مَتَّى 25:35 - كِتاب العَهد الجَّديد مِن الكِتاب المُقَدَّس

³⁵ عَشان أنا كُنتَ جَعان، و إنتو أدّيتوني أكل. كُنتَ عَطشان، و أدّيتوني شَراب. كُنتَ غَريب، و عَزَمتوني لِبِيوتكُم.

مَتَّى 25:35 Referans Kwoze

عِبرانيين 13:16

لَكِن ما تَنسو تَعمِلو الخير، و تَشتَرِكو مَعَ التّانيين، عَشان ضَبايح زي دي تَبسِط الله.

يَعْقُوب 1:27

الدّين النَّضيف و البِدون عيب قِدّام الله الأبو، هو زيارَة اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.

رُومِيَه 12:13

شارِكو مَعَ المُحتاجين بين القِدِّسين. أفتَحو بُيوتكُم لِلغَريبين.

رُومِيَه 12:20

لَكِن إذا عَدوَّك جَاع، أدّيهو أكل. و إذا عَطَش، أدّيهو مويَه. عَشان إذا كان عَمَلتَ كِدا، هو بِكون خَجلان مِن عَمَلو.

عِبرانيين 6:10

عَشان الله ما ظالِم، و هو ما بيَنسى عَمَلكُم و المَحَبَّه الإنتو وَرّيتوها فِشان إسمو لَمّا خَدَمتو القِدِّسين، و لِسَّع بِتَخدِموهُم.

فِلِيمُون 1:7

عَشان عِندَنا فَرَح كَتير و تَعزيَه مِن مَحَبَّتَك. عَلَشانَك، يا أخوّي، أدّيت راحَه لِقُلوب القِدِّسين.

١ تِيمُوثَاوُس 5:10

و النّاس يَعرِفوها بِأعمالا الكوَيسَه. هي كانَت رَبَّت الأولاد، و فَتَحَت بيتا لِلغَريبين، و غَسَّلَت كِرعين القِدِّسين، و ساعَدَت المَظلومين، و أدَّت نَفسَها لِكُلّو عَمَل كوَيس.

أفَسُس 4:28

ما تَخَلّي الكان بِسرِق يَسرِق تاني مَرَّه. لَكِن خَليهو يَشتَغِل بِإيدينو حاجَه طَيبَه، عَشان بِكون عِندو حاجَه عَشان يَدّي لِلزّول العِندو إحتِياج.

رُومِيَه 16:23

يَسَلِّم عَليكُم غَايُوس، الفَتَح بيتو لَي و لِلكَنيسَه كُلُّها. يَسَلِّم عَليكُم أَرَاسْتُس، المَسؤول عَلى خَزنَة المَدينَه و كُوَارْتُس الأخو.

أعمال الرُّسُل 16:15

و لَمّا إتعَمَّدَت، هي و ناس بيتا، سألَتنا و قالَت: ”إذا حَكَمتو أنا مِآمِنَه بِالرَّب، أدخُلو بيتي و أقعُدو فيهو.“ و سألَتنا كَتير، و قَعَدنا مَعاها.

أعمال الرُّسُل 11:29

و التَّلاميذ، كُلّو واحِد مِنَّهُم حَسَب قُدرَتو، جَهَّزو عَشان يَرَسِّلو حاجَه مُساعَدَه لِلأخوان السّاكنين في اليَهُودِيَّه.

أعمال الرُّسُل 10:31

و قال لَي: يا كَرْنِيلِيُوس، الله سِمِع صَلَواتَك و إتزَكَّر صَدَقَاتَك لِلمَساكين.

أعمال الرُّسُل 4:32

و كُل المؤمِنين كانو عِندَهُم قَلب واحِد و فِكر واحِد. و لا واحِد قال حاجَه مِن أموالو كانَت ليهو بَس، لَكِن كانو عِندَهُم كُلّو شي مَعَ بَعض.

يُوحَنَّا 13:29

عَلَشان يَهُوذَا كان عِندو الصَّندوق، بَعض مِنَّهُم فَكَّرو إنّو يَسُوع قال ليهو يَشتَري الحاجات الهُم عاوزين لِلعيد، ولّا يَدّي شي لِلمَساكين.

لُوقَا 11:41

لَكِن أدّو مِن قُلوبكُم لِلمَساكين. و شوفو! كُلّو شي يَبقى نَضيف ليكُم.

مَرْقُس 14:7

المَساكين مَعاكُم دايماً، و في أي وَكِت الإنتو عاوِزين، تَقدَرو تَعمِلو ليهو الخير. و لَكِن أنا ما بَكون مَعاكُم دايماً.

مَتَّى 26:11

عَشان المَساكين مَعاكُم في كُلّو وَكِت، و لَكِن أنا ما بَكون مَعاكُم في كُلّو وَكِت.

مَتَّى 25:40

و المَلِك بِرُد و بِقول ليهُم: أقول ليكُم الحَق، زي ما إنتو عَمَلتوهو لِواحِد مِن أخواني ديل الأصغَر، عَمَلتوهو لَي.