يُوحَنَّا 14:26 - كِتاب العَهد الجَّديد مِن الكِتاب المُقَدَّس

²⁶ و لَكِن المُساعِد، الهو الرّوح القُدُس، الأبو بِرَسِّلو بِإسمي، هو بِعَلِّمكُم كُلّو حاجَه، و يَزَكِّركُم بِكُل القُلتو ليكُم.

يُوحَنَّا 14:26 Referans Kwoze

يُوحَنَّا 15:26

و لَمّا المُساعِد يَجي، الأنا بَرَسِّلو ليكُم مِن الأبو، يَعني روح الحَق البِجي مِن الأبو، هو بِشهَد لَي.

يُوحَنَّا 14:16

و أنا أطلُب مِن الأبو عَشان يَدّيكُم مُساعِد تاني، عَشان يَكون مَعاكُم لِلأبَد، يَعني روح الحَق.

١ يُوحَنَّا 2:27

لَكِن المَسحَه القِبِلتوها مِنّو تَسكُن فيكُم، و ما في إحتِياج لِأي واحِد يَعَلِّمكُم. لَكِن المَسحَه دي تَعَلِّمكُم عَن كُلّو حاجَه، و هي حَق و ما كِضِب. و زي المَسحَه دي عَلَّمَتكُم، أسكُنو في الإبن.

يُوحَنَّا 16:7

لَكِن أقول ليكُم الحَق، أحسَن ليكُم أنا أمشي. عَشان إذا أنا ما مَشيت، المُساعِد ما بِجيكُم. لَكِن إذا مَشيت، بَرَسِّلو ليكُم.

١ يُوحَنَّا 2:20

و لَكِن إنتو عِندَكُم مَسحَه مِن القُدّوس، و بِتَعرِفو كُلّو شي.

١ كُورِنْثُوس 6:19

ما بِتَعرِفو جِسِمكُم هو هيكَل الرّوح القُدُس الفيكُم، القِبِلتوهو مِن الله؟ و إنتو مُش لِنُفوسكُم.

أعمال الرُّسُل 2:33

عَلَشان كِدا، هو كان مَرفوع بِيَمين الله، و أخَد مِن الأبو الرّوح القُدُس الوَعَد بيهو، و كَبَّ دا، الهَسَّع بِتشوفو و بِتسمَعوهو.

أفَسُس 1:17

عَشان إلَه رَبَّنا يَسُوع المَسيح، أبو المَجد، يَدّيكُم روح الحِكمَه و رؤيا عَشان تَعرِفو مَعرِفَه كاملَه.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

أعمال الرُّسُل 2:4

و كُلُّهُم كانو مَليانين مِن الرّوح القُدُس، و بَدو يِتكَلَّمو بِلُغات مُختَلِفَه زي ما أدّاهُم الرّوح القُوَّه عَشان يِتكَلَّمو.

يُوحَنَّا 2:22

و عَشان كِدا، لَمّا يَسُوع قام مِن بين المَيِّتين، تَلاميذو إتزَكَّرو إنّو قال ليهُم كِدا. و آمَنو بِالكِتاب و بِالكَلام القالو ليهُم يَسُوع.

أعمال الرُّسُل 13:2

و وَكِت ما هُم بِخدِمو الرَب و بِصومو، الرّوح القُدُس قال: ”جَهِّزو لَي بَرْنَابَا و شَاوُل لِلعَمَل الناديتُم ليهو.“

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.

١ يُوحَنَّا 5:7

و الرّوح، هو البِشهَد، عَشان الرّوح هو الحَق.

تِيطُس 3:5

هو خَلَّصنا، مُش بِأعمال البِر النِحنا عَمَلناها، لَكِن بِرَحمَتو. هو خَلَّصنا بِغَسيل الوِلادَه التّانيَه، و بِالرّوح القُدُس العَمَلنا ناس جُداد.

