لُوقَا 6:42 - كِتاب العَهد الجَّديد مِن الكِتاب المُقَدَّس

⁴² و كيف تَقدَر تَقول لِأخوك: يا أخي، خَلّيني أطَلِّع الشّي الصَّغَير الفي عينَك، و إنتَ ما بِتشوف الشّي الكَبير الفي عينَك؟ يا مُنافَق! في الأوَّل طَلِّع الشّي الكَبير مِن عينَك، و بَعدين تَقدَر تَشوف كوَيس عَشان تَطَلِّع الشّي الصَّغَير مِن عين أخوك.

لُوقَا 6:42 Referans Kwoze

٢ بُطْرُس 1:9

و أي زول الما عِندو الحاجات دي، هو عَميان و نَظَرو ضَعيف. و هو نِسى إنّو مَغَسَّل مِن خَطاياهو الفاتَت.

٢ تِيمُوثَاوُس 2:21

و إذا أي واحِد يَنَضِّف نَفسو مِن دي، هو بِكون بُرمَه لِلإحتِرام، مُقَدَّس، و فيهو فايدَه لِلسَّيد، و جاهِز لِكُلّو عَمَل طَيب.

٢ كُورِنْثُوس 5:18

و كُلّو دا مِن الله الصّالَحنا لِنَفسو بِالمَسيح، و أدّانا خِدمَة المُصالَحَه.

رُومِيَه 2:1

عَلَشان كِدا، إنتَ بِدون عُذر، يا الزّول البِتَحكُم عَلى واحِد تاني. عَشان وَكِت ما تَحكُم عَلى التّاني، تَحكُم عَلى نَفسَك. عَلَشان إنتَ البِتَحكُم، بِتَعمِل الحاجات دي زاتا.

أعمال الرُّسُل 13:10

”يا مَليان كُلّو غِش و كُلّو كِضِب! يا وَلَد إبْلِيس، يا عَدو كُلّو بِر! ما تَوَقِّف أبَداً تَغَيِّر طُرُق الله العَديلَه؟

أعمال الرُّسُل 8:21

إنتَ ما عِندَك قِسم ولّا جُزو في الحاجَه دي، عَلَشان قَلبَك ما صَحيح قِدّام الله.

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

لُوقَا 22:32

لَكِن أنا صَلّيت فِشانَك عَشان ما تَوَدِّر إيمانَك. و إنتَ، لَمّا تَرجَع تاني، ثَبِّت أخوانَك.“

لُوقَا 13:15

لَكِن الرَّب رَدَّ عَليهو و قال: ”يا مُنافِقين، ما كُلّو واحِد مِنَّكُم في السَّبِت بِفِك تورو ولّا حُمارو مِن الزَّريبَه، و يَسوقو لِلمويَه عَشان يَشرَب؟

مَتَّى 26:75

و بُطْرُس إتزَكَّر الكَلام القالو ليهو يَسُوع: ”قُبّال الدّيك يَكورِك، بِتَنكِرني تلاتَه مَرّات.“ و مَرَق بَرَّه و بَكى بِكى مُر.

مَتَّى 7:3

لِشِنو بِتشوف الحِتَّه الصَّغَيرَه الفي عين أخوك، و لَكِن ما بِتشوف الخَشَبَه الكَبيرَه الفي عينَك؟

مَتَّى 7:4

ولّا، كيف تَقول لِأخوك: خَلّيني أطَلِّع الحِتَّه الصَّغَيرَه مِن عينَك، لَمّا تَكون في الخَشَبَه الكَبيرَه في عينَك؟

لُوقَا 6:41

لِشِنو بِتعاين لِلحاجَه الصَّغَيرَه الفي عين أخوك، و ما بِتشوف الحاجَه الكَبيرَه الفي عينَك؟

لُوقَا 6:43

عَشان ما في شَجَرَه سَمحَه بِتَلِد ثِمار بَطّال، و لا في شَجَرَه بَطّالَه بِتَلِد ثِمار سَمِح.