يُوحَنَّا 17:22 - كِتاب العَهد الجَّديد مِن الكِتاب المُقَدَّس

²² و أنا أدّيتُم المَجد الأنتَ أدّيتو لَي، عَشان يَكونو واحِد زي ما نِحنا واحِد.

يُوحَنَّا 17:22 Referans Kwoze

٢ كُورِنْثُوس 3:18

و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

يُوحَنَّا 14:20

في اليوم داك، إنتو ماشين تَعرِفو أنا في الأبو، و إنتو فِيني، و أنا فيكُم.

يُوحَنَّا 1:16

و نِحنا كُلُّنا أخَدنا مِن خيرو الكَتير، نِعمَه فوق نِعمَه.

أفَسُس 2:20

و هو بَناكُم عَلى أساس الرُّسُل و الأنبياء، و يَسُوع المَسيح نَفسو، الحَجَر، الهو راس الرُّكن.

١ يُوحَنَّا 3:24

و كُل البِحفَظو أوامِرو يَسكُنو فيهو و هو فيهُم. و بِدا بِنَعرِف هو يَسكُن فينا، بِالرّوح الأدّاهو لينا.

٢ كُورِنْثُوس 6:1

و نِحنا نَشتَغِل مَعاهو، و نَطلُب مِنَّكُم أن ما تَقبَلو نِعمَة الله بِدون فايدَه.

٢ كُورِنْثُوس 5:20

عَلَشان كِدا نِحنا سُفَراء المَسيح زي ما الله يَطلُب بينا، نِحنا نَطلُب مِنَّكُم فِشان المَسيح، أعمِلو سَلام مَعَ الله.

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

مَرْقُس 6:7

و نادى الإتناشَر و بِقى يَرَسِّلُم إتنين إتنين. و أدّاهُم سُلطَه عَلى الأرواح النَّجسَه.

١ يُوحَنَّا 1:3

و نَخَبِّركُم بِالشُّفناهو و سِمِعناهو، عَلَشان تَكون ليكُم كَمان شَرِكَه مَعانا. و شَرِكَتنا هي مَعَ الأبو و مَعَ إبنو يَسُوع المَسيح.

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

لُوقَا 22:30

عَشان تَاكُلو و تَشرَبو في طَرَبيزَتي في مَلَكوتي، و تَقعُدو عَلى كَراسي و تَحكُمو عَلى قَبايل إِسْرَائِيل الإتناشَر.

رؤيا 21:14

و حيطَة المَدينَه عِندَها إتناشَر أساس، و عَليهُم أسامي رُسُل الحَمَل الإتناشَر.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

فيلِبّي 1:29

عَشان كِدا، الله، فِشان المَسيح، أدّا ليكُم مُش أن تَآمِنو فيهو بَس، لَكِن أن تِتوَجَّعو عَشان خاطِرو كَمان،

رُومِيَه 8:30

و ديل الإختارُم مِن قُبّال، هو ناداهُم كَمان، و ديل الناداهُم، هو بَرَّرُم كَمان، و البَرَّرُم ديل، هو مَجَّدُم كَمان.

١ يُوحَنَّا 4:17

بِدا، المَحَبَّه تَبقى كاملَه فينا، عَشان بِكون عِندَنا تأكيد في يوم الحُكم. عَلَشان زي ما هو، نِحنا كَمان كِدا في الدُّنيا دي.