يُوحَنَّا 15:11 - كِتاب العَهد الجَّديد مِن الكِتاب المُقَدَّس

¹¹ أنا كَلَّمتَكُم بِدا، عَشان فَرَحي يَسكُن فيكُم، و فَرَحكُم يَتِم.

يُوحَنَّا 15:11 Referans Kwoze

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

يُوحَنَّا 17:13

لَكِن هَسَّع أنا جاي ليك. و أنا بَتكَلَّم بِالحاجات دي في الدُّنيا، عَشان يَكون عِندَهُم في نُفوسُم فَرَح كامِل مِنّي.

يُوحَنَّا 16:24

لِغايَة هَسَّع، إنتو ما طَلَبتو حاجَه بِإسمي. أطلُبو، تَقبَلو، عَلَشان فَرَحكُم يَكون كامِل.

١ يُوحَنَّا 1:4

و نَكتِب ليكُم دا عَشان فَرَحنا يَكون كامِل.

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

٢ يُوحَنَّا 1:12

عِندي حاجات كَتيرَه عَشان أكتِب ليكُم، لَكِن أنا ما داير أعمِلو بِوَرَق و حِبِر. بَدَل مِن دا أنتَظِر أن أجيكُم و أتكَلَّم وَش لِوَش، عَشان فَرَحنا بِكون كامِل.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

٢ كُورِنْثُوس 1:24

نِحنا ما عِندَنا سُلطَه عَلى إيمانكُم. لَكِن بِنَشتَغِل مَعاكُم عَشان تَكونو مَبسوطين، عَلَشان إنتو ثابِتين في إيمانكُم.

١ تَسَالُونِيكِي 5:16

أفرَحو كُلّو وَكِت.

لُوقَا 15:32

لَكِن واجِب عَلينا نَفرَح و نَكون مَبسوطين، عَشان أخوك دا كان مَيِّت و حِيى تاني، و كان ضايِع و إتلَقى.“

لُوقَا 15:9

و وَكِت تَلقاها، تَنادي أصحابا و جيرانا و تَقول: كونو مَبسوطين مَعاي، عَشان لِقيت الحِتَّه الوَدَّرتا.

فيلِبّي 1:25

و عَلَشان أنا مِتأكِّد في دا، أنا عارِف إنّي بَقعُد و أستَمِر مَعَ كُلُّكُم، عَشان تِتقَدَّمو و تَفرَحو في الإيمان.

أفَسُس 5:18

ما تَكونو سَكرانين بِالخَمر، البِقود لِلخَراب، لَكِن كونو مَليانين بِالرّوح.

يُوحَنَّا 3:29

و العِندو العَروسَه، هو العَريس. لَكِن صاحِب العَريس الواقِف و يَسمَع صوت العَريس، هو بِكون مَبسوط، عَشان بِسمَع صوت العَريس. عَشان كِدا، فَرَحي دا هَسَّع بِقى كامِل.

لُوقَا 15:5

و لَمّا يَلقاهو، يَخُتّو عَلى كَتفو، و هو مَبسوط.

لُوقَا 15:23

و جيبو العِجِل السَّمين و أضبَحوهو، و خَلّونا ناكُل و نَفرَح.