يُوحَنَّا 15:2 - كِتاب العَهد الجَّديد مِن الكِتاب المُقَدَّس

² كُلّو فَرَع فِيني الما بِجيب ثِمار، هو بِقطَعو، و الفَرَع البِجيب ثِمار، هو بِنَضِّفو عَشان بِجيب ثِمار أكتَر.

يُوحَنَّا 15:2 Referans Kwoze

مَتَّى 3:10

و هَسَّع دي خَتّو الفاس عَلى عِرق الشَّجَر. كُلّو شَجَرَه الما تَجيب ثِمار سَمِح، بِقطَعوها و بِرموها في النّار.

مَتَّى 15:13

و رَدَّ يَسُوع و قال: ”كُلّو نَبات، إذا أبوي الفي السَّما ما زَرَعَه، بِطَلِّعوها.

رؤيا 3:19

كُلُّهُم الأنا بَحِبُّم بَوَبِّخُم و بأدِّبُم. عَلَشان كِدا، كون حار و توب.

يُوحَنَّا 15:8

بِدا، أبوي يِتمَجَّد إذا تَجِيبو ثِمار كَتير، و كِدا بِتكونو تَلاميذي.

مَتَّى 13:12

عَشان العِندو، بِدّيهو زِيادَه، و بِكون عِندو كَتير. لَكِن الما عِندو، الحاجَه العِندو بياخُدوها مِنّو.

مَتَّى 3:12

مُضراياتو في إيدو، و هو بِنَضِّف أرضو، و بِلِم دُرَتو في المَخزَن، و لَكِن القِشر مِن الدُّرَه بِحرِقو بِالنّار الما بِتموت.“

مَتَّى 21:19

و لَمّا شاف شَجَرَة تين جَمب السِّكَّه، قَرَّب ليها، و لَكِن ما لِقى حاجَه فيها إلّا وَرَق بَس. و قال ليها: ”ما بِكون ثِمار مِنَّك تاني مَرَّه لِلأبَد.“ و طَوّالي الشَّجَرَه يِبسَت.

عِبرانيين 12:15

شوفو كوَيس عَشان واحِد ما يَقَع مِن نِعمَة الله، و عَشان عِرق مِن قَلِب مُر ما يَقوم و يَكون سَبَب التَّعب، و ناس كُتار يِتوَسَّخو.

يُوحَنَّا 15:16

إنتو ما إختِرتوني، لَكِن أنا إختِرتَكُم و عَيَّنتَكُم عَشان تَمشو و تَجِيبو ثِمار، و ثَمَركُم بِستَمِر. عَشان الأبو بِدّيكُم كُل البِتَطلُبوهو بِإسمي.

لُوقَا 8:13

و ديلاك العَلى الحَجَر، هُم البَعَد ما سِمِعو، يَقبَلو الكِلمَه بِفَرَح. و ديل ما عِندَهُم عُروق، اليأَمِنو لِمُدَّه، و وَكِت التَجرِبَه، يَرجَعو.

١ يُوحَنَّا 2:19

هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

١ كُورِنْثُوس 13:1

إذا كان بَتكَلَّم بِلُغات النّاس و المَلائكَه، و لَكِن ما عِندي مَحَبَّه، بِقيت زي جَرَس لَمّا واحِد يَدُقّو، ولّا نَحاس لَمّا الزّول يَضرُبو.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

يُوحَنَّا 17:12

لَمّا كُنتَ مَعاهُم في الدُّنيا، كُنتَ أحفَظُم في إسمَك. الأدّيتُم لَي حَفَظتُم. و ما إتوَدَّر مِنَّهُم و لا واحِد، إلّا إبن الخَراب، عَشان يَتِم الكِتاب.

مَتَّى 13:33

و كَلَّمُم بِمَثَل تاني كَمان و قال: ”مَلَكوت السَّما زي خَميرَه أخَدَتا مَرَه و دَسَّتا في تلاتَه كيلات دَقيق لِغايَة ما إتخَمَّر كُلّو.“

مَتَّى 7:19

كُلّو شَجَرَه ما تَجيب ثِمار كوَيس يَقطَعوها و يَرموها في النّار.

مَتَّى 25:29

عَشان لِكُلّو واحِد العِندو يَدُّوهو، و بِكون ليهو كَتير. و لَكِن الما عِندو بياخُدو مِنّو العِندو.

مَرْقُس 4:20

و لَكِن ديل المَزروعين عَلى الأرض الكوَيسَه، هُم اليَسمَعو الكِلمَه و يَقبَلوها و يَجيبو ثِمار، بِتَلاتين، و بِسِتّين، و بِمِيَّه.“

يُوحَنَّا 15:1

أنا هو شَجَرَة العِنَب الحَقيقي، و أبوي هو الجِّنايني بِتاع العِنَب.

يُوحَنَّا 15:3

إنتو هَسَّع نُضاف بِسَبَب الكَلام الكَلَّمتَكُم بيهو.

يُوحَنَّا 15:6

إذا واحِد ما يَسكُن فِيني، يَرموهو بَرَّه زي الفَرَع اليَنشَف. و يَلِمّو الفُروع و يَرموهو في النّار و يَحرِقوها.

رُومِيَه 11:17

و هُم قَطَعو بَعَض الفُروع مِن شَجَرَة الزّيتون، و جَمَعو ليها فَرَع مِن شَجَرَة زيتون الخَلا. إنتو الأُمَم زي شَجَرَة زيتون الخَلا، و هَسَّع عِندَكُم قِسِم في عِرق شَجَرَة الزّيتون، يَعني اليَهود، و قُوَّة حَياتا.

رُومِيَه 11:22

عَلَشان كِدا، شوف لُطف الله و شِدَّتو. الشِّدَّه عَلى الوَقَعو، لَكِن ليك لُطف الله إذا تِستَمِر في لُطفو، و إلّا بِقطَعوك كَمان.