّ الشَّتيمَه، و لَمّا إتوَجَّع، ما هَدَّد، لَكِن إتَّكَل عَلى البِحكُم بِالعَدِل.

يُوحَنَّا 15:21

لَكِن هُم بيَعمِلو كُلّو دا ليكُم فِشان إسمي، عَشان هُم ما عارفين الرَّسَّلني.

مَتَّى 10:22

و كُل النّاس بِكرَهوكُم عَشان إسمي. لَكِن البِشِد حيلو لِلآخِر، هو بِخلَص.

مَتَّى 10:39

البِحفَظ نَفسو بِوَدِّرا، و البِوَدِّر نَفسو عَشانّي بِحفَظا.

رؤيا 2:3

و عِندَك صَبر و إتحَمَّلتا التَّعب عَشان خاطِر إسمي و ما بِقيت تَعبان.

مَتَّى 19:29

و كُلّو واحِد الخَلّى بُيوت ولّا أخوان ولّا أخوات ولّا أبو ولّا أُم ولّا أولاد ولّا زِراعات فِشان إسمي، هو بياخُد مِيَّة مَرَّه، و بِتكون ليهو الحَياة الأبَديَّه.

٢ كُورِنْثُوس 4:11

عَشان نِحنا الحَيين، يَسَلِّمونا كُلّو وَكِت لِلموت عَشان خاطِر يَسُوع، عَشان يَشوفو حَياة يَسُوع كَمان في جِسِمنا البِموت.

١ كُورِنْثُوس 4:10

نِحنا بَليدين فِشان المَسيح، لَكِن إنتو فاهمين في المَسيح. نِحنا ضَعيفين لَكِن إنتو قَوّيين، إنتو مُحتَرمين لَكِن نِحنا بِدون إحتِرام.

رُومِيَه 8:36

زي ما مَكتوب: ”نِحنا فِشانَك في خَطَر مِن الموت كُل النَّهار، و حَسبونا زي خِرفان لِلضَّبيحَه.“

لُوقَا 21:12

لَكِن قُبّال دا كُلّو، بِمسِكوكُم و يَطرُدوكُم، و بِسَلِّموكُم لِبِيوت الرَّب و السُّجون. و بِسوقوكُم قِدّام المُلوك و المُديرين فِشان إسمي.

لُوقَا 9:24

عَشان كُل الدّايِر يَخَلِّص نَفسو يَوَدِّرو، و كُل اليَوَدِّر نَفسو عَشانّي يَخَلِّصو.

مَرْقُس 8:35

عَشان هو الدّاير يَخَلِّص نَفسو، بِضَيِّعا. و هو اليَضَيِّع نَفسو فِشانّي أنا، و فِشان الإنجيل، بِخَلِّصا.

مَتَّى 10:25

كِفايَه لِلتِّلميذ أن يَكون زي مُعَلِّمو، و الخَدّام زي سيدو. إذا كان سَمّو رَب البيت بَعلَزَبول، كيف بِالأكتَر ناس بيتو.

أعمال الرُّسُل 9:16

و أنا بَوَرّيهو كَم لازِم يِتوَجَّع عَشان إسمي.“

مَرْقُس 13:9

لَكِن إنتو، خَلّو بالكُم لِنُفوسكُم، عَشان هُم بِسَلِّموكُم لِلمَحاكِم، و يَضرُبوكُم في بُيوت الرَّب. و بِتقومو قِدّام مُديرين و مُلوك فِشانّي أنا، عَشان تَكونو شَهادَه ليهُم.

مَتَّى 27:39

و المارين بِالسِّكَّه شَتَموهو، و هَزّو روسينُم،

مَرْقُس 4:17

و ما ليهُم عِرق في نُفوسُم، لَكِن يِستَنّو وَكِت قَليل. بَعدين، لَمّا الضّيق ولّا الطَّرد يَحصَل عَشان الكِلمَه، طَوّالي يَقَعو.

مَتَّى 10:18

و بِسوقوكُم قِدّام مُديرين و مُلوك فِشانّي أنا، عَشان تَشهَدو قِدّامُم و قِدّام ناس الدُّنيا.

يُوحَنَّا 9:28

و شَتَموهو و قالو: ”إنتَ تِلميذ الرّاجِل داك، لَكِن نِحنا تَلاميذ مُوسَى.

فيلِبّي 1:29

عَشان كِدا، الله، فِشان المَسيح، أدّا ليكُم مُش أن تَآمِنو فيهو بَس، لَكِن أن تِتوَجَّعو عَشان خاطِرو كَمان،