مَتَّى 27:32 - كِتاب العَهد الجَّديد مِن الكِتاب المُقَدَّس

³² و وَكِت ما كانو ماشين، لِقو زول قِرَواني، إسمو سِمْعَان. و أخَدوهو بِقُوَّه عَشان يَشيل صَليبو.

مَتَّى 27:32 Referans Kwoze

مَرْقُس 15:21

و واحِد إسمو سِمْعَان القِرَواني، أبو ألِسكَندَر و روفُس، كان بِفوت، و هو جاي مِن الزِّراعَه. و أخَدوهو بِقُوَّه عَشان يَشيل صَليبو.

لُوقَا 23:26

و وَكِت ما ساقوهو، واحِد إسمو سِمْعَان مِن قيرَوان، كان جاي مِن الزِّراعَه. و خَتّو عَليهو الصَّليب عَشان يَشيلو وَرا يَسُوع.

مَتَّى 16:24

بَعدين يَسُوع قال لِتَلاميذو: ”إذا كان أي زول داير يَجي وَراي، خَليهو يَنكِر نَفسو، و يَشيل صَليبو، و يَتبَعني.

أعمال الرُّسُل 6:9

و قامو جُزو مِن النّاس الكانو في نوع الدّين اليَهودي البِسَمّوهو بيت الرَّب بِتاع الحُرّين، و القَيْرَوَانِيِّين و الإسكَندَريين و المِن كِيلِيكِيَّا و آسيا، و هُم كانو يَقاوِمو اسْتِفَانُوس.

أعمال الرُّسُل 2:10

و في فَرِيجِيَّه و في بَمْفِيلِيَّه و في مَصِر و أقسام لِيبِيَّا القَريبَه لِقيرَوان و ضُيوف مِن رُومِيَه، يَهود و مِصَدِّقين دين اليَهود.

أعمال الرُّسُل 13:1

و في الكَنيسَه الفي أَنْطَاكِيَه أنبياء و مُعَلِّمين، و هُم بَرْنَابَا، و سِمْعَان الإسمو نِيجَر، و لوكيوس القَيْرَوَانِي، و مَناين الكان أخو لِهِيرُودُس رَئيس المُديرِيَّه، و شَاوُل.

أعمال الرُّسُل 11:20

و لَكِن بَعض مِنَّهُم مِن قُبرُص و القَيْرَوَان، لَمّا دَخَلو أَنْطَاكِيَه، كانو بِكَلِّمو ناس إغريقيين كَمان، و بِبَشِّروهُم بالرَب يَسُوع.

يُوحَنَّا 19:17

و اَخَدو يَسُوع، و هو شايل صَليبو، لِلمَكان البِقولو عَنّو مَكان الجُّمجُمَه، و إسمو بِالعِبرانيَّه، جُلجُثَه.

أعمال الرُّسُل 7:58

و رَموهو بَرَّه مِن المَدينَه و إبتَدو يَرموهو بِحُجار. و الشّاهِدين خَتّو هِدُومُم في رِجلين شاب إسمو شَاوُل.

مَتَّى 5:41

و إذا أي واحِد عَاوِزَك تَمشي مَعاهو واحِد ميل بِقُوَّه، أمشي مَعاهو إتنين.