لُوقَا 6:47 - كِتاب العَهد الجَّديد مِن الكِتاب المُقَدَّس

⁴⁷ كُل البِجيني و بِسمَع كَلامي و بيَعمِل بيهو، أوَرِّيكُم هو زي مِنو.

لُوقَا 6:47 Referans Kwoze

لُوقَا 11:28

و هو قال: ”و لَكِن مُبارَكين بِالأكتَر البِسمَعو كَلام الله و بِحفَظوهو.“

يُوحَنَّا 14:15

إذا تَحِبّوني، إنتو ماشين تَحفَظو أوامِري.

يَعْقُوب 4:17

البِيَعرِف يَعمِل الخير و ما بيَعمِلو، داك خَطيَّه ليهو.

مَتَّى 12:50

عَشان البيَعمِل إرادَة أبوي الفي السَّما، هو أخوّي، و أُختي، و أُمّي.“

يُوحَنَّا 13:17

إذا عِرِفتو الحاجات دي، بِتكونو مُبارَكين إذا تَعمِلوهُم.

١ بُطْرُس 2:4

قَرِّبو ليهو، لِلحَجَر الحَي، المَرفوض مِن النّاس، و لَكِن المُختار مِن الله و مُحتِرَم ليهو.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

رؤيا 22:14

مُبارَكين البِغَسِّلو هِدُومُم عَلَشان تَكون عِندَهُم سُلطَه عَلى شَجَرَة الحَياة و يدخُلو المَدينَه مِن الأبواب.

لُوقَا 14:26

”إذا كان زول جا لَي، و ما يَكرَه أبوهو و أُمّو و مَرَتو و أولادو و أخوانو و أخواتو و لِغايَة نَفسو كَمان، هو ما بِقدَر يَكون تِلميذ.

١ يُوحَنَّا 3:7

يا أولاد، ما تَخَلّو واحِد يَغِشّكُم. البيَعمِل البِر، هو بار مِثِل ما هو بار.

١ يُوحَنَّا 2:29

إذا كان بِتَعرِفو هو بار، بِتَعرِفو كُلّو واحِد البِعمِل البِر مَولود مِنّو.

يُوحَنَّا 10:27

خِرفاني بِسمَعو صوتي، و أنا بَعرِفُم. و هُم يَتبَعوني.

٢ بُطْرُس 1:10

و عَلَشان كِدا، يا أخوان، جَرِّبو زِيادَه أن تَثَبِّتو إختياركُم و إنتِخابكُم المِن الله. عَشان إذا بِتَعمِلو الحاجات دي، إنتو ما تَقَعو أبَداً.

يُوحَنَّا 6:37

كُل الأبو يَدّيني، يَجي لَي. و البِجي لَي، ما بَطرُدو بَرَّه أبَداً.

يُوحَنَّا 6:35

و يَسُوع قال ليهُم: ”أنا هو عيش الحَياة. البِجي لَي ما بِكون جَعان، و البِآمِنو بي ما يَعطَش أبَداً.

يُوحَنَّا 5:40

و إنتو ما عاوِزين تَجو لَي عَشان تَكون ليكُم الحَياة.

لُوقَا 8:13

و ديلاك العَلى الحَجَر، هُم البَعَد ما سِمِعو، يَقبَلو الكِلمَه بِفَرَح. و ديل ما عِندَهُم عُروق، اليأَمِنو لِمُدَّه، و وَكِت التَجرِبَه، يَرجَعو.

لُوقَا 8:8

و تاني وَقَع عَلى الأرض الكوَيسَه. و لَمّا قام، جاب ثِمار بِمِيَّة مَرَّه.“ و وَكِت كان بِتكَلَّم كِدا، نادى و قال: ”العِندو إضنين لِلسَّمَع، خَليهو يَسمَع.“

مَتَّى 17:5

و وَكِت ما كان لِسَّع يتكَلَّم، شوف! سَحابَه لامعَه عَمَلَت ضُل عَليهُم. و صوت مِن السَّحابَه قال: ”دا هو إبني الحَبيب، و أنا مَبسوط مِنّو. أسمَعو ليهو.“

يُوحَنَّا 8:52

و اليَهود قالو ليهو: ”هَسَّع عِرِفنا عِندَك شيطان. إِبْرَاهِيم مات و الأنبياء، و إنتَ تَقول: كان واحِد يَحفَظ كَلامي، ما بِشوف الموت أبَداً.

لُوقَا 6:48

هو مِثِل زول بِبني بيت، و بِحفِر تِحِت و بِخُت الأساس عَلى الحَجَر. و لَمّا المويَه مَلَت الأرض، و المويَه ضَرَبَت عَلى البيت داك، ما قِدِر تَهِزّو، عَشان كان أساسو عَلى الحَجَر.