مَتَّى 4:23 - كِتاب العَهد الجَّديد مِن الكِتاب المُقَدَّس

²³ و يَسُوع كان ماشي في كُل الجَّليل، و بِعَلِّم في بِيوت الرَّب، و بِبَشِّر بِشارات المَلَكوت، و يَشيل كُلّو عَيى مِنَّهُم و كُلّو ضُعف في وَسط النّاس.

مَتَّى 4:23 Referans Kwoze

مَتَّى 9:35

و يَسُوع كان بِمشي في كُل المُدُن و البِلاد، و يَعَلِّم في بِيوت الرَّب و يَبَشِّر بِبِشارات المَلَكوت، و يَشفي كُلّو عَيى و كُلّو مَرَض في النّاس.

مَرْقُس 1:39

و مَشى في الجَّليل كُلَّها، و كان يَبَشِّر في بُيوت الرَّب و يَمَرِّق الشّياطين.

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

لُوقَا 7:22

و رَدَّ و قال ليهُم: ”أمشو و خَبِّرو يُوحَنَّا بِالحاجات الشُّفتوها و سِمِعتوها. العَميانين بِشوفو، و العُرُج بِمشو، و المُجَزَّمين بِتنَضَّفو، و الطُرُش بِسمَعو، و المَيِّتين بِقومو، و المَساكين بِبَشِّرو ليهُم.

مَتَّى 11:5

العَميانين بِشوفو، و النّاس العُرُج بِمشو، و النّاس العِندَهُم عَيى الجِّزام بِقو نُضاف، و ناس طُرُش بِسمَعو، و المَيِّتين بِقومو، و المَساكين بِسمَعو الخَبَر الكَويس.

مَتَّى 13:54

و جا لِوَطَنو و بِقى يَعَلِّمُم في بيت الرَّب حَتّى النّاس إستَغرَبو و قالو: ”الإنسان دا لِقى الحِكمَه دي و القُوّات مِن وين؟

مَرْقُس 1:21

و مَشو لِكَفْرَنَاحُوم. و طَوّالي في يوم السَّبِت دَخَل بيت الرَّب و بِقى يَعَلِّم.

رُومِيَه 10:15

و كيف بِبَشِّرو إذا ما يَرَسِّلوهُم؟ زي ما مَكتوب: ”شوف كيف جَميل كِرعين المُبَشِّرين بِحاجات كوَيسَه!“

لُوقَا 8:1

و بَعَد شوَيَه، كان بِمُر عَلى كُلّو مَدينَه و حِلَّه يَنادي و يَبَشِّر بِمَلَكوت الله. و الإتناشَر كانو مَعاهو،

مَرْقُس 6:2

و لَمّا كان يوم السَّبِت، إبتَدا يَعَلِّم في بيت الرَّب. و ناس كُتار لَمّا سِمِعوهو، إستَغرَبو و قالو: ”الرّاجِل دا إتعَلَّم كُلّو دا مِن وين؟ شِنو الحِكمَه الأدّوها ليهو؟ حَتّى يَقدَر يَعمِل الأعمال القَوّيَّه دي بِإيدو!

مَتَّى 24:14

و بِبَشِّرو بِبِشارات المَلَكوت دي في الدُّنيا كُلَّها، عَشان شَهادَه لِكُلّو ناس الدُّنيا. و بَعدين آخِر الدُّنيا بِجي.

مَتَّى 12:9

و مَرَق مِن هِناك و دَخَل بيت الرَّب بِتاعُم.

يُوحَنَّا 18:20

و يَسُوع قال ليهو: ”أنا إتكَلَّمتَ قِدّام النّاس. و أنا عَلَّمتَ كُلّو وَكِت في بُيوت الرَّب و في الهيكَل، المَكان البِلِمّو فيهو كُل اليَهود. و ما إتكَلَّمتَ أي شي بِالسِّر.

لُوقَا 13:10

و كان بِعَلِّم في واحِد مِن بِيوت الرَّب في السَّبِت.

لُوقَا 9:11

و النّاس، وَكِت ما عِرفو، تِبِعوهو. و هو قِبِلُم و كَلَّمُم عَن مَلَكوت الله، و شَفى المُحتاجين لِلشِّفا.

لُوقَا 5:17

و في يوم مِن الأيام كان يَعَلِّم. و كانو فَرّيسيِّين و مُعَلِّمين القانون قاعِدين، و هُم جو مِن كُلّو حِلَّه مِن الجَّليل و اليَهُودِيَّه و أُورُشَلِيم. و قُدرَة الرَّب كانَت مَعاهو عَشان يَشفيهُم.

