لُوقَا 18:11 - كِتاب العَهد الجَّديد مِن الكِتاب المُقَدَّس

¹¹ و الفرِّيسي وَقَف يَصَلّي في نَفسو كِدا: يا الله، أشكُرَك عَشان أنا ما زي باقي النّاس، الحَراميَّه، و الظّالِمين، و الزانين، و لا زي الرّاجِل دا، البِلِم الضَّريبَه.

لُوقَا 18:11 Referans Kwoze

مَتَّى 6:5

و لَمّا تَصَلّو، ما تَكونو زي المُنافِقين، عَلَشان هُم بِحِبّو يَصَلّو واقفين في بِيوت الرَّب و في مَحَل فاضي جَمب السِّكَك عَشان النّاس يَشوفوهُم. بِالحَق أقول ليكُم، هُم اَخَدو الأُجرَه بِتاعَتُم.

رؤيا 3:17

عَلَشان إنتَ تَقول: ’أنا غَني، و إتحَصَّلتَ عَلى الغِنى، و ما عِندي إحتِياج لِأي شي.‘ و ما بِتَعرِف إنتَ مَعَذَّب جِدّاً و شَفوق و مِسكين و عَميان و عَريان.

مَرْقُس 11:25

و لَمّا تَقيفو و تَصَلّو، أغفِرو إذا عِندَكُم أي شي عَلى زول، عَشان أبوكُم كَمان الفي السَّما يَغفِر ليكُم خَطاياكُم.

غَلَاطِيَّه 3:10

كُل البِتَّكِلو عَلى أعمال القانون، هُم تِحِت لَعنَه. عَشان مَكتوب: ”مَلعون كُلّو واحِد ما يِستَمِر في كُل المَكتوب في كِتاب القانون عَشان يَعمِل بيهو.“

لُوقَا 20:47

و بِشيلو بِيوت الأرامِل بِالقُوَّه، و بِالكِضِب يَصَلّو صَلَوات طَويلَه. ديل بياخُدو حُكم شَديد جِدّاً.“

فيلِبّي 3:6

في خُصوص الغيرَه، طارِد الكَنيسَه. في خُصوص البِر الفي القانون، بِدون لوم.

مَتَّى 5:20

عَشان أقول ليكُم، لِغايَة ما بِرَّكُم بِفوت بِر مُعَلِّمين القانون و بِر الفَرِّيسِيِّين، ما تَدخُلو مَلَكوت السَّما أبَداً.

مَتَّى 10:3

فِيلُبُّس و بَرْثُلْمَاوُس. تُومَا، و مَتَّى الكان بِلِم الضَّريبَه. يَعْقُوب إبن حَلْفَى، و تَدَّاوُس.

لُوقَا 22:41

و هو مَرَق مِنَّهُم مَسافَه تَقريباً زي ما تَرمي حَجَر. و رَكَع عَلى رُكَبو و صَلّى.