مَتَّى 16:6 - كِتاب العَهد الجَّديد مِن الكِتاب المُقَدَّس

⁶ و يَسُوع قال ليهُم: ”خَلّو بالكُم و أحرِسو مِن خَميرَة الفَرِّيسِيِّين.“

مَتَّى 16:6 Referans Kwoze

لُوقَا 12:1

و وَكِت ما آلاف مِن النّاس إتلَمّو لِغايَة ما كانو يَدوسو بَعضَهُم عَلى بَعض، إبتَدا يَكَلِّم تَلاميذو في الأوَّل: ”خَلّو بالكُم مِن خَميرَة الفَرِّيسِيِّين الهو النِفاق.

غَلَاطِيَّه 5:9

خَميرَه صَغَيرَه تَشتَغِل في كُل العَجين.

مَرْقُس 8:15

و هو حَزَّرُم و قال: ”خَلّو بالكُم، و أحرِسو مِن خَميرَة الفَرِّيسِيِّين و خَميرَة هِيرُودُس.“

مَتَّى 16:12

في الوَكِت داك، فِهمو إنّو ما قال ليهُم يَخَلّو بالُم مِن خَميرَة العيش، لَكِن مِن تَعليم الفَرِّيسِيِّين و الصَّدّوقيين.

لُوقَا 12:15

و قال ليهُم: ”شوفو و أحرِسو نُفوسكُم مِن كُلّو طَمَع. عَشان حَياة الزّول ما بِتَجي مِن كَترَت الحاجات العِندو.“

مَتَّى 3:7

و لَمّا شاف كَتير مِن الفَرِّيسِيِّين و الصَّدّوقيين قاعِدين يَجو لِلمَعموديَّه، يُوحَنَّا قال ليهُم: ”يا أولاد الدَّبايب، مِنو خَبَّركُم بِالخَطَر عَشان تَجرو مِن الزَّعل الجّاي؟

مَتَّى 16:1

و الفَرّيسيّين و الصَّدّوقيين قَرَّبو ليهو و جّرَّبوهو. و سألوهو عَشان يَوَرّيهُم عَلامَه مِن السَّما.

مَتَّى 16:5

و لَمّا التَّلاميذ وِصلو لِلجَّمب التّاني، كانو نِسو ياخُدو عيش.

مَتَّى 16:7

و إتكَلَّمو عَن دا بين نُفوسُم و قالو: ”عَشان ما أخَدنا عيش.“

مَتَّى 16:11

كيف ما تَفهَمو أنا ما كَلَّمتَكُم في خُصوص العيش؟ لَكِن خَلّو بالكُم مِن خَميرَة الفَرِّيسِيِّين و الصَّدّوقيين.“

يُوحَنَّا 4:33

و التَّلاميذ قالو بَعضَهُم لِبَعض: ”يِمكِن زول جاب ليهو شي عَشان ياكلو.“