يُوحَنَّا 5:44 - كِتاب العَهد الجَّديد مِن الكِتاب المُقَدَّس

⁴⁴ كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

يُوحَنَّا 5:44 Referans Kwoze

يُوحَنَّا 12:43

عَشان هُم حَبّو مَجد النّاس أكتَر مِن مَجد الله.

رُومِيَه 2:29

لَكِن اليَهودي في جُوَّه، هو اليَهودي الحَقيقي. و طَهور القَلِب، هو الطَّهور الحَقيقي و دا بِالرّوح، مُش بِالكِتاب. و حَمدو ما مِن النّاس، لَكِن مِن الله.

فيلِبّي 2:3

ما تَعمِلو أي شي بِمَحَبَّة النَّفس، ولّا بِكِبر. و لَكِن خُتّو نُفوسكُم تِحِت، و أحسِبو التّانيين أحسَن مِن نُفوسكُم.

مَتَّى 23:5

كُلّو شي اليَعمِلوهو، يَعمِلوهو عَشان النّاس يَشوفوهُم. و يَلبَسو عَلامَه عَريضَه في راسُم مَكتوبَه فوقا كِلمات الله. و يَعمِلو طَرَف عَريض عَلى هِدُومُم.

١ بُطْرُس 1:7

و داك يَكون لِبيّنَة إيمانكُم. الدَّهَب، البِخسَر، يَمتَحِن بِالنّار. و كِدا إيمانكُم، الغالي مِن الدَّهَب، لازِم يَمتَحِن كَمان عَلَشان يَكون لِلحَمد و المَجد و الإحتِرام عِند ظُهور يَسُوع المَسيح.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

رُومِيَه 2:10

و المَجد و الإحتِرام و السَّلام لِكُلّو واحِد بِسَوّي الخير، لِليَهودي في الأوَّل، و بَعدين لِلإغريقي.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

لُوقَا 19:17

و قال ليهو: عَمَلتَ كوَيس، يا الخَدّام الطَّيب. عَشان كُنتَ أمين في القَليل، تَكون مَسؤول عَلى عَشَرَه مُدُن.

يَعْقُوب 2:1

يا أخواني، ما تَشوفو وشوش النّاس و إنتو ماسكين بِإيمان رَبَّنا يَسُوع المَسيح، رَب المَجد.

عِبرانيين 3:12

شوفو، يا أخوان، عَشان ما بِكون في أي واحِد مِنَّكُم قَلِب بَطّال و بِدون إيمان، البِرَجِّع عَن الله الحَي.

٢ كُورِنْثُوس 10:18

عَشان الزول الحَمَد نَفسو ما بِكون مَقبول، لَكِن لَمّا الرَّب يَحمِد الزّول، هو بِكون مَقبول.

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

يُوحَنَّا 8:43

لِشِنو إنتو ما بِتَفهَمو كَلامي؟ عَشان إنتو ما تَقدَرو تَسمَعو كَلامي.

يُوحَنَّا 3:20

عَشان كُلّو واحِد البيَعمِل الحاجات الشَّرّيرَه، يَكرَه النّور، و ما يَجي لِلنّور، عَشان أعمالو ما يِتوَبَّخو.

يُوحَنَّا 5:41

أنا ما بَقبَل مَجد مِن النّاس.

١ تَسَالُونِيكِي 2:6

و لَمّا كان مُمكِن لينا ناخُد سُلطَة رُسُل المَسيح، ما طَلَبنا شُكر مِن النّاس، ولّا مِنَّكُم ولّا مِن التّانيين.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

يَهُوذَا 1:25

لِلَّه الوَحيد، مُخَلِّصنا، بِيَسُوع المَسيح رَبَّنا، المَجد و العَظَمَه و القُدرَه و السُّلطَه قُبّال كُلّو زَمَن و هَسَّع و لِلأبَد. آمين.