يُوحَنَّا 10:16 - كِتاب العَهد الجَّديد مِن الكِتاب المُقَدَّس

¹⁶ و أنا عِندي خِرفان تانيين، و هُم ما مِن الزَّريبَه دي. ديل كَمان لازِم أجيبُم. و هُم بِسمَعو صوتي. و بَعدين يَكون مُراح واحِد و راعي واحِد.

يُوحَنَّا 10:16 Referans Kwoze

١ بُطْرُس 2:25

عَشانكُم كُنتو زي خِرفان ضايِع، لَكِن رَجَعتو هَسَّع لِراعي نُفوسكُم و مُلاحِظكُم.

يُوحَنَّا 11:52

و ما عَشان الأُمَّه بَس، لَكِن عَشان يَجمَع أولاد الله المَفَرّقين لِواحِد.

يُوحَنَّا 6:37

كُل الأبو يَدّيني، يَجي لَي. و البِجي لَي، ما بَطرُدو بَرَّه أبَداً.

يُوحَنَّا 10:27

خِرفاني بِسمَعو صوتي، و أنا بَعرِفُم. و هُم يَتبَعوني.

يُوحَنَّا 10:11

أنا هو الرّاعي الصّالِح. و الرّاعي الصّالِح يَدّي حَياتو فِشان الخِرفان.

رؤيا 3:20

شوف! أنا واقِف عَلى الباب و بَدُق. إذا أي واحِد يَسمَع صوتي و يَفتَح الباب، بَدخُل ليهو و باكُل مَعاهو و هو مَعاي.

١ بُطْرُس 2:10

إنتو الما كُنتو مِن قَبِل شَعب، لَكِن هَسَّع إنتو شَعب الله. و ما كُنتو قِبِلتو الرَّحمَه، و لَكِن هَسَّع قِبِلتو الرَّحمَه.

٢ تَسَالُونِيكِي 2:13

و لَكِن نِحنا لازِم نَشكُر الله دايماً فِشانكُم، يا أخوان المَحبوبين مِن الرَّب. و نَشكُر الله عَشان هو إختاركُم مِن البِدايَه عَشان تَخلَصو بِالقَداسَه المِن الرّوح و بِالإيمان بِالحَق.

مَتَّى 17:5

و وَكِت ما كان لِسَّع يتكَلَّم، شوف! سَحابَه لامعَه عَمَلَت ضُل عَليهُم. و صوت مِن السَّحابَه قال: ”دا هو إبني الحَبيب، و أنا مَبسوط مِنّو. أسمَعو ليهو.“

أعمال الرُّسُل 22:14

و هو قال: ’إلَه أبَهاتنا إختارَك عَشان تَعرِف إرادتو و تَشوف البار و تَسمَعو يتكَلَّم بِصوتو.

أعمال الرُّسُل 18:10

عَشان أنا مَعاك، و واحِد ما بِخُت إيدو عَليك عَشان يَضُرَّك. عَلَشان أنا عِندي ناس كُتار في المَدينَه دي.“

أعمال الرُّسُل 15:14

سِمْعَان خَبَّرنا كيف الله زار الأُمَم في الأوَّل، عَشان تاخُد مِنَّهُم ناس لِنَفسو.

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

يُوحَنَّا 10:2

لَكِن الإنسان البِدخُل بِالباب، هو راعي الخِرفان.

١ بُطْرُس 5:4

و لَمّا يَظهَر رَئيس الرُّعاه، بِتاخدو تاج المَجد الما بِفوت.

يُوحَنَّا 10:3

الغَفير يَفتَح ليهو الباب. و الخِرفان يَسمَعو صوتو، و هو يَنادي الخِرفان بِتوعو بِالأسامي، و يَقودُم بَرَّه.

يُوحَنَّا 10:4

و لَمّا يَمَرِّق الخِرفان لِبَرَّه، يَمشي قِدّامُم، و الخِرفان يَتبَعوهو، عَشان هُم بِيَعرِفو صوتو.

يُوحَنَّا 10:5

لَكِن هُم ما يَتبَعو الغَريب أبَداً، لَكِن يَهرُبو مِنّو، عَشان هُم ما بِيَعرِفو صوت الغَريبين.“

يُوحَنَّا 17:20

أنا ما بَصَلّي عَشان ديل بَس، لَكِن كَمان عَشان البِآمِنو بي بِكَلامُم.

رُومِيَه 11:25

عَشان أنا عاوِزكُم، يا أخوان، تَكونو فاهمين بِالسِّر دا، عَلَشان ما تَكونو شاطرين قِدّام نُفوسكُم. و قِسم مِن إِسْرَائِيل، روسينُم بِقو قَوّيَّه لِغايَة ما يَدخُل عَدَد كامِل مِن الأُمَم.

لُوقَا 15:8

ولّا خَلّونا نَقول إنّو مَرَه عِندَها عَشَرَه حِتَت فِضَّه. و إذا وَدَّرَت واحدَه مِنَّها، ما تَوَلِّع اللَّمبَه، و تَقُش البيت، و تَفَتِّش لِغايَة ما تَلقاها؟