لُوقَا 16:9 - كِتاب العَهد الجَّديد مِن الكِتاب المُقَدَّس

⁹ و أقول ليكُم، سَوّو ليكُم أصحاب بِمال الظُّلم، عَلَشان إذا ما نَجَحتو، يَقبَلوكُم في الخيام الأبَديَّه.

لُوقَا 16:9 Referans Kwoze

مَتَّى 19:21

و يَسُوع قال ليهو: ”إذا كان عاوِز تَكون تَمام، أمشي، و بيع مالَك، و أَدِّي القُروش مِنّو لِلمَساكين، و بِكون عِندَك كَنز في السَّما. و تَعال أتبَعني.“

مَتَّى 6:24

واحِد ما يَقدَر يَخدِم سَيِّدين، عَشان يا بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.

لُوقَا 16:11

إذا ما كُنتو صادقين بِمال الظُّلم، مِنو بِيَعمِلكُم مَسؤلين في الغِنى الحَقيقي؟

لُوقَا 14:14

و بِتكون مُبارَك، عَشان ما عِندَهُم البِرَجِّعوهو ليك، و إنتَ بِتاخُد أُجرَتَك يوم قيامَة البارين.“

لُوقَا 12:33

بيعو الحاجات العِندَكُم، و أدّو لِلمَساكين. و أعمِلو ليكُم أكياس الما بِتشَرَّطو، و كَنز في السَّما الما بِتَخلَص، و الحَرامي ما يَقدَر يَقَرِّبو ليهو، و السوس ما ياكلو.

لُوقَا 11:41

لَكِن أدّو مِن قُلوبكُم لِلمَساكين. و شوفو! كُلّو شي يَبقى نَضيف ليكُم.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

لُوقَا 16:13

ما في خَدّام يَقدَر يَخدِم سَيِّدين، عَشان بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.“

أعمال الرُّسُل 10:31

و قال لَي: يا كَرْنِيلِيُوس، الله سِمِع صَلَواتَك و إتزَكَّر صَدَقَاتَك لِلمَساكين.

مَتَّى 6:19

ما تَخزِنو لِنُفوسكُم حاجات غاليَه عَلى الأرض، المَكان الفيهو السّوس و الصَّدا ياكلوها، و الحَراميَه يدخُلو بِالقُوَّه و يَسرِقو.

يَهُوذَا 1:21

و أحفَظو نُفوسكُم في مَحَبَّة الله، مُنتَظِرين رَحمَة رَبَّنا يَسُوع المَسيح لِلحَياة الأبَديَّه.

أعمال الرُّسُل 10:4

و كَرْنِيلِيُوس عايَن ليهو، و خاف شَديد، و قال: ”داير شِنو، يا سَيِّد؟“ و المَلاك قال ليهو: ”صَلَواتَك و صَدَقَاتَك طَلَعَت تَذكار قِدّام الله.

لُوقَا 16:4

أنا عارِف الأنا بَسَوّي، عَلَشان لَمّا يَطرُدني مِن الشُّغل، بِقبَلوني في بِيوتُم.