لُوقَا 20:21 - كِتاب العَهد الجَّديد مِن الكِتاب المُقَدَّس

²¹ و هُم سألوهو و قالو: ”يا مُعَلِّم، نِحنا بِنَعرِف إنتَ تِتكَلَّم و تَعَلِّم بِالعَدل، و ما تَعمِل فارِق بين النّاس. لَكِن بِالحَق تَعَلِّم طَريق الله.

لُوقَا 20:21 Referans Kwoze

مَتَّى 22:16

و هُم رَسَّلو ليهو تَلاميذُم مَعَ الهيروديسين. و هُم قالو: ”يا مُعَلِّم، نِحنا عارفين إنتَ تَقول الحَق، و تَعَلِّم سِكَّة الله بِالحَق. و إنتَ ما تَغَيِّر كَلامَك عَشان فِكر النّاس، عَلَشانَك ما تَعمِل فارِق بين النّاس.

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

يُوحَنَّا 3:2

هو جا لِيَسُوع في اللّيل، و قال ليهو: ”نِحنا عارفين إنَّك جيت مُعَلِّم مِن الله. عَشان ما في واحِد يَقدَر يَعمِل العَلامات الأنتَ بِتَعمِلا، إذا الله ما مَعاهو.“

مَرْقُس 12:14

و جو ليهو و قالو: ”يا مُعَلِّم، بِنَعرِف إنتَ تَقول الحَق، و ما تَغَيِّر كَلامَك عَشان فِكر النّاس. عَلَشان إنتَ ما تَعمِل فارِق بين النّاس، و لَكِن تَعَلِّم طَريق الله بِالحَق. واجِب عَلينا نَدّي الطُّلبَه لِقَيصَر، ولّا لا؟

غَلَاطِيَّه 2:6

و لَكِن المُحتَرمين ما زادو و لا شي لِبِشارتي. و المُحتَرمين كانو شِنو ما بِهِمّني، عَشان الله ما بِشوف الوشوش.

لُوقَا 20:20

و كانو بِحرَسو عَليهو، و رَسَّلو ليهو ناس بِسِر، البِوَرّو نُفوسُم زي ناس صادقين، عَشان يَمسِكوهو بِكِلمَه، لِغايَة ما يَسَلِّموهو لِحُكم المُدير و سُلطتو.

لُوقَا 20:22

الحَق مَعانا أن نَدفَع ضَرايب لِقَيصَر ولّا لا؟“