لُوقَا 15:29 - كِتاب العَهد الجَّديد مِن الكِتاب المُقَدَّس

²⁹ لَكِن هو رَدَّ و قال لِأبوهو: شوف! أنا إشتَغَلتَ ليك السِنين دي كُلَّها، و ما كَسَرتَ أوَامِرَك أبَداً. و إنتَ ما أدّيتني غَنَمايَه صَغَيرَه عَشان أفرَح مَعَ أصحابي.

لُوقَا 15:29 Referans Kwoze

رؤيا 3:17

عَلَشان إنتَ تَقول: ’أنا غَني، و إتحَصَّلتَ عَلى الغِنى، و ما عِندي إحتِياج لِأي شي.‘ و ما بِتَعرِف إنتَ مَعَذَّب جِدّاً و شَفوق و مِسكين و عَميان و عَريان.

رؤيا 2:17

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو مِن المَنّا المَدسوس. و بَدّيهو حَجَر أبيَض، مَكتوب عَليهو إسم جَديد، ما في واحِد يَعرِفو إلّا البِقبَلو.

رُومِيَه 10:3

و عَلَشانُم ما عِرفو بِر الله و طَلَبو أن يَثَبِّتو بِر نُفوسُم، هُم ما طاعو بِر الله.

رُومِيَه 7:9

كُنتَ حَي مِن قُبّال، بِدون القانون. لَكِن، لَمّا الأمر جا، الخَطيَّه قامَت و أنا مُتَّ.

لُوقَا 19:21

عَشان كُنتَ خايِف مِنَّك، عَشان إنتَ زول شَديد. عَشان بِتاخُد الما كان حَقَّك، و تَلِم الما زَرَعتو.

لُوقَا 18:9

و قال المَثَل دا لِلنّاس المِتأكِّدين إنَّهُم بارين، و يَكرَهو النّاس التّانيين.

لُوقَا 17:10

و كِدا إنتو كَمان بَعَد ما عَمَلتو كُلّو شي الله أمَركُم بيهو، قولو: نِحنا خَدّامين ما عِندَنا فايدَه. عَمَلنا بَس اللازِم نَعمِلو.“

لُوقَا 15:7

أقول ليكُم، بِكون فَرَح زي دا في السَّما عَلى خاطي واحِد يَتوب، أكتَر مِن تِسعَه و تِسعين عَديلين ما بِحتاجو لِلتّوبَه.

مَتَّى 20:12

و قالو: النّاس الفي الآخِر ديل إشتَغَلو ساعَه واحدَه بَس، و إنتَ عَمَلتَهُم سَوا مَعانا نِحنا التِّعِبنا تَعب الشُّغل و في حَرارَة النَّهار.

رُومِيَه 3:27

و كِدا، وين الكِبِر؟ ما في مَكان ليهو. و السَّبَب شِنو؟ عَشان نِحنا بِنطيع القانون؟ أبَداً! لَكِن عَشان بِنآمِن.

رُومِيَه 3:20

عَلَشان كِدا، و لا زول يِتبَرَّر قِدّام الله بِأعمال القانون، عَشان بِالقانون يَجي مَعرِفَة الخَطيَّه.

لُوقَا 15:28

لَكِن هو زِعِل شَديد، و ما كان رَضيان يَدخُل. و أبوهو مَرَق و طَلَب مِنّو يَدخُل.

لُوقَا 15:30

و لَكِن لَمّا جا وَلَدَك دا، الوَدَّر مالَك مَعَ النِّسوان البَطّالات، ضَبَحتَ ليهو العِجِل السَّمين.