يُوحَنَّا 3:18 - كِتاب العَهد الجَّديد مِن الكِتاب المُقَدَّس

¹⁸ الإنسان البِآمِن بيهو، الله ما يَدينو. و الإنسان الما بِآمِنو بيهو، هو مَديون عَليهو مِن قُبّال، عَشان هو ما آمَن بِإسم إبن الله.

يُوحَنَّا 3:18 Referans Kwoze

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.

مَرْقُس 16:16

هو اليَصَدِّق و يِتعَمَّد بِخلَص، و الما يَصَدِّق بِحكُمو عَليهو.

رُومِيَه 8:1

عَلَشان كِدا، ما في دينونَه هَسَّع عَلى ديل الفي المَسيح يَسُوع.

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

١ يُوحَنَّا 5:12

العِندو الإبن، عِندو الحَياة. و الما عِندو الإبن، ما عِندو الحَياة.

يُوحَنَّا 3:36

هو البِآمِنو بِالإبن، ليهو الحَياة الأبَديَّه. و هو الما بِآمِنو بِالإبن، ما بِشوف الحَياة، لَكِن غَضَب الله يَبقى عَليهو.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

١ يُوحَنَّا 4:9

بِدا، ظَهَرَت مَحَبَّة الله فينا. الله رَسَّل إبنو الوَحَيد لِلدُّنيا عَشان نَحياى بيهو.

رُومِيَه 8:34

مِنو البِحكُم عَليهُم؟ المَسيح يَسُوع يَطلُب فِشانّا، و هو المات، لَكِن بِالأكتَر قام مِن بين المَيِّتين، و هو عَن يَمين الله.

يُوحَنَّا 20:31

لَكِن دي مَكتوبَه عَشان تَآمِنو إن يَسُوع هو المَسيح إبن الله. و لَمّا تَآمِنو، تَكون ليكُم حَياة بِإسمو.

يُوحَنَّا 6:47

الحَق الحَق أقول ليكُم، البِآمِن بي، تَكون ليهو الحَياة الأبَديَّه.

يُوحَنَّا 6:40

عَشان دي إرادَة أبوي، كُل البِشوف الإبن و بِآمِنو بيهو، تَكون ليهو الحَياة الأبَديَّه. و أنا بَقَوِّمو في اليوم الأخير.“

يُوحَنَّا 1:18

ما في زول شاف الله كُلّو كُلّو. الإبن الوَحيد الهو في قَلب الأبو، هو خَبَّر عَنّو.

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

عِبرانيين 12:25

و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

يُوحَنَّا 1:12

و لَكِن القِبلوهو، هو أدّاهُم سُلطَه عَشان يَبقو أولاد الله، يَعني النّاس البِآمِنو بِإسمو.

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

عِبرانيين 3:19

و كِدا نَشوف هُم ما قِدِرو يدخُلو عَشان ما كانو عِندَهُم إيمان.

١ يُوحَنَّا 3:23

و دا هو أمرو أن نآمِن بِإسم إبنو يَسُوع المَسيح و نَحِب بَعَضَنا بَعض، زي ما أدّانا أمر.