لُوقَا 24:49

و شوفو، بَرَسِّل ليكُم وَعد أبوي. إستَنّو في أُورُشَلِيم لِغايَة ما تَلبَسو قُوَّه مِن فوق.“

يَهُوذَا 1:20

لَكِن إنتو، يا مَحبوبين، أبنو نُفوسكُم في إيمانكُم القُدّوس، و صَلّو في الرّوح القُدُس.

عِبرانيين 9:8

و كِدا، الرّوح القُدُس كان بِوَرّي إنّو الطَّرِيق لِقُدُس الأقداس ما كان مَفتوح، ما دام الخيمَه الفي بَرَّه لِسَّع واقِفَه.

عِبرانيين 3:7

عَلَشان كِدا، زي الرّوح القُدُس بِقول: ”النَّهار دا، إذا تَسمَعو صوتو،

٢ كُورِنْثُوس 13:14

نِعمَة رَبَّنا يَسُوع المَسيح و مَحَبَّة الله و شَرِكَة الرّوح القُدُس يَكون مَعَ كُلُّكُم.

١ تَسَالُونِيكِي 4:8

عَلَشان كِدا، اليَرفُض دا ما يَرفُض النّاس لَكِن الله، الأدّانا روحو القُدّوس كَمان.

١ كُورِنْثُوس 12:3

عَشان كِدا أخَبِّركُم، واحِد ما بِقول: ”لَعنَه لِيَسُوع!“ و هو يتكَلَّم بِروح الله. و واحِد ما بِقدَر يَقول: ”يَسُوع الرَّب،“ إلّا بِالرّوح القُدُس.

٢ بُطْرُس 1:21

عَلَشان ما في نُبوَّه أبَداً جات مِن إرادَة زول، لَكِن رُجال إتكَلَّمو مِن الله، زي الرّوح القُدُس كان بِقودُم.

لُوقَا 11:13

و إذا إنتو البَطّالين تَعرِفو تَدّو أولادكُم هَدايا سَمحَه، كَم بِالأكتَر الأبو السَّمَاوي يَدّي الرّوح القُدُس لِليَسألوهو؟“

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

لُوقَا 1:41

و وَكِت أَلِيصَابَات سِمِعَت سَلام مَرْيَم، الجَّنى إتحَرَّك في بَطنا، و أَلِيصَابَات إتمَلَت بِالرّوح القُدُس.

مَتَّى 3:11

أنا بَعَمِّدكُم بِمويَه لِلتّوبَه. و لَكِن هو البِجي بَعَدي قَوّي مِنّي. و أنا ما كوَيس حَتّى أشيل جِزَمو. هو بِعَمِّدكُم بِالرّوح القُدُس و النّار.

عِبرانيين 2:4

و الله كَمان شِهِد بيهو مَعاهُم بِالعَلامات و العَجايِب و القُوّات المُختَلِفَه و هَدايات الرّوح القُدُس، الهو قَسَّمُم حَسَب إرَادَتو.

٢ تِيمُوثَاوُس 1:14

أحفَظ الحاجَه الطَّيبَه السَّلَّموها ليك بِالرّوح القُدُس السّاكِن فينا.

أفَسُس 4:30

ما تَعمِلو روح الله القُدّوس حَزنان، عَشان بيهو الله خَتَّ عَليكُم الخِتِم لِغايَة يوم الفِداء.

رُومِيَه 14:17

عَشان مَلَكوت الله ما أكل ولّا شُرُب، لَكِن هو بِر و سَلام و فَرَح في الرّوح القُدُس.

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

أعمال الرُّسُل 11:16

و إتزَكَّرتَ كَلام الرَّب لَمّا قال: يُوحَنَّا عَمَّد بِالمويَه، لَكِن إنتو بِتعَمَّدو بِالرّوح القُدُس.

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

يُوحَنَّا 20:22

و لَمّا قال كِدا، إتنَفَّس عَليهُم و قال: ”أقبَلو الرّوح القُدُس.

