لُوقَا 9:51 - كِتاب العَهد الجَّديد مِن الكِتاب المُقَدَّس

⁵¹ و لَمّا تَمَّت الأيام لِرَفعو لِلسَّما، خَلّى كُلّو بالو، عَشان يَمشي لِأُورُشَلِيم.

لُوقَا 9:51 Referans Kwoze

مَرْقُس 16:19

و بَعَد ما الرَّب يَسُوع كَلَّمُم، إتَّخَد لِلسَّما، و قَعَد عَلى يَمين الله.

لُوقَا 18:31

و أخَد الإتناشَر و قال ليهُم: ”شوفو، نِحنا ماشين لِأُورُشَلِيم، و كُل المَكتوب بِالأنبياء عَن إبن الإنسان بِتِم.

لُوقَا 13:22

و كان بِمُر في بِلاد و حِلَل يَعَلِّم، و هو ماشي لِأُورُشَلِيم.

لُوقَا 17:11

و في سَفَرو لِأُورُشَلِيم، يَسُوع مَشى بين السَّامِرَه و الجَّليل.

١ بُطْرُس 3:22

و هو دَخَل السَّما، و هو في يَمين الله، و المَلائكَه و السُّلطات و القُوّات يَطيعوهو.

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 6:20

و يَسُوع دَخَل هِناك قِدّامنا و فِشانّا. هو بِقى رَئيس قُسُس لِلأبَد، زي التَّرتيب بِتاع مَلكِصادَق.

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

أفَسُس 1:20

و دي نَفس القُوَّه الهو عَمَل في المَسيح لَمّا هو قَوَّمو مِن بين المَيِّتين، و أدّاهو الكُرسي عَن يَمينو في المَحَلّات الفي السَّما.

أعمال الرُّسُل 1:9

و بَعَد ما قال كِدا، إترَفَع لِفوق و وَكِت هُم قاعِدين يَشوفو، سَحابَه أخَدَتو مِن عُيونُم.

أعمال الرُّسُل 1:2

لِغايَة اليوم الأخَدوهو لِلسَّما. و قُبّال ما أخَدوهو لِلسَّما، هو أمَر بِالرّوح القُدُس الرُّسُل الهو إختارُم.

يُوحَنَّا 17:11

أنا ما بَكون في الدُّنيا بَعَد دا، لَكِن هُم في الدُّنيا. و أنا جاي ليك. يا أبوي القُدّوس، أحفَظُم في إسمَك، الأدّيتُم لَي، عَشان يَكونو واحِد زي ما نِحنا واحِد.

يُوحَنَّا 16:28

أنا جيت مِن عِند الأبو، و دَخَلتَ الدُّنيا. و أنا كَمان بَسيب الدُّنيا و بَمشي لِلأبو.“

يُوحَنَّا 16:5

لَكِن هَسَّع أنا ماشي لِلرَّسَّلني. و ما في واحِد مِنَّكُم يسألني: إنتَ ماشي وين؟

يُوحَنَّا 13:1

قُبّال عيد الفِصَح، لَمّا يَسُوع عِرِف ساعتو جات عَشان يَسيب الدُّنيا دي، و يَمشي لِلأبو، هو حَبَّ النّاس بِتاعو الكانو في الدُّنيا، و حَبّاهُم لِلآخِر.

يُوحَنَّا 6:62

كيف بِكون إذا تَشوفو إبن الإنسان يَطلَع لِلمَكان الكان فيهو في الأوَّل؟

لُوقَا 24:51

و وَكِت ما كان يَبارِكُم، مَرَق مِنَّهُم، و إترَفَع لِلسَّما.

لُوقَا 19:28

و بَعَد ما إتكَلَّم كِدا، مَشى قِدّامُم و طَلَع لِأُورُشَلِيم.

لُوقَا 19:11

و وَكِت هُم كانو يَسمَعو، يَسُوع إستَمَرَّ و قال ليهُم مَثَل، عَشان هو كان قَريب مِن أُورُشَلِيم، و هُم كانو يَفتَكِرو إنّو مَلَكوت الله بِظهَر طَوّالي.

لُوقَا 12:50

عِندي مَعموديَّه أتعَمَّد بيها. الدُّنيا ضَيقَه قِدامي لِغايَة ما تَتِم.

فيلِبّي 3:14

و اجري طَوّالي لِلقَصِد عَشان أقبَل الأُجرَه الهو بِالمَسيح يَسُوع ناداني ليها نَحو فوق.

لُوقَا 9:57

و لَمّا كانو ماشين في الطَّرِيق، زول قال ليهو: ”أنا بَتبَعَك في أي مَحَل تَمشي ليهو.“