يُوحَنَّا 3:2 - كِتاب العَهد الجَّديد مِن الكِتاب المُقَدَّس

² هو جا لِيَسُوع في اللّيل، و قال ليهو: ”نِحنا عارفين إنَّك جيت مُعَلِّم مِن الله. عَشان ما في واحِد يَقدَر يَعمِل العَلامات الأنتَ بِتَعمِلا، إذا الله ما مَعاهو.“

يُوحَنَّا 3:2 Referans Kwoze

يُوحَنَّا 5:36

لَكِن أنا عِندي شَهادَه أكبَر مِن شَهادَة يُوحَنَّا. عَشان الأعمال الأبو أدّاها لَي عَشان أتِمّا، الأعمال دي زاتا الأنا بَعمِل، هي تَوَرّي إنّو الأبو رَسَّلني.

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

أعمال الرُّسُل 2:22

يا رُجال إِسْرَائِيل، أسمَعو الكِلمات دي: يَسُوع النّاصِري، هو راجِل، مَقبول عِند الله. و بيهو الله عَمَل قُوّات و عَجايِب و عَلامات بينكُم زي ما إنتو بِتَعرِفو.

يُوحَنَّا 9:16

و بَعض الفَرِّيسِيِّين قالو: ”الرّاجِل دا مُش مِن الله، عَشان هو ما بِحفَظ السَّبِت.“ تانيين قالو: ”كيف راجِل خاطي يَقدَر يَعمِل زي العَلامات دي؟“ و بِقو مِنقَسِمين.

يُوحَنَّا 12:37

و مَعَ إنّو يَسُوع عَمَل عَلامات كَتيرَه زي دي قِدّامُم، هُم لِسَّع ما آمَنو بيهو.

يُوحَنَّا 1:38

و يَسُوع إتلَفَت و شافُم يَتبَعوهو. و قال ليهو: ”إنتو عاوزين شِنو؟“ و قالو: ”رَبّي، يَعني يا مُعَلِّم، إنتَ ساكِن وين؟“

مَتَّى 22:16

و هُم رَسَّلو ليهو تَلاميذُم مَعَ الهيروديسين. و هُم قالو: ”يا مُعَلِّم، نِحنا عارفين إنتَ تَقول الحَق، و تَعَلِّم سِكَّة الله بِالحَق. و إنتَ ما تَغَيِّر كَلامَك عَشان فِكر النّاس، عَلَشانَك ما تَعمِل فارِق بين النّاس.

يُوحَنَّا 7:31

عَلى كِدا، كَتير مِن النّاس آمَنو بيهو، و قالو: ”لَمّا المَسيح يَجي، هو ماشي يَعمِل أعمال أكتَر مِن الأعمال الرّاجِل دا عَمَلا؟“

يُوحَنَّا 20:16

يَسُوع قال ليها: ”يا مَرْيَم.“ و هي عايَنَت وَراها، و قالَت ليهو بِلُغَة اليَهود: ”رَبّوني!“ يَعني: ”يا مُعَلِّم.“

يُوحَنَّا 15:24

أنا عَمَلتَ بِينُم أعمال زول تاني ما عَمَلا. عَلَشان كِدا عِندَهُم خَطيَّه. لَكِن هَسَّع هُم شافو و كِرهوني أنا و أبوي.

يُوحَنَّا 3:26

و هُم جو لِيُوحَنَّا و قالو ليهو: ”يا مُعَلِّم، الرّاجِل الكان مَعاك في غادي الأُرْدُنّ الأنتَ شِهِدتَ ليهو، هو كَمان بِعَمِّد، و كُل النّاس بِمشو ليهو.“

مَرْقُس 12:14

و جو ليهو و قالو: ”يا مُعَلِّم، بِنَعرِف إنتَ تَقول الحَق، و ما تَغَيِّر كَلامَك عَشان فِكر النّاس. عَلَشان إنتَ ما تَعمِل فارِق بين النّاس، و لَكِن تَعَلِّم طَريق الله بِالحَق. واجِب عَلينا نَدّي الطُّلبَه لِقَيصَر، ولّا لا؟

فيلِبّي 1:14

و أكتَر الأخوان بِقو مِتأكِّدين في الرَّب بِسَبَب جَنازِيري. و عِندَهُم شَجاعَه أكتَر عَشان يِتكَلَّمو بِكِلمَة الله بِدون خوف.

مَتَّى 23:7

و يَحِبّو السَّلامات في الأسواق، و يَحِبّو النّاس يَسَمّوكُم سَيِّد.

مَتَّى 23:8

لَكِن ما تَخَلّو النّاس يَسَمّوكُم سَيِّد، عَلَشان مُعَلِّمكُم واحِد بَس، و كُلَّكُم أخوان.

يُوحَنَّا 2:11

و دي كانَت أوَّل العَلامات العَمَلا يَسُوع في قانا الجَّليل. و بِيَّن مَجدو. و تَلاميذو آمَنو بيهو.

يُوحَنَّا 4:31

و في الوَكِت دا، التَّلاميذ قالو ليهو: ”يا مُعَلِّم، قوم، أُكُل.“

يُوحَنَّا 6:2

و ناس كُتار تِبِعوهو، عَشان شافو عَلامات الكان بيَعمِلا لِلعَيّانين.

يُوحَنَّا 10:38

لَكِن إن كُنتَ أنا بَعمِلا، و إنتو ما بِتآمِنو بي، آمِنو بِالأعمال، عَشان تَعرِفو و تَفهَمو الأبو فِيني و أنا في الأبو.“

يُوحَنَّا 14:10

إنتَ ما بِتآمِن أنا في الأبو و الأبو فِيني؟ الكَلام الأنا بَقولو ليكُم، ما بَتكَلَّم بيهو مِن نَفسي. لَكِن الأبو القاعِد فِيني، هو بيَعمِل أعمالو.