لُوقَا 23:2 - كِتاب العَهد الجَّديد مِن الكِتاب المُقَدَّس

² و إبتَدو يَشتَكو عَليهو و يَقولو: ”لِقينا الرّاجِل دا يَخَرِّب الأُمَّه بِتاعَتنا، و يَمنَع أن يَدّي الضَّريبَه لِقَيصَر، و يَقول هو المَسيح و مَلِك.“

لُوقَا 23:2 Referans Kwoze

يُوحَنَّا 19:12

مِن الوَكِت داك بِيلاطُس، كان عاوِز يَفِكّو، لَكِن اليَهود كانو يَكورِكو، و يَقولو: ”كان إنتَ فَكّيت الزّول دا، ما تَكون صاحِب لِقَيصَر. كُل البِسَوّي نَفسو مَلِك، هو ضِد قَيصَر.“

لُوقَا 23:14

و قال ليهُم: ”جِبتو لَي الرّاجِل دا زي واحِد البِخَرِّب النّاس. شوفو! أنا جَرَّبتو قِدّامكُم، و ما لِقيت في الرّاجِل دا الغَلَط الإنتو بِتِشتَكو بيها عَليهو.

أعمال الرُّسُل 24:5

عَشان لِقينا الرّاجِل دا كان بِخرَب و بِحَرِّك دَوشَه بين كُل اليَهود الفي الدُّنيا، و هو رَئيس جَماعَة النّاصِريين.

يُوحَنَّا 18:30

هُم رَدّو و قالو ليهو: ”إذا ما كان عامِل حاجات بَطّالَه، ما كُنّا سَلَّمناهو ليك.“

مَرْقُس 12:17

و يَسُوع قال ليهُم: ”أدفَعو لِقَيصَر حاجات قَيصَر، و لِلَّه حاجات الله.“ و كانو بِستَغرَبو مِنّو.

مَتَّى 22:21

قالو ليهو: ”بِتاعَت قَيصَر.“ بَعدين قال ليهُم: ”أدّو لِقَيصَر حاجات قَيصَر، و أدّو لِلَّه حاجات الله.“

أعمال الرُّسُل 24:13

و هُم ما بِقدَرو يَثَبِّتو الشَّكاوي البِشتَكوني بيها هَسَّع.

لُوقَا 23:5

و لَكِن هُم كانو يَزيدو و يَقولو: ”دا يَحَرِّك النّاس، و بِعَلِّم في كُل اليَهُودِيَّه. و إبتَدا مِن الجَّليل و جا لِغايَة هِنا.“

مَتَّى 17:27

لَكِن عَشان ما نَزَعِّلُم، أمشي لِلبَحَر و أرمي جَبادَه. أُخُد أوَّل سَمَك البِتَطلَع. و لَمّا تَفتَح خَشما، بِتَلقى ريال. أُخدو، و أدّيهو ليهُم فِشانّي و فِشانَك.“

مَتَّى 27:11

و يَسُوع قام قِدّام المُدير. و المُدير سَألو و قال: ”إنتَ مَلِك اليَهود؟“ و يَسُوع قال: ”إنتَ تَقول.“

مَرْقُس 15:2

و بِيلاطُس سَألو و قال: ”إنتَ مَلِك اليَهود؟“ و رَدَّ عَليهو و قال: ”إنتَ تَقول.“

يُوحَنَّا 18:29

و بِيلاطُس طَلَع ليهُم بَرَّه و قال: ”إنتو تَشتَكو بِشِنو عَلى الرّاجِل دا؟“

رُومِيَه 13:7

أدفَعو لِكُلُّهُم الإنتو مَديونين ليهُم. أدفَعو الضَّرايب، و المَحصول. و إحتَرِمو و شَرِّفو كُلُّهُم.