يُوحَنَّا 12:49 - كِتاب العَهد الجَّديد مِن الكِتاب المُقَدَّس

⁴⁹ عَشان أنا ما إتكَلَّمتَ مِن نَفسي، لَكِن الأبو الرَّسَّلني هو أدّاني أمر أقول شِنو و أتكَلَّم شِنو.

يُوحَنَّا 12:49 Referans Kwoze

يُوحَنَّا 14:10

إنتَ ما بِتآمِن أنا في الأبو و الأبو فِيني؟ الكَلام الأنا بَقولو ليكُم، ما بَتكَلَّم بيهو مِن نَفسي. لَكِن الأبو القاعِد فِيني، هو بيَعمِل أعمالو.

يُوحَنَّا 8:26

أنا عِندي حاجات كَتيرَه أقولا ليكُم، و أحكُم عَليكُم. لَكِن الرَّسَّلني، هو حَق، و السِّمِعتو مِنّو، دا بَقولو لِلدُّنيا.“

يُوحَنَّا 5:30

أنا ما بَقدَر أعمِل شي مِن نَفسي. زي ما أسمَع، أنا أحكُم. و حُكمي عَديل، عَشان أنا ما بَطلُب إرادَتي، لَكِن إرادَة الرَّسَّلني.

يُوحَنَّا 17:8

عَشان الكَلام الأنتَ أدّيتو لَي، أنا أدّيتو ليهُم. و هُم قِبِلو و عِرِفو تَمام أنا جيت مِنَّك، و آمَنو إنتَ رَسَّلتَني.

يُوحَنَّا 14:31

لَكِن عَشان الدُّنيا تَفهَم إنّي أحِب الأبو، و أنا أعمِل زي ما الأبو أمَرني. قُومو، نَمشي مِن هِنا.

يُوحَنَّا 15:15

بَعَد دا ما بَسَمّيكُم خَدّامين، عَشان الخَدّام ما بِيَعرِف البيَعمِل سَيِدو. لَكِن أنا سَمّيتكُم مَحبوبين، عَشان أنا كَلَّمتَكُم بِكُل السِّمِعتو مِن أبوي.

يُوحَنَّا 8:42

يَسُوع قال ليهُم: ”إذا كان الله أبوكُم، كُنتو تَحِبّوني، عَشان أنا مَرَقتَ و جيت مِن الله. أنا ما جيت مِن نَفسي، لَكِن هو رَسَّلني.

يُوحَنَّا 3:32

و هو يَشهَد بِالشّافو و السِّمِعو. و ما في زول بِقبَل شَهادَتو.

يُوحَنَّا 3:11

الحَق الحَق أقول ليك، نِحنا بِنِتكَلَّم بِالشّي النَعرِفو، و نَشهَد بِالشّي النَشوفو. و إنتو ما بِتَقبَلو شَهادَتنا.

رؤيا 1:1

رؤيا يَسُوع المَسيح الأدّاهو ليهو الله عَشان يَوَرّي لِخَدّامينو الحاجات اللازِم تَحصُل بَعَد شوَيَه. و هو رَسَّل و بِيَّنو بِمَلاكو لِخَدّامو يُوحَنَّا.

يُوحَنَّا 5:19

و يَسُوع قال ليهُم: ”الحَق الحَق أقول ليكُم، الإبن ما بِقدَر يَعمِل حاجَه مِن نَفسو، لَكِن بَس الهو بِشوف الأبو بيَعمِل. عَشان أي شي الأبو بيَعمِل، الإبن بيَعمِلو كَمان.

يُوحَنَّا 6:68

سِمْعَان بُطْرُس رَدَّ و قال ليهو: ”يا سَيِّد، نِحنا نَمشي لِمِنو؟ إنتَ عِندَك كَلام الحَياة الأبَديَّه.

يُوحَنَّا 7:16

يَسُوع قال ليهُم: ”التَّعليم بِتاعي ما حَقّي، لَكِن حَق الرَّسَّلني.

يُوحَنَّا 8:28

و يَسُوع قال ليهُم: ”لَمّا تَرفَعو إبن الإنسان، في الوَكِت دا بِتَعرِفو إنّي أنا هو، و أنا ما بَعمِل حاجَه بِنَفسي. لَكِن زي ما عَلَّمني أبوي، أنا بَقول الحاجات دي.

يُوحَنَّا 14:24

الما بِحِبّني ما بِحفَظ كَلامي. والكلام الإنتو بِتسمَعوهو ما بِتاعي، لَكِن بِتاع الأبو الرَّسَّلني.