لُوقَا 24:52 - كِتاب العَهد الجَّديد مِن الكِتاب المُقَدَّس

⁵² و عَبَدوهو، و رَجَعو لِأُورُشَلِيم بِفَرَح عَظيم

لُوقَا 24:52 Referans Kwoze

مَتَّى 28:9

و شوف! يَسُوع قابِلُم و قال ليهُم: ”سَلام ليكُم.“ و قَرَّبو ليهو و مَسَكو كِرعينو و عَبَدوهو.

يُوحَنَّا 16:22

و عَشان كِدا، إنتو عِندَكُم حُزن هَسَّع. لَكِن أنا بَشوفكُم مَرَّه تانيَه، و قُلوبكُم بِكونو مَبسوطين. و ما في زول يَشيل الفَرَح بِتاعكُم مِنَّكُم.

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

يُوحَنَّا 20:28

تُومَا رَدَّ و قال ليهو: ”رَبّي و إلَهي!“

يُوحَنَّا 14:28

إنتو سِمِعتو إنّي قُلتَ ليكُم: أنا ماشي و بَجي ليكُم تاني. و إذا إنتو بِتحِبّوني، كُنتو تَفرَحو، عَشان أنا ماشي لِلأبو. عَلَشان الأبو أكبَر مِنّي.

مَتَّى 28:17

و لَمّا شافوهو، عَبَدوهو. و لَكِن بَعض مِنَّهُم شَكّو.

يُوحَنَّا 16:7

لَكِن أقول ليكُم الحَق، أحسَن ليكُم أنا أمشي. عَشان إذا أنا ما مَشيت، المُساعِد ما بِجيكُم. لَكِن إذا مَشيت، بَرَسِّلو ليكُم.

لُوقَا 24:51

و وَكِت ما كان يَبارِكُم، مَرَق مِنَّهُم، و إترَفَع لِلسَّما.

لُوقَا 24:53

و إستَمَرّو دايماً في الهيكَل يَبارِكو الله.

أعمال الرُّسُل 1:12

بَعَد دا، هُم رَجَعو لِأُورُشَلِيم مِن الجَّبَل الإسمو جَبَل الزّيتون، قَريب مِن أُورُشَلِيم، زي المَسافَه الزّول بِمشي يوم السَّبِت.