مَتَّى 26:18 - كِتاب العَهد الجَّديد مِن الكِتاب المُقَدَّس

¹⁸ و قال ليهُم: ”أمشو لِلمَدينَه لِفُلان، و قولو ليهو، المُعَلِّم يَقول: وَكتي قَريب. بَسَوّي عيد الفِصَح مَعَ تَلاميذي في بيتَك.“

مَتَّى 26:18 Referans Kwoze

يُوحَنَّا 7:6

يَسُوع قال ليهُم: ”وَكتي لِسَّع ما جا، لَكِن الوَكِت بِتاعكُم دايماً حاضِر.

يُوحَنَّا 17:1

و لَمّا يَسُوع إتكَلَّم الكَلام دا، رَفَع عُيونو لِلسَّما و قال: ”يا أبوي، السّاعَه جات. مَجِّد إبنَك عَشان إبنَك يَمَجِّدَك كَمان.

يُوحَنَّا 13:1

قُبّال عيد الفِصَح، لَمّا يَسُوع عِرِف ساعتو جات عَشان يَسيب الدُّنيا دي، و يَمشي لِلأبو، هو حَبَّ النّاس بِتاعو الكانو في الدُّنيا، و حَبّاهُم لِلآخِر.

يُوحَنَّا 7:30

عَشان كِدا، هُم جَرَّبو يَقبُضو عَليهو، لَكِن ما في زول قِدِر يَخُت إيدو عَليهو، عَشان ساعتو لِسَّع ما جات.

يُوحَنَّا 7:8

أمشو إنتو لِلعيد. أنا ما ماشي لِلعيد دا، عَشان وَكتي لِسَّع ما جا بِالتَّمام.“

يُوحَنَّا 12:23

لَكِن يَسُوع قال ليهُم: ”السّاعَه جات عَشان إبن الإنسان يِتمَجَّد.

لُوقَا 22:53

وَكِت ما أنا كُنتَ مَعاكُم كُلّو يوم في الهيكَل، ما قَبَضتو عَلي. لَكِن دي ساعَتكُم و قُوَّة الضُّلُمَّه.“

يُوحَنَّا 11:28

و لَمّا قالَت كِدا، مَشَت و نادَت أُخُتا مَرْيَم بِالسِّر، و قالَت ليها: ”المُعَلِّم جا، و هو بِناديكي.“

مَرْقُس 5:35

و وَكِت ما يَسُوع يتكَلَّم لِسَّع، ناس جو مِن رَئيس بيت الرَّب، و قالو: ”بِتَّك ماتَت. لِشِنو إنتَ لِسَّع تَتَعِّب المُعَلِّم؟“

مَتَّى 26:2

”إنتو عارفين عيد الفِصَح يَكون بَعَد يومين، و بِسَلِّمو إبن الإنسان عَشان يَصلُبوهو.“

مَتَّى 23:10

و كَمان ما تَخَلّو النّاس يَسَمّوكُم رَئيس، فِشان رَئيسكُم واحِد بَس، و هو المَسيح.

مَتَّى 23:8

لَكِن ما تَخَلّو النّاس يَسَمّوكُم سَيِّد، عَلَشان مُعَلِّمكُم واحِد بَس، و كُلَّكُم أخوان.

مَتَّى 21:3

إذا أي واحِد بِقول ليكُم حاجَه، كَلِّموهو: الرَّب مُحتاج ليهُم، و هو بِرَسِّلُم طَوّالي.“

يُوحَنَّا 20:16

يَسُوع قال ليها: ”يا مَرْيَم.“ و هي عايَنَت وَراها، و قالَت ليهو بِلُغَة اليَهود: ”رَبّوني!“ يَعني: ”يا مُعَلِّم.“

مَتَّى 26:49

و هو طَوّالي قَرَّب لِيَسُوع، و قال: ”السَّلام، يا سَيِّدي.“ و سَلّم عَليهو سَلام شَديد.

مَتَّى 26:19

و التَّلاميذ عَمَلو زي ما يَسُوع أمَرُم، و جَهَّز الفِصَح.