يُوحَنَّا 8:31 - كِتاب العَهد الجَّديد مِن الكِتاب المُقَدَّس

³¹ و بَعدين يَسُوع قال لِليَهود الآمَنو بيهو: ”كان إنتو ثابِتين في كَلامي، بِالحَق تَكونو تَلاميذي.

يُوحَنَّا 8:31 Referans Kwoze

٢ يُوحَنَّا 1:9

و الما بِستَمِر في تَعليم المَسيح و يَجري قِدّامو، ما عِندو الله. و البِستَمِر في تَعليم المَسيح، هو عِندو الأبو و الإبن، هُم الإتنين.

٢ تِيمُوثَاوُس 3:14

و لَكِن إنتَ، إستَمِر في الحاجات الإتعَلَّمتا و بِقيت مِتأكِّد مِنَّها، عَلَشان إنتَ بِتَعرِف مِن مِنو إتعَلَّمتَها.

يَعْقُوب 1:25

لَكِن البِشوف في القانون الكامِل، قانون الحُرّيَّه، و بيَعمِلو و يِستَمِر فيهو، هو بِكون مُبارَك في عَمَلو، مُش هو البِسمَع و بَعدين بِنسى.

١ تِيمُوثَاوُس 4:16

شوف نَفسَك كوَيس و التَعليم. إستَمِر في الحاجات ديل، عَلَشان إذا عَمَلتَ كِدا، بِتَخلَص نَفسَك و البِسمَعو ليك كَمان.

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

١ يُوحَنَّا 2:24

خَلّو السِّمِعتوهو مِن البِدايَه يِستَمِر يَعيش فيكُم. إذا كان السِّمِعتوهو مِن البِدايَه يَسكُن فيكُم، إنتو كَمان بِتَسكُنو في الإبن و في الأبو.

رُومِيَه 11:22

عَلَشان كِدا، شوف لُطف الله و شِدَّتو. الشِّدَّه عَلى الوَقَعو، لَكِن ليك لُطف الله إذا تِستَمِر في لُطفو، و إلّا بِقطَعوك كَمان.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

مَتَّى 24:13

و لَكِن هو البِتحَمَّل لِغايَة آخِر الدُّنيا، هو بِخلَص.

يُوحَنَّا 8:36

إذا الإبن أدّاكُم الحُرّيَّه، بِالحَق بِتكونو حُرّين.

يُوحَنَّا 6:55

عَشان جِسمي أكل حَقيقي، و دَمّي شَراب حَقيقي.

أعمال الرُّسُل 13:43

و بَعَد ما الناس مَشو مِن بيت الرَّب، كَتيرين مِن اليَهود و النّاس البِخافو، القِبلو الدّين اليَهودي، تِبعو بُولُس و بَرْنَابَا. و هُم كَلَّموهُم و بَشَّروهُم عَشان يِستَمِرّو في نِعمَة الله.

١ يُوحَنَّا 2:19

هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا.

عِبرانيين 8:9

مُش زي الإتِّفاق العَمَلتَ مَعَ أبَهاتُم لَمّا مَسَكتُم بِإيدُم عَشان أمَرِّقُم مِن أرض مَصر. عَلَشان هُم ما إستَمَرّو في إتِفاقي، و أنا ما خَلّيت بالي ليهُم، يَقول الرَّب.

١ تِيمُوثَاوُس 2:15

لَكِن هي بِتَخلَص بِوِلادَة الأولاد إذا تِستَمِر في الإيمان و المَحَبَّه و القَداسَه مَعَ مَسِك النَّفس.

يُوحَنَّا 1:47

و يَسُوع شاف نَثَنَائِيل جاي ليهو، و قال عَنّو: ”شوف إِسْرَائِيلي بِالحَق، ما فيهو غِش.“

أعمال الرُّسُل 26:22

و لَكِن فِشان كانَت عِندي مُساعَدَه مِن الله، قَعَدتَ لِليوم دا، شاهِد لِلصَّغير و الكَبير. أنا ما بَقول حاجَه إلّا القالو الأنبياء و مُوسَى إنّو بِكون.

يُوحَنَّا 2:2

و يَسُوع و تَلاميذو كانو مَعزومين كَمان لِلعِرس.