لُوقَا 1:2 - كِتاب العَهد الجَّديد مِن الكِتاب المُقَدَّس

² و النّاس الشّافوها بِعُيونُم مِن الأوَّل و كانو خَدّامين الكِلمَه سَلَّموها لينا.

لُوقَا 1:2 Referans Kwoze

يُوحَنَّا 15:27

و إنتو كَمان تَشهَدو لَي، عَشان إنتو مَعاي مِن البِدايَه.

أعمال الرُّسُل 26:16

و لَكِن، قوم و أقيف عَلى رِجلينَك. عَشان أنا ظَهَرتَ ليك لِدا، عَشان أختارَك تَكون خَدّام و شاهِد بِالحاجات الشُّفتو فِيني، و بِالماشي أوَرّيهو ليك.

٢ بُطْرُس 1:16

عَشان نِحنا ما تَبَعنا حِكايات شاطرَه لَمّا عَلَّمناكُم عَن قُدرَة رَبَّنا يَسُوع المَسيح و كيف هو بِجي. لَكِن نِحنا بِعُيونَنا شُفنا مَجدو.

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

مَرْقُس 1:1

بِدايَة إنجيل يَسُوع المَسيح إبن الله.

أعمال الرُّسُل 1:3

و بَعَد تَعبو، هو وَرّا نَفسو ليهُم و أدّا ليهُم بينات كَتيرَه الوَرّاهُم هو حَي. و هو كان بِبَيِّن نَفسو ليهُم مُدَّة أربَعين يوم، و بِكَلِّمُم عَن حاجات مَلَكوت الله.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

أعمال الرُّسُل 4:20

عَشان ما نَقدَر نَبَطِّل كَلامنا عَن الشّوفناهو و سِمِعناهو.“

لُوقَا 24:48

و إنتو شاهِدين لِلحاجات دي.

١ كُورِنْثُوس 4:1

خَلّي الزّول يَحسِبنا زي خَدّامين المَسيح و وُكَلا أسرار الله.

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

مَرْقُس 4:14

المُزارِع يَزرَع الكِلمَه.

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

مَرْقُس 16:20

و لَكِن هُم مَرَقو، و بِشَّرو في كُلّو مَكان. و الرَّب كان يَشتَغِل مَعاهُم و يَثَبِّت الكِلمَه بِالعَلامات الكانَت تَمشي مَعاها.

يُوحَنَّا 16:4

أنا كَلَّمتَكُم بِدا هَسَّع، عَشان لَمّا ساعَتُم تَجي، تِتزَكَّرو أنا قُلتَ ليكُم دا كُلّو. أنا ما كَلَّمتَكُم بِدا في الأوَّل، عَلَشانّي كُنتَ مَعاكُم.

أعمال الرُّسُل 8:4

عَلَشان كِدا، هُم الإتشَتَّتو، كانو بِبَشِّرو بِالكِلمَه في كُلّو مَكان الهُم سافَرو ليهو.

أعمال الرُّسُل 14:25

و لَمّا بِشَّرو بِالكِلمَه في بَرجَه، نَزَلو لِأتّاليَه.

أعمال الرُّسُل 16:6

و بَعَد ما مَرّو بِفِرِيجِيَّه و مَحَلّات غَلَاطِيَّه، الرّوح القُدُس ما خَلّاهُم يِتكَلَّمو بِالكِلمَه في آسيا.

أعمال الرُّسُل 17:11

و ديل كانو أفضَل مِن الفي تَسَالُونِيكِي، عَشان قِبلو الكِلمَه بِكُلّو نَشاط. و كانو كُلّو يوم بِفَتِّشو الكُتُب عَشان يَشوفو إذا الحاجات دي صَحَيحَه.