مَرْقُس 6:6

و هو إستَغرَب عَشان هُم كانو بِدون إيمان. و مَشى مِن حِلَّه لِحِلَّه و عَلَّم النّاس.

مَرْقُس 3:10

عَلَشان هو شَفى ناس كُتار، حَتّى كُل العِندَهُم أمراض إتلَمّو قَريب مِنّو لِيَلمَسوهو.

مَرْقُس 1:14

و بَعَد ما يُوحَنَّا كان مَحبوس، يَسُوع جا لِلجَّليل، و بَشَّر بِإنجيل الله.

أعمال الرُّسُل 20:25

و هَسَّع شوفو، أنا بَعرِف إنتو ما بِتشوفو وَشّي تاني مَرَّه، إنتو، يا كُل الأنا مَشيت بِينُم بَبَشِّر بِالمَلَكوت.

أعمال الرُّسُل 18:4

و هو كان بِتكَلَّم في بيت الرَّب كُلّو سَبِت، و يَرَضّي اليَهود و ناس إغريقيين.

يُوحَنَّا 6:59

يَسُوع قال الكَلام دا و هو بِعَلِّم في بيت الرَّب في كَفْرَنَاحُوم.

لُوقَا 10:9

و أشفو المَرضانين الفي البيت، و قولو ليهُم: مَلَكوت الله قَرَّب مِنَّكُم.

لُوقَا 6:17

و نَزَل مَعاهُم و وَقَف في مَكان وَصِف. و كانو مَعاهو جَمَع كَتير مِن تَلاميذو و ناس كُتار مِن كُل اليَهُودِيَّه و أُورُشَلِيم و جَمب صُور و صَيدا. و هُم جو عَشان يَسمَعوهو و عَشانو يَشفيهُم مِن أمراضُم.

مَتَّى 14:14

و لَمّا يَسُوع وِصِل لِلطَّرَف، شاف ناس كُتار. و كان عِندو رَحمَه في قَلبو، و شَفى الكانو عَيّانين.

مَتَّى 13:19

لَمّا أي واحِد يَسمَع كِلمَة المَلَكوت و ما يَفهَما، الشَّرّير يَجي و يَمسِك المَزروع في قَلبو. دا الكان مَزروع عَلى الطَّرِيق.

مَتَّى 3:2

و يَقول: ”توبو، فِشان مَلَكوت السَّما قَريب.“

يُوحَنَّا 7:1

بَعَد كِدا، يَسُوع كان يَمشي في الجَّليل. عَشان هو ما كان داير يَمشي في اليَهُودِيَّه، عَشان اليَهود كانو عاوزين يَكتُلوهو.

لُوقَا 20:1

و في يوم مِن الأيام، لَمّا يَسُوع كان بِعَلِّم النّاس في الهيكَل و بِبَشِّر، القُسُس الكُبار و مُعَلِّمين القانون مَعَ الشُّيوخ جو ليهو.

لُوقَا 4:14

و رَجَع يَسُوع بِقُدرَة الرّوح لِلجَّليل، و الخَبَر عَنّو مَشى في كُل المَحَلّات الجَّمبو.

لُوقَا 6:6

و حَصَل في سَبِت تاني، دَخَل بيت الرَّب و كان يَعَلِّم. و كان في زول هِناك إيدو اليَمين يابسَه.

لُوقَا 7:21

و في السّاعَه ديك شَفى ناس كُتار مِن أمراضُم، و عَياهُم، و مِن أرواح شَرّيرَه. و فَتَح عُيون عَميانين كُتار.

لُوقَا 9:60

و يَسُوع قال ليهو: ”خَلّي المَيِّتين يَدفِنو مَيِّتينُم. لَكِن إنتَ، أمشي و بَشِّر بِمَلَكوت الله.“

لُوقَا 16:16

القانون و الأنبياء كانو لِغايَة وَكِت يُوحَنَّا. و مِن الوَكِت داك بِبَشِّرو بِمَلَكوت الله. و كُلّو واحِد البِدخُل فيهو، بِدخُل بِقُوَّه.

أعمال الرُّسُل 28:31

و كان بِبَشِّر بِمَلَكوت الله، و بِعَلِّم البِخُص بِالرَّب يَسُوع المَسيح بِدون خوف، و ما في واحِد يَمنَعو.