مَتَّى 20:21 - كِتاب العَهد الجَّديد مِن الكِتاب المُقَدَّس

²¹ و قال ليها: ”إنتي عاوزَه شِنو؟“ قالَت ليهو: ”أَدِّي أمر عَن أولادي الأتنين ديل عَشان يَقعُدو، الواحِد عَلى يَمينَك، و التّاني عَلى شِمالَك في مَلَكوتَك.“

مَتَّى 20:21 Referans Kwoze

مَتَّى 19:28

يَسُوع قال ليهُم: ”الحَق أنا بَقول ليكُم: في الزَّمَن الجَّديد، لَمّا إبن الإنسان يَقعُد عَلى كُرسي المَلِك في مَجدو، إنتو كَمان التَّبَعتوني بِتَقعُدو عَلى إتناشَر كُرسي، و تَحكُمو عَلى قَبايل إِسْرَائِيل الإتناشَر.

مَتَّى 18:1

في الوَكِت داك، التَّلاميذ قَرَّبو لِيَسُوع و قالو: ”مِنو هو الأكبَر في مَلَكوت السَّما؟“

أعمال الرُّسُل 1:6

عَلَشان كِدا، لَمَّن إتلَمّو سَوا، سألوهو و قالو: ”يا رَب، في الوَكِت دا، إنتَ بِترَجِّع المَملَكَه لِإِسْرَائِيل؟“

مَرْقُس 6:22

و لَمّا بِت هِيرُودُس دَخَلَت و رَقَصَت، هِيرُودُس و ضُيوفو كانو مَبسوطين جِدّاً. و المَلِك قال لِلبِت: ”أطلُبي مِنّي زي ما عاوزَه، و أنا بَدّيها ليكي.“

مَتَّى 20:32

و يَسُوع وَقَف و ناداهُم و قال: ”عاوِزينّي أعمِل ليكُم شِنو؟“

كُولُوسِّي 3:1

عَلَشان كِدا، إذا إنتو قُمتو مَعَ المَسيح، أطلُبو الحاجات الفي فوق، المَكان الفيهو المَسيح قاعِد عَن يَمين الله.

رُومِيَه 12:10

حِبّو بَعضَكُم بَعض بِمَحَبَّه زي أخوان. إحتَرِمو بَعضَكُم بَعض.

يُوحَنَّا 15:7

إذا تَسكُن فِيني و كَلامي يَسكُن فيكُم، إنتو بِتَطلُبو الدّايِرينو، و يَكون ليكُم.

لُوقَا 22:24

و كَمان شَكَل قام بِينُم ياتو مِنَّهُم يَكون أكبَر.

لُوقَا 19:11

و وَكِت هُم كانو يَسمَعو، يَسُوع إستَمَرَّ و قال ليهُم مَثَل، عَشان هو كان قَريب مِن أُورُشَلِيم، و هُم كانو يَفتَكِرو إنّو مَلَكوت الله بِظهَر طَوّالي.

لُوقَا 18:41

”إنتَ عاوِزني أعمِل ليك شِنو؟“ و هو قال: ”يا رَب، خَلّيني أشوف مَرَّه تانيَه.“

مَرْقُس 10:51

و يَسُوع قال ليهو: ”دايِرني أعمِل ليك شِنو؟“ و العَميان قال ليهو: ”يا سَيِّد، داير أشوف مَرَّه تانيَه.“

رُومِيَه 8:34

مِنو البِحكُم عَليهُم؟ المَسيح يَسُوع يَطلُب فِشانّا، و هو المات، لَكِن بِالأكتَر قام مِن بين المَيِّتين، و هو عَن يَمين الله.

مَرْقُس 16:19

و بَعَد ما الرَّب يَسُوع كَلَّمُم، إتَّخَد لِلسَّما، و قَعَد عَلى يَمين الله.

مَتَّى 20:22

و لَكِن يَسُوع رَدَّ و قال: ”إنتو ما تَعرِفو الإنتو تَطلُبو. إنتو بِتَقدَرو تَتعَبو زي ما أنا بَتعَب؟“ قالو ليهو: ”بِنَقدَر.“