لُوقَا 18:13 - كِتاب العَهد الجَّديد مِن الكِتاب المُقَدَّس

¹³ و لَكِن البِلِم الضَّريبَه وَقَف مِن بَعيد، و ما كان داير يَرفَع عُيونو لِلسَّما، و ضَرَب صَدرو و قال: يا الله، أرحَمني. أنا الخاطي.

لُوقَا 18:13 Referans Kwoze

١ تِيمُوثَاوُس 1:15

و الكِلمَه دي أمينَه و مُستَحِقَّه لِكُلّو قُبول، إنّو المَسيح يَسُوع جا لِلدُّنيا عَشان يَخَلِّص الخاطيين. و أنا أوَّل واحِد فيهُم.

لُوقَا 23:48

و كُل النّاس، الكانو إتلَمو عَشان يَشوفو دا، لَمّا شافو الكان حَصَل، رَجَعو و كانو يَضرُبو صُدورُم.

عِبرانيين 8:12

أنا بَكون رَحيم عَلى ذُنوبُم و أنا أبَداً ما بَتزَكَّر خَطاياهم بَعَد دا.“

أعمال الرُّسُل 2:37

و لَمَّن النّاس سِمِعو دا، إتحَيَّرو في قُلوبُم كَتير خَلاص، و قالو لِبُطْرُس و لِلرُّسُل التّانيين: ”بِنَعمِل شِنو، يا أخوان؟“

عِبرانيين 4:16

عَلَشان كِدا، خَلّونا نَقَرِّب بِتأكيد لِكُرسي النِّعمَه، عَشان نَقبَل رَحمَه و نَلقى نِعمَه لِلمُساعِدَه في وَكِت الإحتِياج.

رُومِيَه 5:8

و لَكِن الله وَرّا مَحَبَّتو لينا، عَشان لَمّا نِحنا لِسَّع كُنّا خاطيين، المَسيح مات فِشانّا.

لُوقَا 5:8

و سِمْعَان بُطْرُس لَمّا شاف كِدا، رَكَع عِند رُكبَتين يَسُوع و قال: ”أمشي، يا رَب، عَشان أنا راجِل خاطي.“

٢ كُورِنْثُوس 7:11

و شوفو كيف الحُزن دا زاتو، المِن الله، إشتَغَل فيكُم. و كان عِندَكُم إهتِمام عَشان تَكونو بِدون لوم. و كان عِندَكُم زَعل و خوف و مَحَبَّه و غيرَه و إنتِقام. و وَرّيتو نُفوسكُم بِدون غَلَط في الحاجَه دي كُلُّها.

مَتَّى 9:13

أمشو و إتعَلَّمو المَعنى دا: أنا داير رَحمَه، ما ضَبيحَه. عَشانّي ما جيت عَشان أنادي الكوَيسين لَكِن الخاطيين.“

لُوقَا 17:12

و لَمّا كان يَدخُل الحِلَّه، قابَلوهو عَشَرَه رُجال عِندَهُم جِزام. و وَقَفو مِن بَعيد،

مَتَّى 6:5

و لَمّا تَصَلّو، ما تَكونو زي المُنافِقين، عَلَشان هُم بِحِبّو يَصَلّو واقفين في بِيوت الرَّب و في مَحَل فاضي جَمب السِّكَك عَشان النّاس يَشوفوهُم. بِالحَق أقول ليكُم، هُم اَخَدو الأُجرَه بِتاعَتُم.

مَتَّى 10:3

فِيلُبُّس و بَرْثُلْمَاوُس. تُومَا، و مَتَّى الكان بِلِم الضَّريبَه. يَعْقُوب إبن حَلْفَى، و تَدَّاوُس.

مَرْقُس 11:25

و لَمّا تَقيفو و تَصَلّو، أغفِرو إذا عِندَكُم أي شي عَلى زول، عَشان أبوكُم كَمان الفي السَّما يَغفِر ليكُم خَطاياكُم.

لُوقَا 22:41

و هو مَرَق مِنَّهُم مَسافَه تَقريباً زي ما تَرمي حَجَر. و رَكَع عَلى رُكَبو و صَلّى.