يُوحَنَّا 17:8 - كِتاب العَهد الجَّديد مِن الكِتاب المُقَدَّس

⁸ عَشان الكَلام الأنتَ أدّيتو لَي، أنا أدّيتو ليهُم. و هُم قِبِلو و عِرِفو تَمام أنا جيت مِنَّك، و آمَنو إنتَ رَسَّلتَني.

يُوحَنَّا 17:8 Referans Kwoze

يُوحَنَّا 17:14

أنا أدّيتُم كَلامَك. و ناس الدُّنيا كِرهوهُم، عَشان هُم ما مِن الدُّنيا، زي ما أنا ما مِن الدُّنيا.

يُوحَنَّا 15:15

بَعَد دا ما بَسَمّيكُم خَدّامين، عَشان الخَدّام ما بِيَعرِف البيَعمِل سَيِدو. لَكِن أنا سَمّيتكُم مَحبوبين، عَشان أنا كَلَّمتَكُم بِكُل السِّمِعتو مِن أبوي.

يُوحَنَّا 16:30

هَسَّع دي بِنَعرِف إنتَ بِتَعرِف كُلّو شي. و ما تَحتاج لِزول يَسألَك. عَشان كِدا بِنآمِن إنتَ جيت مِن الله.“

يُوحَنَّا 16:27

عَشان الأبو نَفسو بِحِبّكُم، عَشانكُم حَبّيتوني، و آمَنتو أنا جيت مِن الله.

١ تَسَالُونِيكِي 2:13

و نِحنا كَمان نَشكُر الله دايماً لِلسَّبَب دا. لَمّا أخَدتو كِلمَة الله السِّمِعتو مِنَّنا، قِبِلتوها مُش زي كِلمَة النّاس، لَكِن زي ما هي بِالحَقيقَه، كِلمَة الله. و الكِلمَه دي تَشتَغِل فيكُم، إنتو المؤمِنين كَمان.

١ يُوحَنَّا 4:14

و نِحنا شُفنا و نَشهَد أن الأبو رَسَّل الإبن عَشان يَكون مُخَلِّص الدُّنيا.

يُوحَنَّا 17:21

أنا بَصَلّي عَشان كُلُّهُم بِكونو واحِد، زي ما إنتَ فِيني يا أبوي، و أنا فيك. و بَصَلّي كَمان عَشان هُم بِكونو فينا، فِشان ناس الدُّنيا بِآمِنو إنتَ رَسَّلتَني.

يُوحَنَّا 8:42

يَسُوع قال ليهُم: ”إذا كان الله أبوكُم، كُنتو تَحِبّوني، عَشان أنا مَرَقتَ و جيت مِن الله. أنا ما جيت مِن نَفسي، لَكِن هو رَسَّلني.

يُوحَنَّا 14:10

إنتَ ما بِتآمِن أنا في الأبو و الأبو فِيني؟ الكَلام الأنا بَقولو ليكُم، ما بَتكَلَّم بيهو مِن نَفسي. لَكِن الأبو القاعِد فِيني، هو بيَعمِل أعمالو.

يُوحَنَّا 12:49

عَشان أنا ما إتكَلَّمتَ مِن نَفسي، لَكِن الأبو الرَّسَّلني هو أدّاني أمر أقول شِنو و أتكَلَّم شِنو.

يُوحَنَّا 6:68

سِمْعَان بُطْرُس رَدَّ و قال ليهو: ”يا سَيِّد، نِحنا نَمشي لِمِنو؟ إنتَ عِندَك كَلام الحَياة الأبَديَّه.

١ تَسَالُونِيكِي 4:1

في الآخِر، يا أخوان، إتعَلَّمتو مِنَّنا كيف إنتو لازِم تَعيشو و تَبسِطو الله. و زي ما كُنتو تَعيشو كِدا، هَسَّع نَطلُب ليكُم و نَشَدّشدكُم في الرَّب يَسُوع تَعمِلو زِيادَه و زِيادَه.

١ كُورِنْثُوس 15:1

و أخَبِّركُم، يا أخوان، بِالإنجيل البَشَّرتَكُم بيهو. و إنتو قِبِلتوهو و تَقومو فيهو.

يُوحَنَّا 17:23

أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني.

يُوحَنَّا 17:18

زي ما رَسَّلتَني لِلدُّنيا، أنا رَسَّلتَهُم لِلدُّنيا كَمان.

مَتَّى 13:11

و رَدَّ و قال ليهُم: ”الله أدّا ليكُم تَعرِفو سِر مَلَكوت السَّما. و لَكِن ما أدّا ليهُم.

١ كُورِنْثُوس 11:23

عَشان القِبِلتَ مِن الرَّب، كَمان سَلَّمتو ليكُم. يَعني، الرَّب يَسُوع، في اللّيلَه لَمَّن خانوهو، أخَد عيش.

يُوحَنَّا 3:33

و اليَقبَل شَهادَتو خَتَّ خِتمو إن الله أمين.

يُوحَنَّا 3:17

عَشان الله ما رَسَّل إبنو لِلدُّنيا عَشان يَدين الدُّنيا، لَكِن رَسَّلو عَشان يَخَلِّص الدُّنيا بيهو.

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

رؤيا 1:1

رؤيا يَسُوع المَسيح الأدّاهو ليهو الله عَشان يَوَرّي لِخَدّامينو الحاجات اللازِم تَحصُل بَعَد شوَيَه. و هو رَسَّل و بِيَّنو بِمَلاكو لِخَدّامو يُوحَنَّا.