يُوحَنَّا 17:19 - كِتاب العَهد الجَّديد مِن الكِتاب المُقَدَّس

¹⁹ و أنا بَقَدِّس نَفسي عَشانُم، فِشان هُم يَكونو مُقَدَّسين في الحَق كَمان.

يُوحَنَّا 17:19 Referans Kwoze

عِبرانيين 2:11

عَشان هو البِقَدِّس و هُم البِكونو مُقَدَّسين، كُلَّهُم مِن واحِد. و بِالسَّبَب دا، هو ما بِخجَل يَسَمّوهُم أخوان.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

يُوحَنَّا 17:17

قَدِّسُم في حَقَّك. كَلامَك هو الحَق.

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

١ تَسَالُونِيكِي 4:7

عَشان الله ما نادانا لِلنَّجاسَه، لَكِن في القَداسَه.

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

٢ كُورِنْثُوس 4:15

و دا كُلّو عَشان فايدَتكُم، حَتّى النِّعمَه بِتزيد أكتَر و أكتَر لِكَتيرين، و الشُّكر بِزيد لِمَجد الله.

عِبرانيين 9:26

عَشان إذا كِدا، المَسيح كان لازِم يَتعَب مَرّات كَتيرَه مِن خَليقَة الدُّنيا. لَكِن هَسَّع هو ظَهَر مَرَّه واحدَه في نِهايَة الزَّمَن عَشان يَوَقِّف الخَطيَّه بِضَبيحَة نَفسو.

عِبرانيين 10:29

و شِنو بِكون لِلزّول الدّاس إبن الله تِحِت رِجلينو، و إفتَكَر الإتِّفاق القَدَّسو حاجَه وَسخانَه، و شَتَم روح النِّعمَه؟ فَكِّرو كيف هو يِستَحِق جِزا أشَدّا!

عِبرانيين 9:13

و يَرُشّو دَم غَنَم و تيران و رَماد عِجلَه عَلى البِقو وَسخانين عَلَشان يَقَدِّسُم لِنَضافَة الجِّسِم.

عِبرانيين 9:18

عَلَشان كِدا، الإتِّفاق الأوَّل ما بِقى ثابِت بِدون دَم.

يُوحَنَّا 10:36

عَلَشان دا، إنتو تَقولو عَلى القَدَّسو الأبو، و رَسَّلو لِلدُّنيا: إنتَ تَجَدِّف؟ عَشان أنا قُلتَ أنا إبن الله؟

يُوحَنَّا 15:3

إنتو هَسَّع نُضاف بِسَبَب الكَلام الكَلَّمتَكُم بيهو.

يُوحَنَّا 15:13

ما في إنسان عِندو مَحَبَّه أعظَم مِن كِدا، أن واحِد بِدّي نَفسو فِشان المَحبوبين.

يُوحَنَّا 17:20

أنا ما بَصَلّي عَشان ديل بَس، لَكِن كَمان عَشان البِآمِنو بي بِكَلامُم.

٢ كُورِنْثُوس 7:14

أنا حَمَدتَكُم شوَيَه قِدّامو، و ما بِقيت خَجلان. لَكِن زي ما كَلَّمناكُم بِكُلّو حاجَه بِالحَق، كِدا كَمان حَمدَنا فيكُم لِتِيطُس كان الحَق.

كُولُوسِّي 1:6

الجّا ليكُم زي في كُل الدُّنيا كَمان. و الإنجيل دا بِجيب ثِمار و بِكبَر، زي ما كان بيَعمِل بينكُم مِن اليوم لَمّا إنتو سِمِعتو و عِرِفتو نِعمَة الله بِالحَق.

١ يُوحَنَّا 3:3

و كُلّو واحِد العِندو الرَّجاء دا فيهو، يَنَضِّف نَفسو زي ما هو نَضيف.

١ يُوحَنَّا 3:18

يا أولادي، خَلّونا نَحِب، ما بِالكَلام، و لا بِاللِّسان، لَكِن بِالعَمَل و الحَق.