لُوقَا 8:13 - كِتاب العَهد الجَّديد مِن الكِتاب المُقَدَّس

¹³ و ديلاك العَلى الحَجَر، هُم البَعَد ما سِمِعو، يَقبَلو الكِلمَه بِفَرَح. و ديل ما عِندَهُم عُروق، اليأَمِنو لِمُدَّه، و وَكِت التَجرِبَه، يَرجَعو.

لُوقَا 8:13 Referans Kwoze

يُوحَنَّا 5:35

يُوحَنَّا كان اللَّمبَه المِوَلِّعَه البِتَدّي نور. و إنتو كُنتو رَضيانين تَفرَحو بِنورو لِوَكِت قَليل.

يَهُوذَا 1:12

و ديل حُجار مَدسوسَه في عَزوماتكُم المَحَبّيَه، عامِلين عَزومات مَعاكُم بِدون خوف، و يَهتَمّو بِنُفوسُم بَس. هُم سَحاب بِدون مويَه، تَشيل الأرياح، شَجَر الخَريف بِدون ثِمار، مات مَرَّتين و ما طَلَّع.

٢ بُطْرُس 2:22

و حَصَل ليهُم زي المَثَل الحَقيقي: ”الكَلِب يَرجَع لِقَضفو و الكَدروك المَغسول يَرجَع و يَدَردِق في الطّين.“

٢ بُطْرُس 2:20

عَشان إذا هُم نَجو مِن خَرابات الدُّنيا بِمَعرِفَة الرَّب و المُخَلِّص يَسُوع المَسيح، و بَعَد دا رَجَعو و إتغَلَبو، حالُم في الآخِر بِكون أكعَب مِن الأوَّل.

عِبرانيين 10:39

و لَكِن نِحنا ما مِن النّاس اليَرجَعو لِوَرا لِلخَراب، لَكِن نِحنا مِن النّاس البِآمِنو لِخَلاص النَّفس.

أفَسُس 3:17

عَشان المَسيح يَسكُن في قُلوبكُم بِالإيمان، عَلَشان عُروقكُم و أساسكُم بِكونو في المَحَبَّه،

يَعْقُوب 2:26

زي ما الجِّسِم بِدون روح هو ميت، كِدا كَمان الإيمان بِدون أعمال هو مَيِّت.

١ تِيمُوثَاوُس 1:19

و تَمسِك بِالإيمان و الضَّمير الطَّيب. بَعض مِن النّاس رَفَضو ديل، و مُركَب إيمانُم إنكَسَرَت.

١ تَسَالُونِيكِي 3:5

عَلَشان كِدا، لَمّا ما قِدِرتَ عَليهو، رَسَّلتَ فِشان أعرِف إيمانكُم. أنا كُنتَ خايِف أن المُجَرِّب كان جَرَّبكُم بِأي طَريق و شُغُلنا بِكون بِدون فايدَه.

كُولُوسِّي 2:7

و خَلّو عُروقكُم يَكونو فيهو، و أبنو نُفوسكُم فيهو. و كونو ثابِتين في الإيمان، زي ما عَلَّموكُم، و زيدو في الشُّكر.

غَلَاطِيَّه 3:4

تِعِبتو قَدُر دا بِدون فايدَه؟ إذا بِالحَق يَكون بِدون فايدَه.

غَلَاطِيَّه 3:1

يا ناس غَلَاطِيَّه البَليدين! مِنو سَحَركُم؟ إنتو القِدّام عُيونكُم يَسُوع المَسيح كان مُصَوَر بينكُم مَصلوب.

١ كُورِنْثُوس 15:2

و بِالإنجيل دا تَخلَصو إذا كُنتو تَمسِكو بِالكَلام البَشَّرتَكُم بيهو، إذا ما آمَنتو بِدون فايدَه.

يُوحَنَّا 15:6

إذا واحِد ما يَسكُن فِيني، يَرموهو بَرَّه زي الفَرَع اليَنشَف. و يَلِمّو الفُروع و يَرموهو في النّار و يَحرِقوها.

يُوحَنَّا 15:2

كُلّو فَرَع فِيني الما بِجيب ثِمار، هو بِقطَعو، و الفَرَع البِجيب ثِمار، هو بِنَضِّفو عَشان بِجيب ثِمار أكتَر.

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

١ كُورِنْثُوس 13:2

و إذا كان عِندي هَديَّة النُّبوَّه، و بَعرِف كُل الأسرار، و كُلّو مَعرِفَه، و إذا كان عِندي كُل الإيمان لِغايَة ما أحَرِّك الجِبال، و لَكِن ما عِندي مَحَبَّه، أنا ما حاجَه.

مَرْقُس 6:20

عَشان هِيرُودُس كان خايِف مِن يُوحَنَّا، و عِرِف هو راجِل بار و قُدّوس، و حَرَسو. و لَمّا سِمِع يُوحَنَّا، إتحَيَّر جِدّاً، و لَكِن سِمِعو بِفَرَح.

١ يُوحَنَّا 2:19

هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا.

لُوقَا 8:12

و ديلاك العَلى الطَّرِيق، هُم السِّمِعو. و بَعدين إبْلِيس يَجي و يَشيل الكِلمَه مِن قُلوبُم، عَشان ما يآمِنو و يَخلَصو.

لُوقَا 8:14

و التّيراب الوَقَع وَسِط الشّوك يَعني ديل اليَسمَعو. لَكِن لَمّا هُم بِمشو في طَرِيقُم، أفكار في حاجات الدُّنيا و أموالا و سُرورا يَمسِكو بيهُم، و ما يَقدَرو يَجيبو ثِمار.