مَتَّى 19:22 - كِتاب العَهد الجَّديد مِن الكِتاب المُقَدَّس

²² و لَمّا الشّاب سِمِع الكَلام دا، مَرَق حَزين، عَشان كان عِندو مال كَتير.

مَتَّى 19:22 Referans Kwoze

مَتَّى 6:24

واحِد ما يَقدَر يَخدِم سَيِّدين، عَشان يا بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.

مَتَّى 13:22

و الكان مَزروع في وَسط الشّوك، دا هو البِسمَع الكِلمَه، و لَكِن مَشغوليّات الدُّنيا و مَحَبَّة المال تَكون كَتيرَه حَتّى يَمنَعو الكِلمَه، و تَكون بِدون ثِمار.

كُولُوسِّي 3:5

عَلَشان كِدا، أكتُلو كُلّو حاجَه فيكُم البِتكون مِن الأرض: الزِّنا، و النَّجاسَه، و الشَّهوَه الشَّديدَه، و الشَّهوات البَطّالَه، و الطَّمَع، يَعني عِبادَة الأصنام.

أفَسُس 5:5

عَشان إنتو بِتَعرِفو دا، كُل البيَعمِلو الزِّنا ولّا بِكونو نَجِسين، ولّا طَمّاعين، و اليَعبُدو الأصنام، ديل ما عِندَهُم ميراث في مَلَكوت المَسيح و الله.

مَرْقُس 10:22

و هو بِقى ما مَبسوط مِن الكِلمَه دي، و هو مَرَق حَزنان، عَشان كان عِندو أموال كَتيرَه.

مَتَّى 16:26

عَشان شِنو الفايدَه لِلزّول إذا بِلقى فايدَة الدُّنيا كُلَّها، و لَكِن يَوَدِّر نَفسو! ولّا الزّول بِبَدِّل شِنو بِنَفسو؟

لُوقَا 18:23

و لَمّا هو سِمِع دا، بِقى حَزنان، عَشان كان غَني جِدّاً.

مَتَّى 14:9

و المَلِك كان حَزين عَلى دا. لَكِن عَشان الحَلَف بِتاعو و ضُيوفو، أمَر أن يَدُّوهو ليها.

مَرْقُس 6:26

و المَلِك كان حَزنان جِدّاً. و لَكِن عَلَشان حَلَفو و ضُيوفو، ما داير يَرفُضو.

مَتَّى 19:21

و يَسُوع قال ليهو: ”إذا كان عاوِز تَكون تَمام، أمشي، و بيع مالَك، و أَدِّي القُروش مِنّو لِلمَساكين، و بِكون عِندَك كَنز في السَّما. و تَعال أتبَعني.“

مَتَّى 19:23

و يَسُوع قال لِتَلاميذو: ”الحَق أنا بَقول ليكُم: صَعَب لِزول غَني أن يَدخُل مَلَكوت السَّما.

يُوحَنَّا 16:20

الحَق الحَق أقول ليكُم، إنتو بِتَبكو و بِتكورِكو، و الدُّنيا تَفرَح. إنتو بِتَحزَنو، لَكِن حُزنَكُم بِتغَيَّر لِفَرَح.