يُوحَنَّا 3:17 - كِتاب العَهد الجَّديد مِن الكِتاب المُقَدَّس

¹⁷ عَشان الله ما رَسَّل إبنو لِلدُّنيا عَشان يَدين الدُّنيا، لَكِن رَسَّلو عَشان يَخَلِّص الدُّنيا بيهو.

يُوحَنَّا 3:17 Referans Kwoze

١ يُوحَنَّا 4:14

و نِحنا شُفنا و نَشهَد أن الأبو رَسَّل الإبن عَشان يَكون مُخَلِّص الدُّنيا.

لُوقَا 19:10

عَشان إبن الإنسان جا يَطلُب و يَخَلِّص المَوَدَّر.“

يُوحَنَّا 6:57

زي ما الأبو الحَي رَسَّلني، و أنا حَي بِالأبو، كُلّو واحِد الياكُلني يَعيش بي.

يُوحَنَّا 6:40

عَشان دي إرادَة أبوي، كُل البِشوف الإبن و بِآمِنو بيهو، تَكون ليهو الحَياة الأبَديَّه. و أنا بَقَوِّمو في اليوم الأخير.“

يُوحَنَّا 6:29

يَسُوع رَدَّ عَليهُم و قال: ”دا هو عَمَل الله، أن تَآمِنو بيهو الهو رَسَّلو.“

يُوحَنَّا 20:21

و يَسُوع قال ليهُم مَرَّه تانيَه: ”سَلام ليكُم. زي ما الأبو رَسَّلني، أنا بَرَسِّلكُم.“

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

يُوحَنَّا 11:42

و أنا عِرِفتَ إنتَ دايماً بِتَسمَع لَي. لَكِن عَشان النّاس ديل الواقفين هِنا، أنا قُلتَ دا، عَشان هُم يآمِنو إنتَ رَسَّلتَني.“

يُوحَنَّا 7:29

أنا بَعرِفو، عَشان أنا جيت مِنّو، و هو رَسَّلني.“

يُوحَنَّا 5:45

ما تَفتَكِرو أنا بَشتَكي عَليكُم للأبو. في واحِد البِشتَكي عَليكُم، و هو مُوسَى، الفيهو رَجاكُم.

يُوحَنَّا 8:42

يَسُوع قال ليهُم: ”إذا كان الله أبوكُم، كُنتو تَحِبّوني، عَشان أنا مَرَقتَ و جيت مِن الله. أنا ما جيت مِن نَفسي، لَكِن هو رَسَّلني.

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

يُوحَنَّا 17:8

عَشان الكَلام الأنتَ أدّيتو لَي، أنا أدّيتو ليهُم. و هُم قِبِلو و عِرِفو تَمام أنا جيت مِنَّك، و آمَنو إنتَ رَسَّلتَني.

يُوحَنَّا 10:36

عَلَشان دا، إنتو تَقولو عَلى القَدَّسو الأبو، و رَسَّلو لِلدُّنيا: إنتَ تَجَدِّف؟ عَشان أنا قُلتَ أنا إبن الله؟

يُوحَنَّا 5:36

لَكِن أنا عِندي شَهادَه أكبَر مِن شَهادَة يُوحَنَّا. عَشان الأعمال الأبو أدّاها لَي عَشان أتِمّا، الأعمال دي زاتا الأنا بَعمِل، هي تَوَرّي إنّو الأبو رَسَّلني.

يُوحَنَّا 17:21

أنا بَصَلّي عَشان كُلُّهُم بِكونو واحِد، زي ما إنتَ فِيني يا أبوي، و أنا فيك. و بَصَلّي كَمان عَشان هُم بِكونو فينا، فِشان ناس الدُّنيا بِآمِنو إنتَ رَسَّلتَني.

يُوحَنَّا 5:38

و كلمَتو ما ساكنَه فيكُم، عَشان إنتو ما بِتآمِنو بيهو الرَّسَّلو.

مَتَّى 1:23

”شوفو! البِت الما عِرفَت راجِل بِتَحمَل و بِتَلِد وَلَد، و يَكون إسمو عِمَّانُوئِيل،“ دا يَعني: ”الله مَعانا.“

مَتَّى 18:10

شوفو، ما تابو تَحتَرِمو واحِد مِن الصُّغار ديل. عَشان أقول ليكُم، في السَّما مَلائكَتُم دايماً بِشوفو وَش أبوي الفي السَّما.

لُوقَا 9:56

عَشان إبن الإنسان ما جا عَشان يَخَرِّب حَياة النّاس، لَكِن عَشان يَخَلِّص.“ و مَشو لِحِلَّه تانيَه.

يُوحَنَّا 3:34

و الرَّسَّلو الله، دا هو اليتكَلَّم بِكَلام الله. عَشان الله ما بِدّي الرّوح بالميزان.

يُوحَنَّا 6:38

عَشان أنا نَزَلتا مِن السَّما، مُش عَشان أعمِل إرادَتي، لَكِن إرادَة الرَّسَّلني.

يُوحَنَّا 8:11

هي قالَت ليهو: ”ما في واحِد، يا سَيِّد.“ و يَسُوع قال ليها: ”و لا أنا بَحكُم عَليكي. أمشي، و ما تَعمِللي خَطيَّه تاني مَرَّه.“

يُوحَنَّا 17:18

زي ما رَسَّلتَني لِلدُّنيا، أنا رَسَّلتَهُم لِلدُّنيا كَمان.

يُوحَنَّا 17:23

أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني.

يُوحَنَّا 17:25

يا الأبو البار، ناس الدُّنيا ما عِرفوك، لَكِن أنا عِرِفتَك. و ديل عِرفو إنتَ رَسَّلتَني.

مَتَّى 18:11

عَشان إبن الإنسان جا عَشان يَخَلِّص النّاس المَوَدَّرين.