يَهُوذَا 1:15 - كِتاب العَهد الجَّديد مِن الكِتاب المُقَدَّس

¹⁵ و هو جا عَشان يَحكُم عَلى الكُل، و يَوَبِّخ كُل الشَّرّيرين لِكُلّو أعمالُم الشَّرّيرَه العَمَلوها بِالشَّر. و هو يَوَبِّخُم لِكُل الكِلمات الصَّعبَه الإتكَلَّمو بيها الخاطيين الشَّرّيرين.“

يَهُوذَا 1:15 Referans Kwoze

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

رُومِيَه 2:16

في اليوم داك، الله يَدين عَلى أسرار النّاس بِحَسَب إنجيلي بِيَسُوع المَسيح.

١ تِيمُوثَاوُس 1:9

و بِنَعرِف دا، القانون ما مَعمول لِلبارين، لَكِن لِلخاطيين و الما بِطيعُو، لِلبَطّالين و المُذنِبين، و لِلبِدون قَداسَه و البِدون دين، لِكاتِلين الأبَهات و الأُمَّهات، و كاتِلين النّاس.

رُومِيَه 14:10

لَكِن إنتَ، لِشِنو تَحكُم عَلى أخوك؟ و إنتَ كَمان، لِشِنو تَحتَقِر أخوك؟ عَشان كُلُّنا بِنقيف قِدّام كُرسي الله.

رُومِيَه 2:5

لَكِن بِسَبَب قَلبَك القَوّي و الما بِتوب، بِتَخزِن لِنَفسَك غَضَب في يوم الغَضَب، لَمّا دينونَة الله العادِل بِظهَر.

أعمال الرُّسُل 17:31

عَشانو إختار يوم فيهو بِيَحكُم عَلى الدُّنيا بِالعَدل بِالإنسان الجَّهَّزو. و أدّا لِلكُل بيّنَه، لَمّا قَوَّمو مِن بين المَيِّتين.“

يُوحَنَّا 5:27

و أدّاهو سُلطَه أن يَحكُم كَمان، عَشان هو إبن الإنسان.

رؤيا 22:20

الشّاهِد بِالحاجات دي يَقول: ”أيوَه، أنا جاي قَريب.“ آمين! تَعال، يا رَب يَسُوع!

رؤيا 13:11

بَعدين شُفتَ وَحَش تاني طالِع مِن الأرض. و هو كان عِندو قَرنين زي حَمَل و يتكَلَّم زي تنين.

يَهُوذَا 1:16

و ديل يَشتَكو و يَنَقنِقو، و هُم يَمشو حَسَب شَهوَاتُم. و خُشومُم يِتكَلَّمو بِكِلمات كِبِر، و يَشوفو الوشوش فِشان الفايدَه.

١ كُورِنْثُوس 5:13

الله هو اليَحكُم عَليهُم المِن بَرَّه. أطرُدو الزّول الشَّرّير مِن بينكُم.