لُوقَا 9:26 - كِتاب العَهد الجَّديد مِن الكِتاب المُقَدَّس

²⁶ عَشان إذا واحِد يَكون خَجلان مِنّي و مِن كَلامي، إبن الإنسان بِكون خَجلان مِنّو وَكِت ما يَجي في مَجدو و في مَجد الأبو و المَلائكَه المُقَدَّسين.

لُوقَا 9:26 Referans Kwoze

٢ تِيمُوثَاوُس 2:12

إذا نَصبُر، بِنَملِك مَعاهو كَمان. و إذا نَنكُرو، هو بِيَنكُرنا كَمان.

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

مَرْقُس 8:38

الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

مَتَّى 25:31

لَمّا إبن الإنسان بِجي في مَجدو، و كُل المَلائكَه مَعاهو، في الوَكِت داك بِيَقعُد عَلى كُرسي مَجدو.

يُوحَنَّا 12:43

عَشان هُم حَبّو مَجد النّاس أكتَر مِن مَجد الله.

رؤيا 20:11

و بَعدين شُفتَ كُرسي كَبير و أبيَض، و شُفتَ القاعِد فوقو. و السَّما و الأرض هَرَبَت مِن وَشّو، و ما لِقو مَحَل.

يَهُوذَا 1:14

و أَخْنُوخ، السّابِع مِن آدَم، إتنَبّأ عَن ديل و قال: ”شوفو! جا الرَّب مَعَ آلاف كَتيرَه مِن قِدِّسِينو.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

رؤيا 3:5

و كِدا، الزّول البِغلِب، هو بِلبَس هِدوم أبيَض، و أنا أبَداً ما بَشيل إسمو مِن كِتاب الحَياة. لَكِن أنا بَعتَرِف بِإسمو قِدّام أبوي و قِدّام مَلائكَتو.

رؤيا 1:7

شوفو! هو جاي مَعَ السَّحاب. و كُلّو عين بِتشوفو، حَتّى ديل الطّعَنوهو. و كُلّو قَبايل الأرض بيبكو عَليهو. أيوَه، خَليهو يَكون كِدا.

غَلَاطِيَّه 6:14

خَليهو يَكون بَعيد مِنّي أن أفخُر بِحاجَه، إلّا بِصَليب رَبَّنا يَسُوع المَسيح البيهو الدُّنيا إنصَلَب لَي، و أنا لِلدُّنيا.

مَتَّى 26:64

يَسُوع قال ليهو: ”إنتَ قُلتَ. و كَمان، أقول ليكُم، بَعدين بِتشوفو إبن الإنسان قاعِد عَن يَمين القُدرَه، و جاي عَلى سَحاب السَّما.“

عِبرانيين 13:13

كِدا، خَلّونا نَمرُق بَرَّه مِن مَحَل الخيام، حامِلين لومو.

عِبرانيين 11:26

و هو حَسَب لوم المَسيح غِنى أكبَر مِن كُنوز مَصر، عَلَشانو كان يِستَنّى لِلأُجرَه.

٢ كُورِنْثُوس 12:10

عَلَشان كِدا، بَكون مَبسوط مِن الضَّعفات و الشَّتايِم و الأتعاب و الطُّرود و الصُّعوبات فِشان المَسيح. عَشان كُلّو وَكِت لَمّا أكون ضَعيف، في الوَكِت دا، أنا قَوّي.

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

أعمال الرُّسُل 10:22

و الرُّجال قالو: ”جينا مِن كَرْنِيلِيُوس، رَئيس الجّيش. هو راجِل صالِح و يَخاف الله. و كُل اليَهود بِشهَدو ليهو. و مَلاك مُقَدَّس جا ليهو، و حَزَّرو أن يَناديك عَشان تَجي لِبيتو، و هو يَسمَع كَلام مِنَّك.“

١ تِيمُوثَاوُس 5:21

أنا بَدّيك أمر قِدّام الله و المَسيح يَسُوع و قِدّام المَلائكَه المُختارين أن تَحفَظ الحاجات دي بِدون ما تَحكُم قُبّال ما تَعرِف الحَق. و ما تَشوفو الوشوش في شُغلَك.