لُوقَا 3:11 - كِتاب العَهد الجَّديد مِن الكِتاب المُقَدَّس

¹¹ و رَدَّ عَليهُم و قال: ”العِندو توبين خَليهو يَقسِم مَعَ الما عِندو، و العِندو أكِل خَليهو يَعمِل كِدا كَمان.“

لُوقَا 3:11 Referans Kwoze

١ يُوحَنَّا 3:17

و لَكِن العِندو بُضاعَة الدُّنيا و يَشوف أخوهو مُحتاج و يَقفِل قَلبو مِنّو، كيف تَكون مَحَبَّة الله فيهو؟

١ تِيمُوثَاوُس 6:18

و أدّيهُم أمر عَشان يَعمِلو الخير و يَكونو غَنيين في الأعمال الطَّيبَه، جاهِزين عَشان يَدّو و رَضيانين عَشان يَشارِكو.

لُوقَا 18:22

و لَمّا يَسُوع سِمِع دا، قال ليهو: ”لِسَّع ناقِص ليك حاجَه واحدَه. بيع كُل العِندَك، و قَسِّمو بين المَساكين، و بِكون عِندَك كَنز في السَّما. و تَعال، أتبَعني.“

١ يُوحَنَّا 4:20

إذا واحِد يَقول: ”أنا بَحِب الله،“ و بِكرَه أخوهو، هو كَضّاب. عَلَشان الما بِحِب أخوهو الشّافو، ما بِقدَر يَحِب الله الهو ما شافو.

يَعْقُوب 1:27

الدّين النَّضيف و البِدون عيب قِدّام الله الأبو، هو زيارَة اليَتامى و الأرامِل في تَعبُم، و حِفظ الإنسان نَفسو بِدون نَجاسَه مِن الدُّنيا.

لُوقَا 11:41

لَكِن أدّو مِن قُلوبكُم لِلمَساكين. و شوفو! كُلّو شي يَبقى نَضيف ليكُم.

مَتَّى 25:40

و المَلِك بِرُد و بِقول ليهُم: أقول ليكُم الحَق، زي ما إنتو عَمَلتوهو لِواحِد مِن أخواني ديل الأصغَر، عَمَلتوهو لَي.

عِبرانيين 6:10

عَشان الله ما ظالِم، و هو ما بيَنسى عَمَلكُم و المَحَبَّه الإنتو وَرّيتوها فِشان إسمو لَمّا خَدَمتو القِدِّسين، و لِسَّع بِتَخدِموهُم.

أعمال الرُّسُل 10:31

و قال لَي: يا كَرْنِيلِيُوس، الله سِمِع صَلَواتَك و إتزَكَّر صَدَقَاتَك لِلمَساكين.

أعمال الرُّسُل 10:4

و كَرْنِيلِيُوس عايَن ليهو، و خاف شَديد، و قال: ”داير شِنو، يا سَيِّد؟“ و المَلاك قال ليهو: ”صَلَواتَك و صَدَقَاتَك طَلَعَت تَذكار قِدّام الله.

أعمال الرُّسُل 10:2

و هو كان راجِل صالِح، و هو و كُلّو بيتو كانو بِخافو الله، و هو كان بِدّي صَدَقَات كَتيرَه لِلنّاس، و بِصَلّي في كُلّو وَكِت.

يُوحَنَّا 13:29

عَلَشان يَهُوذَا كان عِندو الصَّندوق، بَعض مِنَّهُم فَكَّرو إنّو يَسُوع قال ليهو يَشتَري الحاجات الهُم عاوزين لِلعيد، ولّا يَدّي شي لِلمَساكين.

لُوقَا 19:8

و زَكَّا وَقَف و قال لِلرَّب: ”شوف، يا رَب، بَدّي نُص أموالي لِلمَساكين. و إذا كان ظَلَمتَ زول، بَرَجِّع ليهو أربَعَه مَرّات.“

أفَسُس 4:28

ما تَخَلّي الكان بِسرِق يَسرِق تاني مَرَّه. لَكِن خَليهو يَشتَغِل بِإيدينو حاجَه طَيبَه، عَشان بِكون عِندو حاجَه عَشان يَدّي لِلزّول العِندو إحتِياج.

١ تِيمُوثَاوُس 6:17

آمُر الغَنيين في الدُّنيا الحاضِرَه دي أن ما يَكونو مِتكَبِّرين ولّا يَتَّكِلو عَلى الغِنى الما يِستَمِر. لَكِن خَليهُم يَتَّكِلو عَلى الله الحَي، البِدّينا كُلّو حاجَه بِغِنى عَشان نَفرَح بيها.

يَعْقُوب 2:14

شِنو الفايدَه، يا أخواني، إذا واحِد يَقول إنّو عِندو إيمان و لَكِن ما عِندو أعمال؟ الإيمان داك يَقدَر يَخَلِّصو؟