يُوحَنَّا 2:11 - كِتاب العَهد الجَّديد مِن الكِتاب المُقَدَّس

¹¹ و دي كانَت أوَّل العَلامات العَمَلا يَسُوع في قانا الجَّليل. و بِيَّن مَجدو. و تَلاميذو آمَنو بيهو.

يُوحَنَّا 2:11 Referans Kwoze

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 3:2

هو جا لِيَسُوع في اللّيل، و قال ليهو: ”نِحنا عارفين إنَّك جيت مُعَلِّم مِن الله. عَشان ما في واحِد يَقدَر يَعمِل العَلامات الأنتَ بِتَعمِلا، إذا الله ما مَعاهو.“

يُوحَنَّا 6:2

و ناس كُتار تِبِعوهو، عَشان شافو عَلامات الكان بيَعمِلا لِلعَيّانين.

يُوحَنَّا 6:30

و قالو ليهو: ”ياتا عَلامَه تَعمِل عَشان نَشوف و نآمِن بيك؟ إنتَ بِتَعمِل شِنو؟

يُوحَنَّا 6:26

يَسُوع رَدَّ عَليهُم و قال: ”الحَق الحَق أقول ليكُم، إنتو بِتَطلُبوني، ما عَشان العَلامات الشُّفتوها، لَكِن عَشان إنتو أكَلتو مِن الرَّغِفان و شَبِعتو.

يُوحَنَّا 6:14

و لَمّا النّاس شافو العَلامَه العَمَلا يَسُوع، هُم قالو: ”صَحيح، دا هو النَّبي الجّاي لِلدُّنيا.“

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

يُوحَنَّا 14:13

و أي شي سألتو بِإسمي، أنا بَعمِلو، عَشان الإبن يَجيب مَجد لِلأبو.

يُوحَنَّا 12:41

إِشَعْيَاء قال كِدا عَلَشان شاف مَجدو، و إتكَلَّم عَنّو.

يُوحَنَّا 12:37

و مَعَ إنّو يَسُوع عَمَل عَلامات كَتيرَه زي دي قِدّامُم، هُم لِسَّع ما آمَنو بيهو.

يُوحَنَّا 2:23

و لَمّا كان في أُورُشَلِيم في عيد الفِصَح، ناس كُتار آمَنو بيهو لَمّا شافو العَلامات العَمَلا.

يُوحَنَّا 1:50

و يَسُوع رَدَّ و قال ليهو: ”إنتَ آمَنتَ عَشان قُلتَ ليك أنا شُفتَك تِحِت شَجَرَة التّين؟ إنتَ بِتشوف حاجات أكبَر مِن دي.“

١ يُوحَنَّا 5:13

كَتَبتَ دا ليكُم، إنتو المؤمِنين بِإسم إبن الله، عَلَشان تَعرِفو عِندَكُم حَياة أبَديَّه.

يُوحَنَّا 4:46

عَشان كِدا، يَسُوع جا مَرَّه تانيَه لِقانا الجَّليل، المَكان الغَيَّر فيهو المويَه لِلخَمر. و كان في موَظَّف المَلِك، في كَفْرَنَاحُوم. و وَلَدو كان عَيّان.

يُوحَنَّا 5:23

عَشان كُل النّاس يَحتَرِمو الإبن، زي ما هُم يَحتَرِمو الأبو. الما يَحتَرِم الإبن، ما يَحتَرِم الأبو الرَّسَّلو.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

٢ كُورِنْثُوس 3:18

و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

يُوحَنَّا 11:15

و أنا فَرحان فِشانكُم إنّي ما كُنتَ هِناك، عَلَشان إنتو تَآمِنو. لَكِن خَلّينا نَمشي ليهو.“

يُوحَنَّا 1:17

عَشان الله أدّا القانون بِمُوسَى، لَكِن النِّعمَه و الحَق جو بِيَسُوع المَسيح.

يُوحَنَّا 1:43

و في اليوم التّاني، يَسُوع قَرَّر يَمشي لِلجَّليل. بَعدين لِقى فِيلُبُّس، و قال ليهو: ”أتبَعني.“

يُوحَنَّا 2:1

و في اليوم التّالِت، كان في عِرس في قانا الجَّليل. و أُم يَسُوع كانَت هِناك.

يُوحَنَّا 4:3

هو خَلّى اليَهُودِيَّه، و مَشى كَمان لِلجَّليل.

يُوحَنَّا 4:54

و دي كَمان العَلامَه التّانيَه العَمَلا يَسُوع، لَمّا جا مِن اليَهُودِيَّه لِلجَّليل.

يُوحَنَّا 7:31

عَلى كِدا، كَتير مِن النّاس آمَنو بيهو، و قالو: ”لَمّا المَسيح يَجي، هو ماشي يَعمِل أعمال أكتَر مِن الأعمال الرّاجِل دا عَمَلا؟“

يُوحَنَّا 9:16

و بَعض الفَرِّيسِيِّين قالو: ”الرّاجِل دا مُش مِن الله، عَشان هو ما بِحفَظ السَّبِت.“ تانيين قالو: ”كيف راجِل خاطي يَقدَر يَعمِل زي العَلامات دي؟“ و بِقو مِنقَسِمين.

يُوحَنَّا 10:41

و ناس كُتار جو ليهو و قالو: ”يُوحَنَّا ما عَمَل و لا عَلامَه واحدَه. و لَكِن كُل الكَلام القالو يُوحَنَّا عَن الرّاجِل دا كان الحَق.“

يُوحَنَّا 11:47

عَشان كِدا، القُسُس الكُبار و الفَرّيسيّين جَمَعو المَجِلس و قالو: ”بِنَعمِل شِنو؟ عَلَشان الرّاجِل دا قاعِد يَعمِل عَلامات كَتيرَه.

يُوحَنَّا 12:18

عَلَشان كِدا، ناس كُتار قابَلوهو عَشان سِمِعو هو عَمَل العَلامَه دي.

يُوحَنَّا 16:27

عَشان الأبو نَفسو بِحِبّكُم، عَشانكُم حَبّيتوني، و آمَنتو أنا جيت مِن الله.

يُوحَنَّا 16:30

هَسَّع دي بِنَعرِف إنتَ بِتَعرِف كُلّو شي. و ما تَحتاج لِزول يَسألَك. عَشان كِدا بِنآمِن إنتَ جيت مِن الله.“