لُوقَا 21:34 - كِتاب العَهد الجَّديد مِن الكِتاب المُقَدَّس

³⁴ لَكِن خَلّو بالكُم لِنُفوسكُم، عَشان ما بِتكونو حَزنانين في قُلوبكُم بِحاجات فاضيَه و سَكَر و هُموم الحَياة دي، و اليوم داك بِجي ليكُم زي الفَخ.

لُوقَا 21:34 Referans Kwoze

مَرْقُس 4:19

و لَكِن هُموم الدُّنيا، و غِش الغِنى، و مَحَبَّة حاجات تانيَه تَدخُل و تَخنُق الكِلمَه، و هي بِتكون بِدون ثِمار.

لُوقَا 12:40

عَلى كِدا خَلّيكُم جاهِزين، عَشان في السّاعَه الما مُنتَظِرينو، فيها إبن الإنسان يَجي.“

١ كُورِنْثُوس 6:10

ولّا الحَراميَه، ولّا الطَّمّاعين، ولّا السَّكرانين، ولّا الشَّتَّامين، ولّا السَّرّاقين بِيورَثو مَلَكوت الله.

رؤيا 3:3

عَلَشان كِدا، إتزَكَّر كيف إنتَ قِبِلتَ و سِمِعتَ، و أحفَظ و توب. و إذا ما تحرِس، بَجي ليك زي الحَرامي، و إنتَ ما بِتَعرِف ساعَه كَم أنا بَجيك.

٢ بُطْرُس 3:14

عَلَشان كِدا، يا مَحبوبين، و إنتو مِستَنّين الحاجات دي، إشتَغِلو شَديد عَشان تَكونو نُضاف و بِدون عيب و عَشان يَكون عِندَكُم سَلام مَعاهو.

غَلَاطِيَّه 5:20

و عِبادَة الأصنام، و السَّحِر، و العَداوَه، و الخُصومَه، و الحَسَد، و الغَضَب، و مَحَبَّة النَّفس، و الشَّكلات، و الأقسام،

١ كُورِنْثُوس 5:11

لَكِن هَسَّع بَكتِب ليكُم، ما تِتلَمّو مَعَ واحِد البِسَمّوهو أخو، إذا هو بيَعمِل زِنا ولّا هو طَمّاع، ولّا يَعبُد الأصنام، ولّا شَتَّم، ولّا مَرّاسي، ولّا حَرامي. و ما تاكلو مَعَ واحِد زي دا.

مَتَّى 13:22

و الكان مَزروع في وَسط الشّوك، دا هو البِسمَع الكِلمَه، و لَكِن مَشغوليّات الدُّنيا و مَحَبَّة المال تَكون كَتيرَه حَتّى يَمنَعو الكِلمَه، و تَكون بِدون ثِمار.

لُوقَا 21:8

و هو قال ليهو: ”خَلّو بالكُم عَشان واحِد ما بِغِشّكُم. عَشان ناس كُتار بِجو بِإسمي و بِقولو: أنا هو، و: الوَكِت قَرَّب. ما تَمشو وَراهُم.

فيلِبّي 4:6

ما تِتحَيَّرو في أي شي. لَكِن في كُلّو شي، خَلّي طَلَباتكُم بِتكون مَعروفَه لِلَّه، بِصَلاه و طَلَب مَعَ شُكر.

لُوقَا 17:3

خَلّو بالكُم لِنُفوسكُم. و إذا كان أخوك يَعمِل خَطيَّه ليك، كَلِّمو غَلَطو. و إذا تاب، أغفِر ليهو.

لُوقَا 10:41

و الرَّب رَدَّ و قال ليها: ”يا مَرْثَا، يا مَرْثَا، إنتي مَشغولَه و بِتفَكِري في حاجات كَتيرَه.

لُوقَا 8:14

و التّيراب الوَقَع وَسِط الشّوك يَعني ديل اليَسمَعو. لَكِن لَمّا هُم بِمشو في طَرِيقُم، أفكار في حاجات الدُّنيا و أموالا و سُرورا يَمسِكو بيهُم، و ما يَقدَرو يَجيبو ثِمار.

مَرْقُس 13:9

لَكِن إنتو، خَلّو بالكُم لِنُفوسكُم، عَشان هُم بِسَلِّموكُم لِلمَحاكِم، و يَضرُبوكُم في بُيوت الرَّب. و بِتقومو قِدّام مُديرين و مُلوك فِشانّي أنا، عَشان تَكونو شَهادَه ليهُم.

عِبرانيين 12:15

شوفو كوَيس عَشان واحِد ما يَقَع مِن نِعمَة الله، و عَشان عِرق مِن قَلِب مُر ما يَقوم و يَكون سَبَب التَّعب، و ناس كُتار يِتوَسَّخو.

٢ بُطْرُس 3:10

و لَكِن يوم الرَّب بِجي زي الحَرامي. و في اليوم داك، السَّماوات بِفوتو بِصوت عالي، و النُّجوم بيَهلِكو مِن الحَر، و الأرض و الأشغال الفيها بِنحَرِقو.

لُوقَا 21:35

عَشان بِجي عَلى كُل السّاكنين عَلى كُل الأرض.