يُوحَنَّا 6:45

عَشان مَكتوب في الأنبياء: و الكُل بِكونو مِتعَلِّمين مِن الله. و كُل السِّمِع و إتعَلَّم مِن الأبو يَجي لَي.

مَرْقُس 13:11

و لَمّا بِسوقوكُم لِلقَضيَّه، و يَسَلِّموكُم، ما تَفَكِّرو كَتير قُبّال الوَكِت عَن الإنتو بِتقولوها. لَكِن إتكَلَّمو زي ما الله بِدّي ليكُم في السّاعَه ديك، عَشان ما إنتو المِتكَلِّمين، لَكِن الرّوح القُدُس.

مَتَّى 1:20

لَكِن وَكِت ما كان يَفَكِّر في دا، شوف! مَلاك الرَّب جا ليهو في حِلِم و قال: ”يا يُوسِف إبن دَاوُد، ما تَخاف تاخُد مَرَتَك مَرْيَم، عَلَشان الهي حِملَت بيهو، هو مِن الرّوح القُدُس.

عِبرانيين 10:15

و الرّوح القُدُس يَشهَد لينا بِدا كَمان، بَعَد ما هو قال:

يُوحَنَّا 12:16

و التَّلاميذ ما فِهِمو الحاجات دي في الأوَّل، لَكِن لَمّا يَسُوع إتمَجَّد، في الوَكِت دا هُم إتزَكَّرو الحاجات دي كانَت مَكتوبَه عَنّو، و كيف عَمَلو كِدا ليهو.

مَرْقُس 12:36

دَاوُد نَفسو قال بِالرّوح القُدُس: الرَّب قال لِرَبّي: أقعُد عَن يَميني لِغايَة ما بَخُت عُدوانَك تِحِت كِرعينَك.

رؤيا 2:11

العِندو أضان، خَليهو يَسمَع البِقولو الرّوح لِلكَنايس. و هو البِغلِب، الموت التّاني ما بِضُرّو.

أفَسُس 1:13

و إنتو كَمان إتَّكَلتو عَلى المَسيح لَمّا سِمِعتو كِلمَة الحَق، إنجيل خَلاصكُم. و لَمّا آمَنتو بيهو، الله خَتَّ عَليكُم خِتِم، الرّوح القُدُس، الوَعَد بيهو.

٢ كُورِنْثُوس 6:6

بِقَلب نَضيف، و مَعرِفَه، و صَبر طَويل، و رَحمَه، بِالرّوح القُدُس، بِمَحَبَّه مُخلِصَه.

أعمال الرُّسُل 20:35

و وَرّيتكُم في كُلّو حاجَه كيف لازِم نَتعَب لِنَساعِد الضَّعيفين، و نِزَكَّر كِلمات الرَّب يَسُوع القال: ’هو البِدّي بِكون مُبارَك أكتَر مِن البِقبَل.“

أعمال الرُّسُل 15:8

و الله البِعرِف القُلوب، شِهِد ليهُم لَمَّن أدّاهُم الرّوح القُدُس زي ما أدّانا كَمان.

أعمال الرُّسُل 7:51

يا ناس رؤسكُم قَوّيين و قُلوبكُم بَطّالين و إضنينكُم ما بِسمَعو كَلام الحَق! إنتو بِتقاوِمو الرّوح القُدُس دايماً. زي ما أبَهاتكُم كانو بيَعمِلو، إنتو كَمان بِتَعمِلو.

أعمال الرُّسُل 1:4

و وَكِت ما هو كان يَجتَمِعو مَعاهُم، أدّا ليهُم الأمر دا: ”ما تَمرُقو مِن أُورُشَلِيم، لَكِن تِستَنّو وَعَد الأبو السِّمِعتوها مِنّي.

أعمال الرُّسُل 1:2

لِغايَة اليوم الأخَدوهو لِلسَّما. و قُبّال ما أخَدوهو لِلسَّما، هو أمَر بِالرّوح القُدُس الرُّسُل الهو إختارُم.

