لُوقَا 6:20 - كِتاب العَهد الجَّديد مِن الكِتاب المُقَدَّس

²⁰ و رَفَع عُيونو لِتَلاميذو و قال: ”مُبارَكين، يا مَساكين، عَشان ليكُم مَلَكوت الله.

لُوقَا 6:20 Referans Kwoze

يَعْقُوب 2:5

أسمَعو، يا أخواني المَحبوبين، الله ما إختار مَساكين الدُّنيا دي عَشان يَكونو غَنيين في الإيمان و وُرّاث المَلَكوت الوَعَد بيهو لِلبِحِبّوهو؟

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

لُوقَا 12:32

ما تَخافو، يا المُراح الصَّغير، عَشان أبوكُم رَضيان يَدّيكُم المَلَكوت.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

رؤيا 2:9

أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.

٢ كُورِنْثُوس 6:10

نِحنا زي حَزنانين، لَكِن دايماً مَبسوطين، زي المَساكين، لَكِن نَعمِل ناس كُتار غَنيين، نِحنا زي الما عِندَهُم شي، لَكِن كُلّو شي حَقَّنا.

يَعْقُوب 1:12

مُبارَك الرّاجِل البِتحَمَّل التَجرِبَه. عَشان إذا مَرَّه بِالإمتِحان، هو بِقبَل تاج الحَياة الوَعَد بيهو الرَّب لِلنّاس البِحِبّوهو.

٢ تَسَالُونِيكِي 1:5

عَشان دا يَبَيِّن حُكم الله العَديل. و عَشان كِدا، يَعمِلكُم مُستَحِقّين لِمَلَكوت الله، الإنتو بِتَتعَبو فِشانو كَمان.

١ تَسَالُونِيكِي 1:6

و إنتو عَمَلتو زيَنا و زي الرَّب، عَشان قِبِلتو الكِلمَه في ضيق كَتير، بِفَرَح الرّوح القُدُس.

٢ كُورِنْثُوس 8:2

هُم كانو مُجَرَّبين بِتَعب شَديد، لَكِن بِقو مَبسوطين جِدّاً حَتّى أدّو هَدايا كَريمَه جِدّاً، و لَو هُم كانو مَساكين خالِص.

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

لُوقَا 14:15

واحِد مِن الكان قاعِد مَعاهو في الطَّرَبيزَه، لَمّا سِمِع كِدا، قال ليهو: ”يا مُبارَك الياكُل عيش في مَلَكوت الله.“

لُوقَا 13:28

هِناك بِكون البِكى و عَض السِّنون، لَمّا تَشوفو إِبْرَاهِيم و إِسْحَاق و يَعْقُوب و كُل الأنبياء في مَلَكوت الله، و إنتو مَطرودين بَرَّه.

لُوقَا 4:18

”روح الله عَلي، عَلَشانو مَسَحني فِشان أبَشِّر المَساكين. و رَسَّلني عَشان أنادي لِلمَحبوسين بِالحُرّيَّه، و لِلعَميانين عَشان يَشوفو، و بِالحُرّيَّه لِلقُلوبُم مَكسورَه

مَتَّى 11:5

العَميانين بِشوفو، و النّاس العُرُج بِمشو، و النّاس العِندَهُم عَيى الجِّزام بِقو نُضاف، و ناس طُرُش بِسمَعو، و المَيِّتين بِقومو، و المَساكين بِسمَعو الخَبَر الكَويس.

لُوقَا 16:25

لَكِن إِبْرَاهِيم قال: يا وَلَدي، إتزَكَّر إنتَ في حَياتَك أخَدتَ حاجات كوَيسَه، و كِدا كَمان لَعَازَر حاجات بَطّالَه. و لَكِن هَسَّع هو هِنا مُرتاح، و إنتَ مِعَذَب.

مَتَّى 5:1

و لَمّا شاف الجَّمَع، طَلَع فوق الجَّبَل. و لَمّا قَعَد، تَلاميذو قَرَّبو ليهو.