يُوحَنَّا 13:1 - كِتاب العَهد الجَّديد مِن الكِتاب المُقَدَّس

¹ قُبّال عيد الفِصَح، لَمّا يَسُوع عِرِف ساعتو جات عَشان يَسيب الدُّنيا دي، و يَمشي لِلأبو، هو حَبَّ النّاس بِتاعو الكانو في الدُّنيا، و حَبّاهُم لِلآخِر.

يُوحَنَّا 13:1 Referans Kwoze

يُوحَنَّا 12:23

لَكِن يَسُوع قال ليهُم: ”السّاعَه جات عَشان إبن الإنسان يِتمَجَّد.

١ يُوحَنَّا 4:19

نِحنا بِنحِب، عَشان هو حَبّانا في الأوَّل.

يُوحَنَّا 13:34

أنا بَدّيكُم أمر جَديد، عَشان تَحِبّو بَعضَكُم بَعض. زي ما أنا حَبّيتكُم، إنتو كَمان تَحِبّو بَعضَكُم بَعض.

يُوحَنَّا 16:28

أنا جيت مِن عِند الأبو، و دَخَلتَ الدُّنيا. و أنا كَمان بَسيب الدُّنيا و بَمشي لِلأبو.“

يُوحَنَّا 13:3

يَسُوع عِرِف إن الأبو أدّا ليهو كُلّو شي في إيدينو، و إنّو جا مِن عِند الله، و يَرجَع لِلَّه.

يُوحَنَّا 18:4

بَعدين يَسُوع، و هو عارِف كُل الحاجات البِجو عَليهو، مَرَق ليهُم. و قال: ”إنتو دايرين مِنو؟“

١ كُورِنْثُوس 1:8

هو بِشَدِّدكُم لِلآخِر بِدون لوم في يوم رَبَّنا يَسُوع المَسيح.

يُوحَنَّا 17:16

هُم مُش مِن الدُّنيا، زي ما أنا مُش مِن الدُّنيا.

يُوحَنَّا 17:1

و لَمّا يَسُوع إتكَلَّم الكَلام دا، رَفَع عُيونو لِلسَّما و قال: ”يا أبوي، السّاعَه جات. مَجِّد إبنَك عَشان إبنَك يَمَجِّدَك كَمان.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

يُوحَنَّا 17:5

و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.

مَتَّى 26:45

بَعدين جا لِلتَّلاميذ و قال ليهُم: ”إنتو لِسَّع نايمين و تِستَريحو؟ شوفو، السّاعَه قَريبَه الفيها يَسَلِّمو إبن الإنسان لِإيدين الخاطيين.

١ بُطْرُس 1:13

عَلَشان كِدا، جَهِّز عُقولكُم لِلعَمَل، أمسِكو نُفوسكُم، و خُتّو رَجاكُم بِالتَّمام في النِّعمَه البِجيبوها ليكُم عِند ظُهور يَسُوع المَسيح.

عِبرانيين 6:11

و نِحنا عاوِزين كُلّو واحِد مِنَّكُم يَوَرّي نَفس النَّشاط لِلنِّهايَه عَشان يَعرِف كَمال الرَّجاء.

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

رُومِيَه 8:37

لا، في كُل الحاجات دي نَغلِب غَلب كَبير بيهو الحَبّانا.

يُوحَنَّا 17:26

و أنا وَرّيت ليهُم إسمَك، و أنا بَوَرّيهُم. و أنا بَسَوّي دا عَشان المَحَبَّه الأنتَ حَبّيتني بيهو بِكون فيهُم، و أنا أكون فيهُم.“

يُوحَنَّا 14:28

إنتو سِمِعتو إنّي قُلتَ ليكُم: أنا ماشي و بَجي ليكُم تاني. و إذا إنتو بِتحِبّوني، كُنتو تَفرَحو، عَشان أنا ماشي لِلأبو. عَلَشان الأبو أكبَر مِنّي.

يُوحَنَّا 11:55

و كان عيد الفِصَح بِتاع اليَهود قَريب. و كَتيرين طَلَعو مِن الحِلَل لِأُورُشَلِيم عَشان يَغَسِّلو نُفوسُم زي عادَة اليَهود.

يُوحَنَّا 7:30

عَشان كِدا، هُم جَرَّبو يَقبُضو عَليهو، لَكِن ما في زول قِدِر يَخُت إيدو عَليهو، عَشان ساعتو لِسَّع ما جات.

يُوحَنَّا 7:6

يَسُوع قال ليهُم: ”وَكتي لِسَّع ما جا، لَكِن الوَكِت بِتاعكُم دايماً حاضِر.

يُوحَنَّا 6:4

و في الوَكِت داك، عيد اليَهود الإسمو الفِصَح كان قَريب.

لُوقَا 22:53

وَكِت ما أنا كُنتَ مَعاكُم كُلّو يوم في الهيكَل، ما قَبَضتو عَلي. لَكِن دي ساعَتكُم و قُوَّة الضُّلُمَّه.“

لُوقَا 9:51

و لَمّا تَمَّت الأيام لِرَفعو لِلسَّما، خَلّى كُلّو بالو، عَشان يَمشي لِأُورُشَلِيم.

مَتَّى 28:20

و عَلِّموهُم أن يَحفَظو كُل الأمَرتَكُم بيهو. و شوفو! أنا مَعاكُم كُل الأيام، لِغايَة آخِر الدُّنيا.“

يُوحَنَّا 8:20

يَسُوع قال ليهُم الكَلام دا جَمب الخَزنَه، لَمّا كان بِعَلِّم في الهيكَل. و ما في واحِد قَبَضو، عَشان وَكتو لِسَّع ما كان جا.

يُوحَنَّا 2:13

و عيد الفِصَح بِتاع اليَهود كان قَريب. و يَسُوع طَلَع لِأُورُشَلِيم.

يُوحَنَّا 13:29

عَلَشان يَهُوذَا كان عِندو الصَّندوق، بَعض مِنَّهُم فَكَّرو إنّو يَسُوع قال ليهو يَشتَري الحاجات الهُم عاوزين لِلعيد، ولّا يَدّي شي لِلمَساكين.

يُوحَنَّا 14:31

لَكِن عَشان الدُّنيا تَفهَم إنّي أحِب الأبو، و أنا أعمِل زي ما الأبو أمَرني. قُومو، نَمشي مِن هِنا.

يُوحَنَّا 19:28

بَعَد كِدا، يَسُوع شاف كُلّو شي كان خَلاص. و عَشان يَتِم المَكتوب في الكِتاب هو قال: ”أنا عَطشان.“