لُوقَا 4:5 - كِتاب العَهد الجَّديد مِن الكِتاب المُقَدَّس

⁵ و بَعدين إبْلِيس طَلَعو لِمَحَل عالي، و وَرّاهو مَمالِك الدُّنيا كُلَّها في دَقيقَه واحدَه.

لُوقَا 4:5 Referans Kwoze

أفَسُس 6:12

عَشان ما نَحارِب دَم و لَحَم، لَكِن الحُكّام و السَّلاطين و رؤساء ضَلام الدُّنيا دي، و جُيوش روحيَّه بِتاعَت الشَّر في مَحَلّات عاليَه.

١ كُورِنْثُوس 15:52

في دَقيقَه، في قَفل عين، في البوق الأخير. عَشان بِضرُب البوق، و المَيِّتين بِقومو بِأجسام ما بِموتو، و نِحنا بِنِتغَيَّر.

مَتَّى 4:8

مَرَّه تانيَه إبْلِيس اَخَدو لِجَبَل عالي جِدّاً و وَرّاهو مَمالِك الدُّنيا كُلَّها و المَجد بِتاعتا.

أفَسُس 2:2

و إنتو مَشيتو فيها مِن قُبّال، حَسَب طُرُق الدُّنيا دي، حَسَب رَئيس سُلطَة الهَوا، الرّوح البِشتَغِل هَسَّع في النّاس الما بِطيعُو.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

١ كُورِنْثُوس 7:31

و خَلّوهُم البِشتَغِلو بِحاجات الدُّنيا دي، زي الما بِشتَغِلو بيها كَتير. عَشان شَكِل الدُّنيا الحاضِرَه دي يَفوت.

مَتَّى 24:14

و بِبَشِّرو بِبِشارات المَلَكوت دي في الدُّنيا كُلَّها، عَشان شَهادَه لِكُلّو ناس الدُّنيا. و بَعدين آخِر الدُّنيا بِجي.