مَتَّى 11:21 - كِتاب العَهد الجَّديد مِن الكِتاب المُقَدَّس

²¹ ”حُزن ليكي، يا كُورَزِين، حُزن ليكي، يا بيت صَيدا. عَشان إذا كان القُوّات العَمَلوها فيكُم، عَمَلوها في صُور و صَيدا، كانو تابو مِن زَمان و لَبَسو الشَّوال، و خَتّو الرَّماد فوق راسُم.

مَتَّى 11:21 Referans Kwoze

أعمال الرُّسُل 12:20

هِيرُودُس زِعِل مِن ناس صُور و صَيدا. و هُم جو ليهو بِفِكرَه واحدَه بَعَد ما عَمَلو الصَّداقَه مَعَ بِلاستُس، رَئيس سَرايَة المَلِك. و طَلَبو مِنّو السَّلام عَلَشان بَلَدُم كانَت تاخُد الأكِل مِن بَلَد المَلِك.

يُوحَنَّا 12:21

النّاس ديل جو لِفِيلُبُّس المِن بيت صَيدا في الجَّليل، و قالو ليهو: ”يا سَيِّد، نِحنا عاوزين نَشوف يَسُوع.“

لُوقَا 9:10

و لَمّا الرُّسُل رَجَعو، خَبَّروهو بِكُل العَمَلوهو. و أخَدُم، و هُم مَشو بَراهُم لِبَلَد إسِما بيت صَيدا.

مَرْقُس 6:45

و طَوّالي يَسُوع دَخَّل تَلاميذو في المُركَب، عَشان يَمشو قُبَّالو لِلطَّرف التّاني لِبيت صَيدا، و هو صَرَف النّاس.

مَتَّى 15:21

و يَسُوع مَرَق مِن هِناك و مَشى بَراهو لِقِسم صُور و صَيدا.

يَهُوذَا 1:11

يا مُصِيبَتُم! عَلَشانُم مَشو في سِكَّة قايين، و سَلَّمو نُفوسُم لِغَلطَة بَلعام لِلرِّبِح. و هُم ماتو في فِتنَة قُورَح.

يُوحَنَّا 1:44

و فِيلُبُّس كان مِن بيت صَيدا، مَدينَة أنْدَرَاوُس و بُطْرُس.

لُوقَا 6:17

و نَزَل مَعاهُم و وَقَف في مَكان وَصِف. و كانو مَعاهو جَمَع كَتير مِن تَلاميذو و ناس كُتار مِن كُل اليَهُودِيَّه و أُورُشَلِيم و جَمب صُور و صَيدا. و هُم جو عَشان يَسمَعوهو و عَشانو يَشفيهُم مِن أمراضُم.

مَرْقُس 8:22

و جو لِبيت صَيدا. و جابو ليهو واحِد عَميان، و طَلَبو مِنّو يَلمَسو.

مَرْقُس 7:31

بَعَد شوَيَه، يَسُوع مَرَق مِن مَحَل صُور، و مَشى بِدَرِب صَيدا لِبَحَر الجَّليل، في وَسط مَحَل المُدُن العَشَرَه.

مَرْقُس 3:8

و أُورُشَلِيم، و أدومِيَّه، و مِن فوق الأُردُن، و مِن حَول صُور و صَيدا، ناس كُتار جِدّاً سِمِعو كُل الهو عَمَل، و جو ليهو.

مَتَّى 18:7

حُزن لِناس الدُّنيا عَشان الحاجات البيها النّاس بِكونو مَجَرَّبين لِلخَطيَّه. لازِم الحاجات دي بِتَجي، لَكِن حُزن لِلزّول البِخَلّي الحاجات تَجي بيهو.

مَتَّى 11:22

و لَكِن أقول ليكُم، في يوم الحُكم، حالَة صُور و صَيدا بِتكون أحسَن مِن الحالَه البِتكون ليكُم.

أعمال الرُّسُل 27:3

و في اليوم التّاني، وِصِلنا لِصَيدا. و يُولِيُوس عَمَل مَعروف لِبُولُس و أدّاهو إذِن يَمشي لِأصحابو، عَشان يَدُّوهو المُحتاج ليهو.

لُوقَا 4:26

لَكِن الله ما رَسَّل إِيلِيَّا لِواحدَه مِنَّهُم إلّا لِمَرَه كانَت أرمَلَه في صَرفَه في بَلَد صَيدا.

مَرْقُس 7:24

و يَسُوع قام مِن هِناك، و مَشى لِمَحَل صُور و صَيدا. و دَخَل في بيت، و ما كان عاوِز أي واحِد يَعرِف. لَكِن ما قِدِر يَكون مَدسوس مِنَّهُم.

مَتَّى 26:24

صَحيح، إبن الإنسان ماشي زي ما مَكتوب عَنّو. لَكِن حُزن لِلزّول داك اليَسَلِّم إبن الإنسان. كان أحسَن لِلزّول داك إذا ما كان مَولود.“

رؤيا 6:12

و شُفتَ لَمّا فَتَح الخِتِم السّادِس. و كانَت في زَلزَلَه كَبيرَه. الشَّمِش بِقَت سودَه زي شَوال أسوَد، و القَمَر كُلّو بِقى زي الدَّم.

رؤيا 11:3

و أنا بَدّي لِشاهِديني قُوَّه، و هُم بِتنَبّو مُدَّة ألف و ميتين و سِتّين يوم و هُم لابسين شَوال.“