لُوقَا 13:33 - كِتاب العَهد الجَّديد مِن الكِتاب المُقَدَّس

³³ و لَكِن لازِم أمشي اللّيلَه و بُكرَه و بَعَد بُكرَه، عَشان ما مُمكِن النَّبي يَموت بَرَّه مِن أُورُشَلِيم.

لُوقَا 13:33 Referans Kwoze

لُوقَا 9:53

و ما قِبلوهو عَشان كان ماشي لِأُورُشَلِيم.

مَتَّى 21:11

و النّاس رَدّو و قالو: ”دا يَسُوع، النَّبي مِن نَاصِرَه الجَّليل.“

أعمال الرُّسُل 13:27

و السّاكنين في أُورُشَلِيم و رؤساهُم ما عِرفو يَسُوع. لَكِن لَمّا حَكَمو عَليهو، تَمَّمو كِلمات الأنبياء البيَقروها كُلّو سَبِت.

مَتَّى 20:18

”شوفو! نِحنا نَطلَع لِأُورُشَلِيم. و إبن الإنسان، بِسَلِّموهو لِلقُسُس الكُبار و مُعَلِّمين القانون، و هُم بِحكُمو عَليهو بِالموت،

يُوحَنَّا 11:54

و عَلَشان كِدا، يَسُوع ما كان بِمشي و يَبَيِّن نَفسو لِليَهود، لَكِنّو مَرَق مِن هِناك لِمَكان قَريب مِن الخَلا، لِمَدينَه إسِما أَفْرَايِم. و قَعَد هِناك مَعَ تَلاميذو.

يُوحَنَّا 9:4

لازِم نَعمِل أعمال الرَّسَّلني ما دام النَّهار. عَشان بِجي ليل لَمّا واحِد ما يَقدَر يَشتَغِل.

يُوحَنَّا 4:34

يَسُوع قال ليهُم: ”الأكل بِتاعي هو أن أعمِل إرادَة الرَّسَّلني، و أكَمِّل عَمَلو.

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

يُوحَنَّا 12:35

و يَسُوع قال ليهُم: ”لِسَّع النّور مَعاكُم لِمُدَّه قِصَيرَه. أمشو ما دام ليكُم نور، قُبّال ما الضُّلُمَّه تَجي عَليكُم. و البِمشي في الضُّلُمَّه ما بِيَعرِف هو ماشي وين.

يُوحَنَّا 11:9

يَسُوع رَدَّ عَليهُم وقال: ”مُش إتناشَر ساعَه في اليوم؟ إذا واحِد بِمشي في النَّهار، هو ما بِقَع، عَشان هو بِشوف نور الدُّنيا دي.