43 لِشِنو إنتو ما بِتَفهَمو كَلامي؟ عَشان إنتو ما تَقدَرو تَسمَعو كَلامي.
أنا جيت بِإسم أبوي، و إنتو ما بِتَقبَلوني. إذا واحِد تاني يَجيكُم بِإسم نَفسو، بِتَقبَلوهو.
إذا واحِد رَضيان يَعمِل إرادَة الله، هو ماشي يَعرِف التَّعليم دا، إذا هو مِن الله، ولّا أنا بَتكَلَّم بيهو مِن نَفسي.
يا ناس رؤسكُم قَوّيين و قُلوبكُم بَطّالين و إضنينكُم ما بِسمَعو كَلام الحَق! إنتو بِتقاوِمو الرّوح القُدُس دايماً. زي ما أبَهاتكُم كانو بيَعمِلو، إنتو كَمان بِتَعمِلو.
و كَتير مِن تَلاميذو، لَمّا سِمِعو الكَلام دا قالو: ”الكَلام دا صَعب. مِنو يَقدَر يَسمَعو؟“
لَكِن هُم ما فِهمو إنّو كان بِكَلِّمُم عَن الأبو.
ما في واحِد يَفهَم، ما في واحِد يَطلُب الله.
عَشان قَلب النّاس ديل بِقى تَقيل، و إضنينُم تُقال عَن السَّمَع، و عُيونُم قَفَلوها، عَشان ما بِشوفو بِعُيونُم، و لا يَسمَعو بِإضنينُم، و لا يَفهَمو بِقُلوبُم، و لا يَرجَعو عَشان أشفيهُم.
الحَق الحَق أقول ليكُم، السّاعَه بِتَجي، و هي هَسَّع، لَمّا المَيِّتين بِسمَعو صوت إبن الله، و البِسمَعو يَعِيشو.
رَدّو و قالو ليهو: ”نِحنا أولاد إِبْرَاهِيم، و ما في زول يَعمِلنا عَبيد أبَداً. كيف إنتَ تَقول: نِحنا بِنكون حُرّين؟“
رَدّو و قالو ليهو: ”إِبْرَاهِيم هو أبونا.“ يَسُوع قال ليهُم: ”كان إنتو أولاد إِبْرَاهِيم، كُنتو تَعمِلو أعمال إِبْرَاهِيم.