مَتَّى 18:9 - كِتاب العَهد الجَّديد مِن الكِتاب المُقَدَّس

⁹ و إذا كان عينَك هي سَبَب خَطيَّتَك، طَلِّعا و أرميها مِنَّك. أحسَن ليك تَدخُل الحَياة بِعين واحدَه مِن ما يَرموك في جَهَنَّم النّار و عِندَك عُيون.

مَتَّى 18:9 Referans Kwoze

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

مَتَّى 18:8

و إذا كان إيدَك ولّا كُراعَك هي سَبَب خَطيَّتَك، أقطَعا و أرميها مِنَّك. أحسَن ليك تَدخُل الحَياة بِكُراع واحدَه ولّا إيد واحدَه مِن ما يَرموك في النّار الأبَديَّه و عِندَك إيدين ولّا كِرعين.

مَتَّى 5:29

كان عينَك اليَمين تَكون سَبَب خَطيَّه ليك، طَلِّعا و أرميها مِنَّك، عَشان أحسَن ليك أن واحِد عُضو مِن جِسمَك يِتوَدَّر، و هُم ما يَرمو جِسمَك كُلّو في جَهَنَّم.

مَتَّى 5:22

و لَكِن أنا أقول ليكُم، كُل اليَزعَل عَلى أخوهو، هو قَرَّب لِلحُكم. و اليَقَول لِأخوهو: يا بَليد، هو قَرَّب لِلمَجِلس. و اليَقول: يا غَشيم، هو قَرَّب لِنار جَهَنَّم.

رؤيا 21:27

و ما في شي نَجِس بِدخُل فيها أبَداً، ولّا أي واحِد اليَعمِل الحاجَه البِتَخجَل ولّا الكِضِب. لَكِن بَس النّاس الأساميهُم مَكتوبين في كِتاب الحَياة بِتاع الحَمَل يدخُلو.

عِبرانيين 4:11

عَلَشان كِدا، خَلّونا نَتعَب عَشان نَدخُل في الرّاحَه ديك. و نَخاف يِمكِن واحِد يَعمِل زي ما هُم عَمَلو لَمّا ما طاعو.

مَرْقُس 9:47

و إذا عينَك سَبَب خَطيَّتَك، طَلِّعا. أحسَن تَدخُل مَلَكوت الله بِعين واحدَه مِن أن يَرموك في جَهَنَّم و عِندَك عُيون،

مَتَّى 19:17

و يَسُوع قال ليهو: ”لِشِنو تسألني عَن الحاجات الكوَيسَه؟ الكَويس هو واحِد بَس. و إذا عاوِز تَدخُل الحَياة، أحفَظ الأوامِر.“

مَتَّى 16:26

عَشان شِنو الفايدَه لِلزّول إذا بِلقى فايدَة الدُّنيا كُلَّها، و لَكِن يَوَدِّر نَفسو! ولّا الزّول بِبَدِّل شِنو بِنَفسو؟