يُوحَنَّا 15:16 - كِتاب العَهد الجَّديد مِن الكِتاب المُقَدَّس

¹⁶ إنتو ما إختِرتوني، لَكِن أنا إختِرتَكُم و عَيَّنتَكُم عَشان تَمشو و تَجِيبو ثِمار، و ثَمَركُم بِستَمِر. عَشان الأبو بِدّيكُم كُل البِتَطلُبوهو بِإسمي.

يُوحَنَّا 15:16 Referans Kwoze

يُوحَنَّا 15:19

إذا كُنتو مِن الدُّنيا، ناس الدُّنيا كانو بِحِبّوكُم. و إنتو مُش مِن الدُّنيا، لَكِن أنا إختِرتَكُم مِن الدُّنيا. عَلَشان كِدا، ناس الدُّنيا بِكرَهوكُم.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

لُوقَا 6:13

و لَمّا كان النَّهار، نادى تَلاميذو و إختار مِنَّهُم إتناشَر السَّمّاهُم كَمان رُسُل.

غَلَاطِيَّه 1:15

لَكِن الله، الإختارني مِن بَطُن أُمّي، و ناداني بِنِعمَتو،

١ يُوحَنَّا 4:19

نِحنا بِنحِب، عَشان هو حَبّانا في الأوَّل.

أعمال الرُّسُل 22:14

و هو قال: ’إلَه أبَهاتنا إختارَك عَشان تَعرِف إرادتو و تَشوف البار و تَسمَعو يتكَلَّم بِصوتو.

٢ تِيمُوثَاوُس 2:2

و الحاجات السِّمِعتَ مِنّي قِدّام شاهِدين كُتار، سَلِّما لِرُجال أُمَنا البِقدَرو يَعَلِّمو التّانيين كَمان.

يُوحَنَّا 13:18

أنا ما بَتكَلَّم عَن كُلَّكُم. أنا عارِف النّاس الإختَرتُم. لَكِن دا عَشان يَتِم المَكتوب في الكِتاب: البياكُل مَعاي العيش، رَفَع عَلي كُراعو.

يُوحَنَّا 6:70

يَسُوع قال ليهُم: ”أنا ما إختِرتَكُم الإتناشَر؟ و واحِد مِنَّكُم شيطان.“

١ بُطْرُس 3:15

لَكِن قَدِّسو الرَّب المَسيح في قُلوبكُم. و كونو جاهِزين دايماً عَشان تَرُدّو عَلى كُلّو واحِد البِسألكُم عَن سَبَب الرَّجاء الفيكُم. و لَكِن أعمِلوهو بِوَداعَه و إحتِرام.

١ يُوحَنَّا 4:10

و دي هي المَحَبَّه: مُش نِحنا الحَبّينا الله، لَكِنّو هو الحَبّانا و رَسَّل إبنو عَشان يَكون ضَبيحَة دَفع عَن خَطايانا.

أعمال الرُّسُل 1:24

و صَلّو و قالو: ”يا رَب البِعرِف قُلوب النّاس كُلّو، وَرّينا ياتو مِن الإتنين ديل الأنتَ إختِرتو

١ بُطْرُس 3:2

لَمّا يَشوفو كيف مَشيكُم هو نَضيف و مُحتِرَم.

رُومِيَه 15:4

كُل الكان مَكتوب مِن قُبّال مَكتوب لِتَعليمنا، عَلَشان يَكون عِندَنا الرَّجاء بِالصَّبر و تَعزيات الكُتُب.

أعمال الرُّسُل 9:15

لَكِن الرَّب قال ليهو: ”أمشي، عَشان هو بُرمَه مُختارَه لِيَشيل إسمي قِدّام الأُمَم و المُلوك و بَني إِسْرَائِيل.

مَتَّى 21:22

و إذا بِتصَدِّقو، كُل الإنتو بِتَطلُبو ليهو في الصَّلاه، بِتَقبَلوهو.“

٢ تِيمُوثَاوُس 1:11

و لِلإنجيل دا، الله عَمَلني مُبَشِّر و رَسول و مُعَلِّم.

١ كُورِنْثُوس 10:11

و كُل الحاجات دي حَصَلَت ليهُم زي مَثَل، لَكِن كانَت مَكتوبَه عَشان يَحَذِّرونا. عَشان نِحنا بِنعيش في الوَكِت لَمّا آخِر الزَّمَن قَرَّب.

رُومِيَه 9:21

دَقّاق البُرام ما عِندو سُلطَه عَلى الطّين عَشان يَعمِل مِن حِتَّت طين حاجَه واحدَه لِلإحتِرام و تانيَه لِفايدَه يوميَّه؟

يَعْقُوب 3:18

البيَعمِلو السَّلام بِزرَعو تيراب السَّلام، و هُم بِلِمّو ثِمار البِر.

عِبرانيين 11:4

بِالإيمان هابيل قَدَّم لِلَّه ضَبيحَه أحسَن مِن قايين. بِالإيمان كان مَشهود ليهو إنَّهو راجِل بار، عَشان الله شِهِد لِتَقدِمَتو. و بيهو كَمان هو لِسَّع يتكَلَّم و لَو هو مات.

تِيطُس 1:5

أنا سيبتَك في كَريت لِلسَّبَب دا، عَلَشان تَرَتِّب الحاجات النّاقصَه، و تَختار شُيوخ في كُلّو مَدينَه زي ما أمَرتَك.

كُولُوسِّي 1:6

الجّا ليكُم زي في كُل الدُّنيا كَمان. و الإنجيل دا بِجيب ثِمار و بِكبَر، زي ما كان بيَعمِل بينكُم مِن اليوم لَمّا إنتو سِمِعتو و عِرِفتو نِعمَة الله بِالحَق.

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

أعمال الرُّسُل 10:41

و مُش كُل النّاس شافوهو، لَكِن الشاهِدين المُختارين مِن قُبّال، نِحنا الأكَلنا و شِرِبنا مَعاهو بَعَد قيامَتو مِن بين المَيِّتين.

١ تِيمُوثَاوُس 2:7

و لِلقَصِد دا كُنتَ مُختار أكون مُبَشِّر و رَسول. (أنا بَقول الحَق و ما بَكَضِّب.) و أنا مُعَلِّم لِلأُمَم في الإيمان و الحَق.

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

رُومِيَه 1:13

أنا ما عاوِزكُم تَكونو بِدون مَعرِفَه، يا أخوان، مَرّات كَتيرَه قَرَّرتَ أجي ليكُم فِشان ألقى ثِمار مِنَّكُم كَمان، زي في الأُمَم التّانيين. و لَكِن مَنَعوني لِغايَة هَسَّع.

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

مَتَّى 7:7

أسألو و هو بِدّيكُم. أطلُبو و بِتَلقو. دُقّو و هو بِفتَح الباب ليكُم.

يُوحَنَّا 15:5

أنا شَجَرَة العِنَب و إنتو الفُروع. البِسكُن فِيني، و أنا فيهو، هو البِجيب ثِمار كَتير. عَشان إنتو بِدوني ما تَقدَرو تَعمِلو حاجَه.