15 بِالحَق أقول ليكُم، في يوم الحُكم، حالَة سَدوم و عَمورَه بِتكون أحسَن مِن حالَة المَدينَه ديك.
و الله حَكَم بِالخَراب عَلى المَدينَتين، سَدوم و عَمورَه. و حَرَقُم حَتّى بِقو رَماد، و عَمَلُم مَثَل لِلنّاس البِعيشو حَياة بِدون ما يَخافو الله.
بِدا، المَحَبَّه تَبقى كاملَه فينا، عَشان بِكون عِندَنا تأكيد في يوم الحُكم. عَلَشان زي ما هو، نِحنا كَمان كِدا في الدُّنيا دي.
و لَكِن السَّماوات و الأرض المَوجودَه هَسَّع، بِالكِلمَه ديك زاتا، مَخزونَه لِلنّار. و بِتكون مَحفوظَه لِيوم الحُكم و خَراب النّاس الما بِخافو الله.
و كِدا الرَّب بِيَعرِف كيف يَخَلِّص البِخافوهو مِن التَجرِبَه، و يَحفَظ الشَّرّيرين لِيوم الدّينونَه عَشان يَعاقِبُم.
و إذا أي مَحَل ما يَقبَلكُم، و النّاس يابو يَسمَعو ليكُم، هِزّو التُّراب مِن رِجلينكُم لَمّا تَمرُقو، عَشان شَهادَه عَليهُم.“
أقول ليكُم، في يوم الحُكم، النّاس بِدّو حِساب عَن كُلّو كِلمَه بَطّالَه الهُم إتكَلَّمو بيها.
بِالحَق أنا أقول ليكُم، لِغايَة ما تَفوت السَّما و الأرض، ما يَفوت حَرف واحِد ولّا نُقطَه واحدَه مِن القانون لِغايَة ما الكُل بِتِم.
في اليوم داك، ناس كَتيرين بِقولو لَي: يا رَب، يا رَب، ما بَشَّرنا بِإسمَك؟ و ما طَلَّعنا شياطين بِإسمَك؟ و ما عَمَلنا أعمال كَتيرَه بِقُدرَه بِإسمَك؟
و دي إرادَة الرَّسَّلني، إنّو كُل الأدّاني، ما أوَدِّر مِنّو شي، لَكِن بَقَوِّمو في اليوم الأخير.
عَشان دي إرادَة أبوي، كُل البِشوف الإبن و بِآمِنو بيهو، تَكون ليهو الحَياة الأبَديَّه. و أنا بَقَوِّمو في اليوم الأخير.“
البِرفُضني و ما يَقبَل كَلامي، عِندو واحِد بِدينو. الكَلام الأنا إتكَلَّمتا، بِدينو في اليوم الأخير.
عَشانو إختار يوم فيهو بِيَحكُم عَلى الدُّنيا بِالعَدل بِالإنسان الجَّهَّزو. و أدّا لِلكُل بيّنَه، لَمّا قَوَّمو مِن بين المَيِّتين.“
عَمَل كُلّو واحِد بِبقى بايِن. عَشان اليوم بِوَرّيهو، و هو يَبَيِّن بِالنّار. و النّار بِتَمتَحِن عَمَل كُلّو واحِد هو مِن ياتو نوع.
لَكِن إنتو، يا أخوان، ما في الضُّلُمَّه، و اليوم داك ما بِجي عَليكُم زي الحَرامي.
و ما نَسيب إجتِماعنا سَوا زي ما بَعض مِن النّاس عِندَهُم عادَه. لَكِن خَلّونا نَشَجِّع بَعَضَنا بَعض و بِالزِّيادَه بِقَدُر ما تَشوفو اليوم يَقَرِّب.
و المَلائكَه الما حِفظو سُلطَتُم لَكِن سابو بيتُم المَخصوص، ديل مَحفوظين بِجَنازِير أبَديَّه لِدينونَة اليوم العَظيم في الضَّلام.
و كِدا كَمان سَدوم و عَمورَه و البِلاد الحَواليهُم سَلَّمو نُفوسُم لِلزِّنا و مَشو وَرا شَهوَه ما زي طَبيعَة النّاس. و هُم بِقو مَثَل البِتحَمَّلو جِزا نار أبَديَّه.