يُوحَنَّا 16:22 - كِتاب العَهد الجَّديد مِن الكِتاب المُقَدَّس

²² و عَشان كِدا، إنتو عِندَكُم حُزن هَسَّع. لَكِن أنا بَشوفكُم مَرَّه تانيَه، و قُلوبكُم بِكونو مَبسوطين. و ما في زول يَشيل الفَرَح بِتاعكُم مِنَّكُم.

يُوحَنَّا 16:22 Referans Kwoze

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

أعمال الرُّسُل 13:52

و التَّلاميذ كانو مَليانين بِالفَرَح و الرّوح القُدُس.

يُوحَنَّا 16:6

لَكِن عَشان أنا قُلتَ ليكُم دا، قُلوبكُم إتمَلَت بِالحُزن.

٢ تَسَالُونِيكِي 2:16

و رَبَّنا يَسُوع المَسيح نَفسو، و الله أبونا، الحَبّانا و أدّانا بِنِعمَتو شَجاعَه أبَديَّه و رَجاء كوَيس،

أعمال الرُّسُل 16:25

و في نُص اللّيل تَقريباً، بُولُس و سِيلَا كانو يَصَلّو و يَرَتِّلو لِلَّه، و المَحبوسين يَسمَعوهُم.

أعمال الرُّسُل 2:46

و كُلّو يوم كانو بِستَمِرّو يِتلَمّو في الهيكَل و بِكَسِّرو العيش في البُيوت، و بياكلو مَعَ بَعض بِفَرَح و قُلوب مُخلِصين.

عِبرانيين 10:34

و إنتو تِعِبتو سَوا مَعَ المَحبوسين، و لَمّا مَسَكو بُضاعَتكُم بِقُوَّه، إنتو قِبِلتو دا بِفَرَح، عَلَشان إنتو نُفوسكُم عِرِفتو عِندَكُم مال أحسَن البِستَمِر.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

يُوحَنَّا 21:7

و التِّلميذ داك اليَسُوع كان بِحِبّو، قال لِبُطْرُس: ”دا هو الرَّب.“ و لَمّا سِمْعَان بُطْرُس سِمِع دا هو الرَّب، لِبِس هِدومو، عَشانو كان عَريان. و رَمى نَفسو في البَحَر.

يُوحَنَّا 14:27

أنا بَخَلّي سَلام مَعاكُم. بَدّيكُم سَلامي. أنا ما بَدّيكُم زي ما الدُّنيا بِتَدّي. ما تَضطَرِبو في قُلوبكُم، و ما تَخافو.

يُوحَنَّا 14:1

ما تَضطَرِبو في قُلوبكُم. إنتو بِتآمِنو بِالله، آمِنو بي.

يُوحَنَّا 4:14

لَكِن البِشرَب مِن المويَه الأنا أدِيها ليهو، ما بِيَعطَش تاني أبَداً. عَشان المويَه الأنا بَدّيها ليهو، بَتَبقى فيهو عين مويَه يَطلَع لِلحَياة الأبَديَّه.“

لُوقَا 24:41

و لَمّا لِسَّع ما كانو مِصَدِّقين مِن الفَرَح و مِتعَجِّبين، هو قال ليهُم: ”عِندَكُم أكِل هِنا؟“

لُوقَا 16:25

لَكِن إِبْرَاهِيم قال: يا وَلَدي، إتزَكَّر إنتَ في حَياتَك أخَدتَ حاجات كوَيسَه، و كِدا كَمان لَعَازَر حاجات بَطّالَه. و لَكِن هَسَّع هو هِنا مُرتاح، و إنتَ مِعَذَب.

لُوقَا 10:42

لَكِن الضَّروري، حاجَه واحدَه. و مَرْيَم إختارَت الجُّزو السَّمِح الما يَاخُدوهو مِنَّها.“

مَتَّى 28:8

عَلى كِدا هُم مَشو بِسُرعَه مِن القَبر بِخوف، و كانو فَرحانات جِدّاً. و جَرو عَشان يَخَبِّرو تَلاميذو.

يُوحَنَّا 16:20

الحَق الحَق أقول ليكُم، إنتو بِتَبكو و بِتكورِكو، و الدُّنيا تَفرَح. إنتو بِتَحزَنو، لَكِن حُزنَكُم بِتغَيَّر لِفَرَح.

لُوقَا 19:26

بَقول ليكُم: كُلّو واحِد العِندو، يَدُّوهو أكتَر، و الما عِندو، ياخدو مِنّو حَتّى العِندو.

يُوحَنَّا 16:16

بَعَد شوَيَه إنتو ما بِتشوفوني. و كَمان بَعَد شوَيَه إنتو بِتشوفوني.“

يُوحَنَّا 14:19

بَعَد شوَيَه الدُّنيا ما ماشيَه تَشوفني تاني مَرَّه، لَكِن إنتو بِتشوفوني. عَلَشان أنا حَي، إنتو كَمان بِتَحيو.

٢ كُورِنْثُوس 6:10

نِحنا زي حَزنانين، لَكِن دايماً مَبسوطين، زي المَساكين، لَكِن نَعمِل ناس كُتار غَنيين، نِحنا زي الما عِندَهُم شي، لَكِن كُلّو شي حَقَّنا.