يُوحَنَّا 7:39

و هو قال دا عَن الرّوح، لِديل الآمَنو بيهو و الماشين يَقبَلوهو. عَشان الرّوح لِسَّع ما جا، عَشان يَسُوع لِسَّع ما كان إتمَجَّد.

لُوقَا 3:22

و الرّوح القُدُس نَزَل عَليهو في شَكِل جِسم زي حَمامَه. و جا صوت مِن السَّما يَقول: ”إنتَ إبني الحَبيب، و أنا مَبسوط مِنَّك.“

لُوقَا 1:67

و زَكَرِيَّا أبوهو إتمَلا بِالرّوح القُدُس، و إتنَبّأ و قال:

لُوقَا 1:35

و المَلاك رَدَّ و قال ليها: ”الرّوح القُدُس بِجي عَليكي، و قُدرَة العالي تَضَلِّلِك. و عَشان كِدا القُدّوس المَولود مِنِّك بِسَمّوهو إبن الله.

لُوقَا 1:15

عَشان هو بِكون عَظيم قِدّام الرَّب، و ما بِشرَب خَمُر ولّا مَريسَه أبَداً، و بِكون مَليان بِالرّوح القُدُس و هو لِسَّع في بَطن أُمّو.

مَتَّى 28:19

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

أعمال الرُّسُل 28:25

و ما إتَّفَقو بَعضَهُم مَعَ بَعض، و إبتَدو يَمرُقو، بَعَد ما بُولُس قال كِلمَه واحدَه: ”الرّوح القُدُس كَلَّم أبَهاتكُم كوَيس بِإِشَعْيَاء النَّبي،

أعمال الرُّسُل 16:6

و بَعَد ما مَرّو بِفِرِيجِيَّه و مَحَلّات غَلَاطِيَّه، الرّوح القُدُس ما خَلّاهُم يِتكَلَّمو بِالكِلمَه في آسيا.

أعمال الرُّسُل 15:28

و كان كوَيس لِلرّوح القُدُس و لينا، أن ما نَخُت عَليكُم حِمِل فوق الحاجات الجّايَه دي:

أعمال الرُّسُل 13:4

و الأتنين ديل، مُرَسَّلين بِالرّوح القُدُس، نَزَلو لِسَلوكيَه. و مِن هِناك، سافَرو في البَحَر لِقُبرُص.

أعمال الرُّسُل 7:55

لَكِن اسْتِفَانُوس كان مَليان بِالرّوح القُدُس، و عايَن لِلسَّما، و شاف مَجد الله و يَسُوع واقِف عَن يَمين الله.

أعمال الرُّسُل 5:3

و بُطْرُس قال: ”يا حَنانيّا، لِشِنو الشّيطان مَلا قَلبَك حَتّى تَكَضِّب عَلى الرّوح القُدُس، و تاخُد جُزو مِن تَمَن الزِّراعَه لِنَفسَك؟

لُوقَا 2:25

و كان في أُورُشَلِيم راجِل إسمو سِمْعَان. و الرّاجِل دا كان بار و بِخاف الله، مُنتَظِر راحَة إِسْرَائِيل. و الرّوح القُدُس كان عَليهو.

مَتَّى 1:18

و ميلاد يَسُوع المَسيح كان زي دا: لَمّا يُوسِف كان عَمَل التَّرتيب عَشان يِتزَوَّج مَرْيَم، قُبّال ما إتلَمّو، هي بِقَت حامِل مِن الرّوح القُدُس.

يُوحَنَّا 1:33

و أنا ما كُنتَ عارِفو، لَكِن الرَّسَّلني عَشان أعَمِّد بِالمويَه، هو قال لَي: البِتشوف الرّوح نازِل و يِستَنّى عَليهو، دا هو البِعَمِّد بِالرّوح القُدُس.

يُوحَنَّا 14:25

أنا كَلَّمتَكُم بِالحاجات دي و أنا مَعاكُم.