يُوحَنَّا 15:24 - كِتاب العَهد الجَّديد مِن الكِتاب المُقَدَّس

²⁴ أنا عَمَلتَ بِينُم أعمال زول تاني ما عَمَلا. عَلَشان كِدا عِندَهُم خَطيَّه. لَكِن هَسَّع هُم شافو و كِرهوني أنا و أبوي.

يُوحَنَّا 15:24 Referans Kwoze

يُوحَنَّا 14:9

يَسُوع قال ليهو: ”أنا مَعاكُم مُدَّه طَويلَه زي دي، و لِغايَة هَسَّع ما تَعرِفني، يا فِيلُبُّس؟ الشّافني شاف أبوي. كيف إنتَ تَقول: وَرّينا الأبو؟

يُوحَنَّا 5:36

لَكِن أنا عِندي شَهادَه أكبَر مِن شَهادَة يُوحَنَّا. عَشان الأعمال الأبو أدّاها لَي عَشان أتِمّا، الأعمال دي زاتا الأنا بَعمِل، هي تَوَرّي إنّو الأبو رَسَّلني.

يُوحَنَّا 10:37

إذا أنا ما بَعمِل أعمال أبوي، ما تَآمِنو بي.

يُوحَنَّا 10:32

يَسُوع رَدَّ عَليهُم و قال: ”أنا وَرّيتكُم أعمال طَيبَه كَتيرَه مِن الأبو. عَشان ياتو مِن الأعمال ديل تَضرُبوني بِالحُجار؟“

يُوحَنَّا 9:32

مِن ما الله خَلَق الأرض، ما سِمِعنا واحِد فَتَح عُيون زول مَولود عَميان.

يُوحَنَّا 7:31

عَلى كِدا، كَتير مِن النّاس آمَنو بيهو، و قالو: ”لَمّا المَسيح يَجي، هو ماشي يَعمِل أعمال أكتَر مِن الأعمال الرّاجِل دا عَمَلا؟“

يُوحَنَّا 3:2

هو جا لِيَسُوع في اللّيل، و قال ليهو: ”نِحنا عارفين إنَّك جيت مُعَلِّم مِن الله. عَشان ما في واحِد يَقدَر يَعمِل العَلامات الأنتَ بِتَعمِلا، إذا الله ما مَعاهو.“

مَتَّى 9:33

و بَعَد ما طَلَّع الشّيطان، الأبكَم إتكَلَّم. و النّاس إستَغرَبو و قالو: ”حاجَه زي دي ما شافوها أبَداً في إِسْرَائِيل.“

يَعْقُوب 4:4

يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

٢ تِيمُوثَاوُس 3:4

و هُم خايِنين، جَرّايين، مُحِبّين نُفوسُم، بِحِبّو السُّرور لَكِن ما بِحِبّو الله.

رُومِيَه 1:30

و يَشتِمو، و يَكرَهو الله، و يَرفَعو مَناخيرُم، و يَشكُرو نُفوسُم. و هُم نَفّاخين، مِفَكِّرين في طُرُق جَديدَه عَشان يَعمِلو الشَّر، ما يَطيعو والِدينُم،

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

أعمال الرُّسُل 2:22

يا رُجال إِسْرَائِيل، أسمَعو الكِلمات دي: يَسُوع النّاصِري، هو راجِل، مَقبول عِند الله. و بيهو الله عَمَل قُوّات و عَجايِب و عَلامات بينكُم زي ما إنتو بِتَعرِفو.

يُوحَنَّا 12:45

و البِشوفني بِشوف الرَّسَّلني.

يُوحَنَّا 6:36

و لَكِن أنا قُلتَ ليكُم إنَّكُم شُفتوني، و لِسَّع ما بِتآمِنو.

لُوقَا 24:19

و قال ليهُم: ”الحاجات شِنو؟“ و هُم قالو ليهو: ”البِخُص يَسُوع النّاصِري الكان نَبي عِندو قُدرَه في العَمَل و الكَلام قِدّام الله و كُل النّاس.

مَرْقُس 2:12

و هو قام و طَوّالي شال بِرِشو و مَرَق قِدّام كُلُّهُم. و كُل النّاس إستَغرَبو جِدّاً، و مَجَّدو الله، و قالو: ”ما شُفنا حاجَه زي دي أبَداً!“

مَتَّى 21:32

عَلَشان يُوحَنَّا جا ليكُم ماشي في سِكَّة البِر، و إنتو ما صَدَّقتو بيهو. لَكِن النّاس البِلِمّو الضَّريبَه و النِّسوان البَطّالات صَدَّقو بيهو. و إنتو، لَمّا شُفتو الحاجات ديل، ما تُبتو و ما صَدَّقتو بيهو.

مَتَّى 11:5

العَميانين بِشوفو، و النّاس العُرُج بِمشو، و النّاس العِندَهُم عَيى الجِّزام بِقو نُضاف، و ناس طُرُش بِسمَعو، و المَيِّتين بِقومو، و المَساكين بِسمَعو الخَبَر الكَويس.

يُوحَنَّا 12:10

عَشان كِدا، القُسُس الكُبار إتشاوَرو كيف يَكتُلو لَعَازَر كَمان.

يُوحَنَّا 9:41

يَسُوع قال ليهُم: ”إذا كُنتو عَميانين، ما كانَت عِندَكُم خَطيَّه. لَكِن هَسَّع بِتقولو: نِحنا بِنشوف. خَطِيَّتكُم قاعدَه.

يُوحَنَّا 15:21

لَكِن هُم بيَعمِلو كُلّو دا ليكُم فِشان إسمي، عَشان هُم ما عارفين الرَّسَّلني.

يُوحَنَّا 15:22

إذا أنا ما جيت و كَلَّمتَهُم، ما كانَت عِندَهُم خَطيَّه. لَكِن هَسَّع ما عِندَهُم أي عُذر في خَطِيَّتُم.

يُوحَنَّا 15:23

البِكرَهني بِكرَه أبوي كَمان.

يُوحَنَّا 16:9

هو يَوَبِّخ الدُّنيا عَلى خَطيَّه عَشان ما بِآمِنو بي.